بسم الله والصلاة والسلام على أفضل خلق الله
لا أحب الاستعجال في طرح القصائد لكن لا اعرف لماذا هذه أحببت اطلاعكم عليها مبكرا .
ربما لأنها اتت هكذا بدون سابق إنذار أو لأنها وليدة لحظات خاصة .
لم تأخذ في فكرتها إلى اكتمالها الوقت الكثير لذا رأيت أنها لا تحتمل التأخير .
أترككم معها
كثر التواجد والحضور
[poem=font=",5,indigo,normal,normal" bkcolor="transparent" bkimage="" border="double,4,purple" type=2 line=0 align=center use=ex num="0,black""]
أحيان من كثر التواجد والحضور=نفقد كثير من المحبة والوئام
لن الملل أول مسافات النفور =و أصل النفور أول مسافات الخصام
بعض الغياب منشط لبعض الفتور=اللي يجي بالالتقاء على الدوام
ترى الغياب اللي من أسابيع لشهور=ما أقول يعني عام ولا فوق عام
يلعب على رفع أسهمك لا جيت دور=ويعطي حضورك جانب من الاهتمام
و يعمل بتقوية المعزة بالصدور=ويقلل أكثر من حدوث الاصطدام
ويحفظ مقامك بين وافين الشبور=ويزيد منسوب الغلا والاحترام
صحيح والرفقة بضاعة لن تبور=في سوق عالين المكانة والمقام
بس الحذر والحرص في كل الأمور=واجب قبل ما ينطلق منك الزمام
رح عاد وين اللي بدا منه القصور=وايش الكلام الأول وباقي الكلام
وفلان ماله عذر وفلان معذور=مدري غضب مدري عتب مدري ملام
بأسم الميانه توصل لجرح الشعور=ويعطل الشرهات تطبيق النظام
تشبثك بالراي نوع من الغرور=وتساهلك يعني ضياعك بالزحام
بالذات وانته لك مع أهل الشور شور =ويشيل صدرك هم لو مالك مهام
تشعر وكأنك على نفسك تدور=ولا على نفسك تقود الانقسام
على كذا أفضل طريقة للمرور=من نفق دائرة الخلافات بسلام
غياب مضمونه يمهد للظهور=بالشكل الأقرب لاكتساب الانسجام [/poem]
وسلااااااااااااااااااامتك م
رد مع اقتباس
المشاركة الأصلية كتبت بواسطة احمد مناحي
