[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ما جيت أغني عن المحبوب والقمرا=جيت أبسّجل مع الشعّار ملحوظه
محبة الناس للإنسان ما تشرى = ماهيب مع سلعة التجار معروضه !!
والشخص لو كان لا يكتب ولا يقرا=التجربة فالحياة الصعبة تعوضه
الناس مفهومها للعيشة القشرا =الفقر فالمال وألا كثرة قروضه
اختلطت يدينها اليمنى مع اليسرى =وكلٍ مفصّل طموحاته على الموضه !!
ودروبها خضر لو كانت ماهي خضرا =أشياء متأمّلة وأشياء مفروضه
في صدرها علةٍ ما ظنتي تبرا=طموحها صعب والأحلام مرفوضه
والأرض ما بين ذا ذاري وذا يذرى =والناس ما بين مبليّة ومحظوظه
والغيب مجهول والمجهول ما يدرى =وألا وش يحدنّا للصعب ونخوضه ؟!
ما يغبط ألا حميد الذكر لو يطرا = اللي مصلي جماعة كامل فروضه
سلّم على اللي يصون العرض لو يغرا =ويا سعد منهو مصلي الفجر فالروضه
.
.
وسلامتكم
.
.
[/poem]
رد مع اقتباس
المشاركة الأصلية كتبت بواسطة مفرح بن مناحي
