ماكينة خياطة ابو اسد بمبلغ 50 ألف دولار ( فرصة للثراء السريع )

[ومضة حضورك]

لابد من تكثيف الجهود لتوعية الناس
شكرا على التوضيح

[عيون مغليها]

اخيرا عرفت وش السالفة
الاقي بشات الساحة دايما يكتبون ماكينة الاسد للبيع واقول ياربي وش السالفة اقلبو الشات بيع مكاين

لا واصلا مو عارفة وش يعني ماكينة الاسد افكر ماكينة تصيد اسود ههههههههههههههههههههههههه ههههههههههههههه مدري انها ماكينة خياطة <<< ياحبني لي بس هذا اللي اقول

[فخر أهلها]

هههههههههههههههههههههههه ياناس خلو هالعجز اللي مكفتين المكاين بالدولاب وملحفينها شريشف لها سنين يترزقون الله

بعدين السذاجه هنا مو لعامة الشعب انا اشوف ان اللي يبيع بالعكس ذكي وعرف يستغل الفرصه لان الفرص ماتجي دايم

لكن الشرهه على اللي يروح يشتري ويقعد بها بالاخير :)

مشكور ابو عبدالرحمن على هالموضوع

[الشوق عطري]

ههههههههههههههههه

كذبة ابريل

[Too aspirant]

كذبة ابريل مثل ما يقولون ..

بس و الله حرااااااااام .. السعوديون مثل الغريق اللي يتعلق بقشة ..

ليه ما ظهرت الإشاعة هذي في باقي دول الخليج .. !!! ليه ما تفاعلوا الناس معها مثل السعوديون ..

ليه يا وطن ظلمت شعبك ..

[بنت ناس وقلبي الماس]

[glint]هههههههههههه شر البلية مايضحك ما أقول الا لا حول ولا قوة الا با لله العلي العظيم يا ما في الدنيا عجايب [/glint]

[العلم والعالم]

[align=center] بسم الله الرحمن الرحيم

السلام عليكم ورحمة الله وبركاته

صبااح / مساء الخيرررررررر

عند أمي مكينه بس من نوع فراشة (( مرسومه عليهافراشة))

كم قيمتهاااااااا؟؟؟

أم اسد
ياااااااااااا حسااااااااافه 50000 والله روعه

تخيلو مكينه بـــــــــ 50000 والله ضربه معلم[/align]

[مبـــارك]

ههههههههههههههههههههههههه ههههه


شر البليه مايضحك


جاتني اخبار ان في بيشة صاروا يشترون المكينه بـ 90 الف ريال


وفي الوادي باقي ماوصل السعر هذا .. اليوم في الوادي واحد شاري مكينه الخياطة بـ 25 الف ريال خخخخخخخخخخ


والله المخفات بس


مشكور ابو الدحمي على الموضوع المضحك


تحيــاتي لك

[سمووره]

ياحليل هالشعب المسيكين
الله يرزق الجميع من اوسع ابواب رزقه
مايدرون وشلون يجيبون هالقروووش الله المستعااان
الله يكملنا بعقولنا ان شاءالله
يسلمووو

[جومانة 55]

أقوووووووول خلينا نلحق نبيع المكن الي عندنا قبل مايصحو المساكين الي مصدقين هالإشاعة

[yalawahana]

ما نقول غير رزق الهبل على المجانين

[شادي بلادي]

السلام عليكم ورحمة الله وبركاته .
كيفكم جمعيا ان شاء الله بخير
انا محدثكم من المدينه المنوره كنت مساء هذا اليوم اقوم بالتجول في شوارع المدينه وفوجئة بتجمهر كبييييير من المواطنين اما مطاعم البيك بجانب محل مكينات خياطه وسألت احدهم ( وش السالفه ؟)
قال مزاد علني لبيع ماكينات الخياطه القديمه . قلت اجل العلوم اللي نسمعها صح ؟ قال ايه والله صح . اذا عندك مكينه ألحق جيبها قبل تطير الطيور برزاقها .
والله اخوكم مايصدق هالكلام قلت لازم اشوف هالمزاد بعيني عشان اصدق
والله واشوف هالعالم وما فيه مكاين قلت لاحد المتواجدين هناك فيه احد باع ماكينه والا بس تجمهر فقط قال لا والله قبل شوي جاء رجال بماكينة قديمه واظنها ابو اسد والناس تهجم عليه وكلن يقوله بكم تبيعها وصلو سعرها الى 16.000 لكن الرجال طمع وما رضي يبيع ومشى .
قلت يا حساااااااااافه والله لو هالمبلغ يجيني في سيارتي اللي ما عندي غيرها كان بعت هههههههههه 16.000 في ماكينه اكلها الصدا ولا يبيع والله مغفل .
صراحه الشعب السعودي وبالاخص شباب المدينه فقراء ويبحثون عن الفلوس في كل مكان .
ولكن انا عندي مكينه عليها علامة اسد بس راسه راس بنت هههههه ومن شركة مرسدس طبعا المانيه اصلي 100% من يفتح المزاد هاه كم نقول
بسم الله يا فتاح يالكريم ...
نفتح الباب بـ 5000
هاه يا مدور الربح يا شراي كم تدفع ؟
ههههههههههههههههه
والله شر البليه ما يضحك
ياليت اللي يعرف يقولي الماكينه اللي عندي كم تسوى ؟ وانا بياع وماشي ههههههه

[(العتيبي)]

ههههههههههههه

لهدرجه الشعب متخلف الحمدالله والشكر بس

يانااااااااااس با المعقوليه مكينه قبل عشرين سنه 200رياااااااال والحين بعد ما خرفت المكينه يطلع سعرها 70الف ريال ههههههههه وين حنا فيه وبعدين با المعقوليه الامانين يبي يبعون المكينه وفيها الزئبق الأحمر
معلومه بسيطه عن الزئبق الأحمر من المواد النادرة جداً وثمنه قد يصل إلى ملايين الدولارات .
وقصة الزئبق الأحمر ارتبطت قديماً وحديثاً بالجن والشياطين والكنوزولكنه في الواقع أخطر من ذلك بكثير خاصة وأنه يدخل مباشرة في صناعة الأسلحة المتطورة كما يدخل في صناعة النشاط الذري بمختلف أنواعه ويؤكد بعض الباحثين في علم الآثار أن هناك بالفعل ما يسمى الزئبق الأحمر وهو عبارة عن بودرة معدنية حمراء اللون ذات إشعاع لا تزال تستخدم في عمليات ذات صلة بالانشطار النووي ومصدر تصنيعه وتصديره لدول العالم هو بعض دول الاتحاد السوفييتي السابق إذ تقوم بعض العصابات بتهريبه من داخل المفاعلات النووية هناك ليباع بملايين الدولارات في بعض دول العالم .

يالله بتوفيق للجميع

[الشمالي6616]

خراااااااااااااااابيط


ماكينه وفيها ماده قيمتها بالملايين؟؟

ايش السبب اللي خلى اللي صنعها يحط فيها الزئبق اللي تتكلمون عنه

ياجماعه كبرووا عقولقكم

هذي تفاهات نحن اكبر منها

مشكووور اخوي على هذ الطرح

رفع الله قدرك

[شايل جروحي بروحي]

ابا اقولك شيء بس لا تعلم احد هههههههههههههههه
حنا عندنا مكينة الفراشة
الله يسلمك على الموضوع