.
.
السلام عليكم ،،
إعتذار لـ ابو عبدالرحمن عن التقصير ولـ اعضاء غرابيل الغاليين ،،
شموع وقناديل ..!
لولا العنا /والهم /والصمت / والليل
________ وآهات صدري يوم تطري عليّـه .!
ماكان جيتك شوق يانجمـة إسهيـل
________ أحمل لك اشواق العتب في يديّـه .
اقول وينك.؟ صرت في وصلك إبخيل
________ أسبوع والنفس الشقيّـه شقيّـه .!
خابرك في وصلك كريمٍ كما السيـل
________ وألا انت تحسب بأن وصلـك خطيّـه
عطني من وصالك قـدوع وفناجيـل
________ وجـبّ خويّـك ياموجـبّ خويـه.!
وأنـا ابأشعلـك شمـوع وقناديـل
________ وأعلمّك ويش الذي صـار فيّـه .!
عقب الغياب وعقب ذيـك البهاذيـل
________ والهّم كنـي مـن وجـوده سميّـه
وشلون حظي من عقب بعدك يميـل
________وشلون .؟ صرت المبتلى والضحيّه.؟
ياأنقى من الهرجه وأدق التفاصيـل
________ يامعالـجٍ فينـي ثمانـيـن كـيّـه
واطرب من الشيله وجـرّ المواويـل
________ واعـذب وآحـلا وآخـري واوليّـه
وأجمل أمـل لاقيـل ليـل المقابيـل
________ وأعـز ماجانـي مـن الله هـديّـه
قرّب ترانـي مابقـى داخلـي حيـل
________ ضاقت عليّ إفجـوج نجـد العذيّـه
أمسي على ويلٍ واصبّح على ويـل
________ إليـن ماشفـتّ العـنـا والآذيــه
وأخذ وآعزّي كل مابي وآنـا أشيـل
________ رحلـة وداعـك والنوايـا مطـيّـه
سلمّ على روحك وشّـد المواصيـل
________ والصدّر لو مالك به أعـروق حيّـه
ماكان جيتك شوق يانجمـة سهيـل
________ أحملّك أشـواق العتـبّ فـي يديّـه
وسلامتكم ،،
.
.
رد مع اقتباس
