بسم الله والصلاه والسلام على افضل خلق الله
اعزائي واحبائي الجني صار له غايب اقل من سنه الا في ثلاث مرات خاصه واليوم وصل بعد
طول انتظار عسى انه جاب شي يجملني بعيونكم ويرضي ذائقتكم الرفيعه واعتذر مقدما عن
طول القصيده لانه الجني منحرج من طول الغياب وقال بيجيب قصيده تسد .....
تعال
[poem=font="Simplified Arabic,5,blue,bold,normal" bkcolor="transparent" bkimage="" border="double,4,royalblue" type=2 line=0 align=center use=ex num="0,black"]
تعال ابي احط النقـط فـوق الحـروف=امـا اتفقنـا مـن هـنـا ولاســلام
الى متى وانا علـى وصلـك شغـوف=والـى متـى وانتـه قليـل الاهتمـام
ان كان قلبك حـي خـوف الله وروف=انـا تعبـت مـن التجافـي والخصـام
وان كان قلبك مات ماباقـي حسـوف=اي والله ان الضـرب بالميـت حـرام
وان كانها دعوى انتقام اسمع وشـوف=مافيـه بسلـوم المحبـيـن انتـقـام
اللي يحـب يطـوف اللـي ماتطـوف=ومايلحـق المغلـي بغاليـه الـمـلام
يابن الحلال الوقـت قطـاع الشفـوف=احيانـا وشفـك يمـن ينحيـك شـام
وانت اغتنمها فرصه بصنـع معـروف=وبينـي وبينـك للضميـر الاحتـكـام
انت الحكم واحكم ولا يلحقـك خـوف=الا علـى الذمـه وعـادات الـكـرام
وانا لك الله وانت من غيـر محلـوف=تعرفنـي اصـدق بالفعـول وبالكـلام
هجمة همومي من عنا جور الظـروف=كنها يديـن جيـاع وضلوعـي ايـدام
اونس مثل ضرب الجنابي والسيـوف=بالصدر حتى راحت ضلوعـي حطـام
الله لايحـرمـك دانـيـة القـطـوف=لاتحـرم عيونـي مـلـذات المـنـام
لاتنثـر احـلام المحبـه للعـصـوف=يوم انها صارت مثـل ريـش النعـام
لاصار شوقـك للقـا شـرب العيـوف=انـا بحـل مـن العهـد والالـتـزام
ولاتـرى فرقـاك لاتعنـي وقــوف=مسيرة القلـب الخضـر مـع الغـرام
لن التوقـف عنـد نقطـة للضعـوف=وانـا بفلسفتـي اسمـيـه انـهـزام
تعثـر بخطـوه بمفهـوم الـعـروف=حافز كبيـر لخطـوه اخـرى للامـام
يمكن عن الحـب التنحـي والعـزوف=ياخذ معي شهريـن وان طولـت عـام
غيرك من امثالك على الدنيـا الـوف=القى بهـم وافـي ليامـن حـب هـام
بالرغم من ندرة شبيهـك بالوصـوف=اوربمـا توصـل حــدود الانـعـدام
لنك على اجمل وصف باوصافك تنوف=اعطـاك ربـي جاذبـيـه وانسـجـام
ماكنـه الا شمـس ينصفهـا كسـوف=اليا انتصف على هـاك الوجـه اللثـام
وتبـارك الله يـوم اناظـر بالكفـوف=الشاهـد الله كـن مافيـهـا عـظـام
كفوف غيرك جت مع كفوفـك خفـوف=واصابعك تشبـه وهـي اعلـى مقـام
اعلان تسويقـي يخـص الديفـادوف=ليا استوت بالصـف والكـف استقـام
وعرض الصدر على الضخامه بالردوف=اشبه بساعة رمـل مـع دق الحـزام
عيبك على لسانك بعض لفظ معسـوف=ومع ذلك احسه علـى افضـل مايـرام
احيان حرف الراء من الاصل محذوف=واحيـان تنطـق راء لكـن نـص لام
وانا اعتقد مهما يكـن رغـم الانـوف=انه لجمـال الـروح فـرض الاحتـرام
العلم وصلك والنقـط فـوق الحـروف=اربع حروف بلا نقـط يعنـي (سـلام) [/poem]
وسلااااااااااااااااااااام تكم
رد مع اقتباس
