بسم الله الرحمن الرحيم
أسعد الله أوقاتكم بكل خير
إطلالة جديدة .. أتمنى أن ترتقي لذائقتكم
[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الزين يفرض نفسه لو مابه أسلوب = والله لو يلبس على جسمه خياش
مزيون وفوق الزين طيب وحبوب = وللزين والإمتاع والسلطنة حاش
صعبة الاقي مثله إنسان محبوب = كني أدور بين الأشجار منقاش
بالذات لامن صار أبيض ورعبوب = كنه قطن مستوصف ولفة الشاش
أبيض بياض الثلج واصفى من الروب = والشعر الأسود يترك القلب جياش
ثقيل مثل المغنطه حول مجذوب = وخفيف دم وخفته خف فش فاش
عينه تقل فرسان في ساحة حروب = يحمل مابين رموشه السود رشاش
ماهوب لاعصن معصقل ولاهوب = دبّن بليّا لب يمشي وينهاش
جسمه مهـنْـدَس هندسة راعي الطوب = اللي يصف الطوب يادافع الكاش
لا والله إلا خلقة مصبّـر ايوب = كشـّن على الحساد يا كثر الأكشاش
يلبس من العفه على فتـنـته ثوب = لاعاش راسن يقترب منه لاعاش
كامل بعيني لكن إن فيه عذروب = يودي كل اللي يشوفه للإنعاش ..
[/poem]
وسلامتكم ..
.
.
.
صالح المرزوق
[/align]
رد مع اقتباس
)~
