[poem=font=",6,indigo,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الشعر في وقته يجيب المضامين=ويسري بشريانه معاني ثمينة
واليا حضر كني بوسط البساتين= اجني ثمر تفاح خوخه وتينه
والبارحة ماقرب النوم للعين=ومن زود مافيني هجرت المدينة
تفجرت بالقلب مثل البراكين=ومن ماجرى شفني مجاف السكينة
شفت الخطأ يطغي على الحق ويبين=والناس مع درب الخطأ تابعينه
والصدق قل وسبته قلة الدين=والكذب ثوبٍ يستر مفصلينه
وياكبرها وإن جات من ناس غالين= أنا أذهلتني يالعقول الفطينة
لكن على بلواك صبرك من الدين=والمؤمن الصابر إلآهي يعينه
ويا صاحبي حنا رجالٍ عزيزين=مأكل زلت صاحبٍ حاسبينه
نرفى خماله لجل عين المحبين=اللي لنا معهم علاقة متينة
يعني عباره حطها بين قوسين=(من شان خاطر عين تكرم مدينة)
وإن زاد جوره ندمغه بالبراهين=نعطيه درسٍ مانسنه سنينه
حنا كذا عادتنا والقوانين=حد السيوف المرهفات السنينه
[/poem]
رد مع اقتباس
المشاركة الأصلية كتبت بواسطة نايف بن مطيع
