بسم الله الرحمن الرحيم
السلام عليكم ورحمة الله وبركاته
[poem=font=",6,black,bold,italic" bkcolor="transparent" bkimage="" border="outset,2," type=2 line=1 align=center use=ex num="0,black""]
غدى حليلً لي فرح وقتي العود=وهموم حزني جاورتني بحليلي
تعبت تكفى والجفا تعبن زود=نهاري اللي عاتب اطراف ليلي
تفداك دقاتً غدى صوتها رعود=لاشفت زولك مقبلا ويعدي لي
ويفداك ريح الند والمسك والعود=لابنّت اطيابه على اطرف جديلي
وتفداك دمعاتي مع عيوني السود=ويفداك صبرً هد عزمي وحيلي
الصبر خبري به ولد عزً وجود=بالجيل الاول ماهو بوقت جيلي
يوم الرجل كلمته ميثاق وعهود=ماهو حبر واوراق ختم ودليلي
يوم الحيا مايشكي النعّس الخود=اكبر شكاويّه ابيك وتجي لي
تعبت من وقتي مشاريه ونقود=يوم ان بحرك غالبً عذب نيلي
اطلق مشاريه الملا ماتبي فود=لامن ورى وصلك ولاحمول شيلي
تطري طوارييّ مع هبة النود=واغفى على همً وليلً طويلي
ياوجد حالي وجد من ضيع الذود =وعقب الغناة اصبح فقيرً ذليلي
او وجد من دربه متاهات وسدود =متعوكس ومدات حظه قليلي
او وجد من غاليه امسى مع الدود =وحر المدامع فوق خده هميلي
او وجد ذباحً وسيافه يقود =تلولسن رجليه ثم صاح ويلي
عليك ياللي حدب الاضلاع مفرود =يكيل صدك والليالي تكيلي
بس الوكاد اللي برجواك مقرود=يموت ضامي بين عد وصميلي
راعيت جرحً في محانيّ مسرود=ودمي على باطن كفوفك يسيلي
[/poem]
:
/
:
/
:
/
الشمـــــــــريه
رد مع اقتباس
-new.gif)
