[poem=font="microsoft sans serif,6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الحال يا سائل كئيبه حالي =حظي عوج من كل صوب وقبله
كل ما اقول الحظ تعدل مال ِ =ومالت علي هموم بقعا كله
يا سائلي خله على الله الوالي =رب ٍ كريم ما قطعنا بوصله
لو تقضي الكلمات باللي يقال ِ =ما يقضي اللي بالصدر يا جله
هموم قلبي ما تشيله جبال ِ =تندك لو شالت بعضها بثقله
سحر انعقد لي هو سبب غربالي =القاري لو جابوه ما يقدر له
سحر المحبة اللي يهد جمال ِ =اللي عقده فلا سواه يحله
ياليتني من هالمحبه خالي =وش هو حصيلي منه غير العله
بس بايش تنفع ليت والآمال ِ =غير انها تحرققك لين القتله
وبركان دمعك يوم حدر غالي =غير انه وسم في خدودك فعله
بنظم قصيدي واسمعك موالي =ياليت خلي يسمعه من خله
موالي مو موال قلب سالي =موال من هو فرق الهمْ شمله
لا تعجب من الشعر لامن جا لي =واكسيته من حسن المعاني حله
الهم يجبرني ببيوت جزال ِ =ولولاه ما تقرا بيوتي جزله
آنا انتخي بشعري ويجي بالحال ِ =ينصفني همومي ويخفف حمله
اكتب قصيدي من حزون طوال ِ =ازريت لااسلى عن حزوني وادله
وانثره انا نثر الجواهر غالي =والشعر ما ابيعه ولا به مثله
الشعر ما ينباع يالجهال ِ =وكيف الشعور يباع ياللي بعقله !!!
اصبح تجارة ومكسب ٍ للمال ِ =وعين الشعر تبكي على هالعَمله
الشعر له قيمه ومقام ٍ عالي =وبعض الشعر ترديده محد يمله
والوزن طار الشعر وشيله تشال ِ =والا فما هو شعر ياللي تخله
والشعر هو معنى وحكم وامثال ِ =والشعر له اهله وانا من اهله
ما هب غرور ٍ بي ومو بخصالي =لكني آحدّث بنعـــــــمة لله
والحمد له باول وايضا بتالي =ومن هو شكر زاده بجوده وفضله
[/poem]
وسلامتكم
رد مع اقتباس
المشاركة الأصلية كتبت بواسطة عبدالكريم بن خزيّم
