بسم الله ،،
،، أرجو لها القبول ،،
يقول :
[poem=font="simplified arabic,4,black,bold,normal" bkcolor="transparent" bkimage="" border="none,2,black" type=2 line=0 align=center use=ex num="0,black"]
الله خلق فالناس صفوه من الناس= ولا الردي مالي بخوته حاجه
كم شفت بالدنيا من افراح واتعاس =وقتن غدى ضدي يقلّب مزاجه
أحترت في روحن طوى حلمها الياس= مابين واقع _مر_ يرثي نتاجه
حتى تبينت القناعه على ساس =الجرح مهما كان يلقي علاجه
لو ان هذا الوقت به ساد الانجاس=اللي تداعي (بالانا) والسذاجه
فمن حدثه عقله على الصدق ما نحاس=لانه نهج دربن قليل انتهاجه
غاب الضمير الحي من كثر الافلاس= حتى وصل بالغبن عنق الزجاجه
ياما صبرت وقلت ياقلب لا بااس=ماضاق وقت .. إلا يجيك انفراجه
أسمح وسامح لو ترى المر بالكاس=أشرب ترى حاليه يغلب هماجه
حدث بها سيد البشر( لابن عباس)=اللي رواه الترمذي وابن ماجه
فالعلم نورٍ ورثّه الجمع وقياس= بين الشرائع نور يوقد سراجه
فكم واحدٍ هرجه تقل حد الامواس= واذا طلبت مواجهه مايواجه
ينحاش من ضله معا قرع الاجراس=ويبدي لك بكل الامور انعواجه
مايصدقك بالقول لاجيت عساس=له حاجتن عندك ..تشوف أنزعاجه
ماني رفيقٍ له ولو كان لباس=ثوب الغني والمجد لبسه وتاجه
نفاخ كيرٍ بالمثل والتمراس=إن ماحرق ثوبك عماك بعجاجه
احرص على اللي رفقته دوم نبراس= يكفيك لا قابلك وابدى ابتهاجه
كنه أخوك من الرضاعه بالاحساس= وإن كبر همك حط دونك سياجه
حصنٍ منيع ليا حمى الدم فالراس= يشرف بوقفاته لحين احتياجه
مثله ترى خوته مكسب ونوماس=يناجيك باسم المرجله .. وانت ناجه
هذي نصيحه شامله دون مقياس=لو كان فهم النصح يندر رواجه
هذا ضميري قال مابين الاقواس=(كلن على ماقيل يعرف خراجه)
واذا فقدت انسان من خيرة الناس= ماعاد لي في باقي الناس حاجه[/poem]
[align=center]
وسلامة روسكم
[/align]
رد مع اقتباس
المشاركة الأصلية كتبت بواسطة عدنان البشير
