بسم الله والصلاه والسلام على افضل خلق الله
اولا: اعرف ان من يقرا العنوان يظن انها غرفة نوم او دولاب ملابس لكن مالقيت افضل من
هالعنوان لها .......
ثانيا : هي للتواصل فقط مع قلوبكم النقيه لاني والله مقصر لكن المشكله اني مضيع اكثر
القصايد وماعندي جديد تخيلوا من سجلت في غرابيل ماقلت الا ثلاث قصايد وبعضها محظور ..
لكن ربك مايقطع بعبده كل مادورت تحت الطاوله ورى الدولاب في بعض الاادراج المهمله اجد
قصيده والسبب اني فوضوي ....
ندخل بالمفيد طولت المقدمه صح ....
<><:::::::::::>< يعرف انه مقصر على شا ن كذا يرقع (*_^)
ثلاثه بااربعه
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كتبت بك ثلاث قصايد وابي اسويها اربعه=اليوم هذا بس غير اللي كتبته من قبل
يالصاحب اللي لو يأشر في قصيدي بااصبعه=الاربعه والله لادبلها لاجل عينه دبل
مادام صعب يشوفني لعل صوتي يسمعه=عساه يعرف حالة اللي قطعت فيه السبل
لا والله الا مايروح الا انا رايح معه=ماني على الغارب مخلي بعد ماالقاه الحبل
انزل نزوله لا نزل واطلع معه في مطلعه=يدي بيده من وطا الوادي الى راس الجبل
البعد مالله حببه لن الجفيا موجعه=تحمل متون الرجال اكثر من متون الابل
راعي الهوى لامن هوى مايقتنع لو تقنعه=ماهي معاه بفارقه مجنون !متهور!خبل
وانا بلاي اشتقت لسيوف (ن) بعينك مشرعه=ورموشها صفة عساكر قادها صوت الطبل
مثل الجمر شفايف(ن)قلب المولع تنزعه=وليا ابتسمتي لاح بين شفاك براق الوبل
فيك النوادر والغرايب بالوصوف مجمعه=ورد الحدايق لو يشوف الورد بخدودك ذبل
مير ارحمي قلب(ن) دخل ضيق المحبه من سعه=سلم لك امره لو امرتيه يتعذب بك قبل
مايرفض الا بغيتي حبل وصلك يقطعه=وان قالها الله وانجبر معذور لو فيك انهبل[/poem]
وسلااااااااااااامتكم
رد مع اقتباس
[
