لكم الجديد
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
هزتني الأشواق من باب الإعجاب = ولا نيب لا التالي ولا نيب الأول
ياللي حضورك غير وغيابك غياب = دولت حبك فالعروق وتدول
أرفق على قلبِ له سنين منصاب = دوك الحزن خيم بصدري وطول
يا مخلياٌ الناس في عيني أغراب = قلبي مدينه وأنت فيها تجول
من باب رفقِ بالمحبة والآداب = شف صاحبك من شاف حاله تهول
الحب سلابِ للأحوال نهاب = اطلع برجمه وانشد اللي محول
عزالله انه صاب رمحك ولا خاب = كن الحزن بعدك بقلبي مخول
ماهوب حقِ منك ياسيد الأحباب = لو كان للعشاق شطرِ مقول
كل المشاعر سقفها بالغلا ذاب = أنت أكبر الأسباب وأنت المّمول
أدعج غنج مياس ورموشك حراب = كني أليا لديت فيّ أتسول
قبلك وأنا من جملة البيض ماهاب = قلي ماهوب اليوم هذا من أول
وأقول حقك ما لحق فيه طلاب = ولانيب لا التالي ولانيب الأول
[/poem]
رد مع اقتباس
(الحزن الرغيد)
المشاركة الأصلية كتبت بواسطة ليــن القســا
