اهداء لكم اتمنى ان ترتقي لذائقتكم وتجد القبووووول لديكم
[poem=font=",6,purple,bold,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ياهاجسي لاتتعب القلب خله=يكفيه من دنيا الشقاء ما حصله
ليا براء عله بداء فيه عله=يخفي صوابه مايبى الناس يدرون
والفكر مما فيه زادت همومه=عايش بها ما بين ليله ويومه
يحلم ولكن ما تحقق حلومه=لكن من الله با اطلب المد والعون
الناس تحسبني بدنياي سالي=محدن عرف باللي بوقتي جرالي
صابر على جور الزمن والليالي=اضحك وحزني داخل الصدر مسجون
مخفيه عن راع الحسد والنميمه=ناسٍ تحسب الهرج دايم غنيمه
من علهٍ وسط الضماير مقيمه=عجز الدواء والطب فيها يفيدون
احترت انا فاالناس فيها اختلافي=ياصعب من تلقاه بالود صافي
اكيد له شيٍ وراء الود خافي=المصلحه للود والقرب قانون
وين الوفاء والطيب وين الشهامه=فا الالف تلقا لك رسوم وعلامه
صار الردي بالمال عالي مقامه=ليا حضر للناس دايم يهلون
المال مايرفع قليل العزومي=لاصار فا الواجب مايقض اللزومي
تبقى الرخامه ميزةٍ فا الرخومي= للاصل فا الايام لازم يعودون
والطيب فا الطيب على طول تلقاه=ليا نخيته جاك كله من اقصاه
وليا لفاه الضيف رحب وعشاه=مايملكه جابه ولو كان مديون
يقوله اللي ماتغير طباعه=وافي مع الاجناب ولا جماعه
ليا كسب والنعم راس الطماعه=والرزق عند مدبر الكون مضمون
والخاتمه ياهاجسي وسع البال =يمكن تعدل فالزمن بعض الاحوال
لو كان همي داخل الصدر لازال= مير الفرج نرجيه من والي الكون
[/poem]
فرج العصيمي
رد مع اقتباس
المشاركة الأصلية كتبت بواسطة عبدالهادي الجهني
