على الله يا الزمان اللي فعولك ما تسر الحال
اعيشك وانت خابرني رجل والسم بلساني
رجل وان صكت الحلقه وفايدتي براس المال
رجل مستقبلي بيدي ولا دور على الثاني
ولكن ما هو موضوعي وراسي عمته دسمال
مدسم شاربي الزينه وابيع الطيب مجاني
بدون مقدمات ابدا الى حضرة جناب ال طال
غيابه بدون اي سابق شعار وموعد اعلاني
تحيه طيبه عبر الاثير وخدمة الجوال
واما بعد فأولها كبيره بحقي تنساني
انا من علمك نطق الحروف وصيغة الاكمال
وانا من علمك تكتب لساني حصاني حصاني
وانا من علمك حسن التصرف عند الاستغلال
وما هو مدح في نفسي ولكن هذا عنواني
اقدمها كذا الحسنى بلا معطى ولا مثقال
وغايب ما شرح سبة غيابه يعتبر جاني
يا اول من تهلتبك دهاليز الغلا والفال
واول من حفرت اسمك على قلبي وضلعاني
وايضا من اسلهمبك واغيب وافقد الارسال
الى منك ندهت اسمي او انك قلت بو فلاني
نسيت ان الغياب احيان جرحه يولد الاهمال
ونسيت ان الجزا دايم نتيجة صنع الانساني
نعم حبيت اوصلك عتاب وكلمتين جزال
وحلقه تحطها باذنك عن المنقود والداني
اذا دار الزمان بدورته واستحلفك من قال
انا سهيل اليماني المرتفع والجدي رباني
وانا ولد الثريا احفظ الكلمه ونعم الخال
بصدري مسلم وشرحه وما صححه الالباني
ابيك تجاوبه بانه رجل وكنايته رجال
وبانك بعته بلحظة غرور وزيفك الفاني
عموما يا زمن شكرا جزيلا بقفل الجوال
مكالمتي انتهت مع قصة المظلوم والجاني
طلال الشامسي
رد مع اقتباس
المشاركة الأصلية كتبت بواسطة أبوعبدالرحمن
