[align=center]مسااكم ورد وجوري جميعا
للتواصل من جديد
اتمنى ان تنال استحسانكم [/align]
[poem=font="arabic transparent,4,,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/196.gif" border="double,4,sienna" type=1 line=0 align=center use=ex num="0,black""]
لبّيه ياللّي يوم ألبّيه يطرب=يطرب معي لاقلت له سمّ لبيه
لبّيه ياللّي لو بوصّفْه باتعب=اتعب وانا ماقلت شي(ن) يوفّيه
لبّيه ياللّي كل ماغبت يشعب=يشعب ركايب شوقه لدار غاليه
مدري جنون الحب أو شي أغرب=أغرب ولكن جعل ربّي يخليه
دامي أذوق الحب أنا فيه واشرب=أشرب غرامه صافي(ن) كيف مااعطيه
عمري وروحي والمشاعر مع أعذب=أعذب كلام الحب من قلب مغليه
أقرب من أنفاسي والاهداب واقرب=أقرب من الدّم لوريد(ن) مشا فيه
أحلى غرام(ن) عشت أنا فيه وأطيب=أطيب خفوق(ن) والهنا بس بيديه
اليا تكلّم يشكي الحبّ واسهب=اسهب بوصفه ضعت مابين عينيه
وان قال احبّك بالاحاسيس يلعب=يلعب على اوتار الغلا بين كفّيه
كنّ المشاعر لحظة لقاه ملعب=ملعب وبسمه من شفاياه بيليه
أصدق حبيب(ن) فالمحبين وأكذب=أكذب بشر لاقال قلبك بخلّيه
هو اكتفا فيني عن الناس واضرب=اضرب عن مشاهد هل الحسن والتّيه
وانا كفتني نظرة الشوق واعجب=اعجب من اللي مايحبه ويشريه
اشتاق اشوفه واعشقه حيل وارغب=ارغب اعيش بقربه العمر وافديه
أكبر قهر لو غاب عنّي والاصعب=اصعب قدر ماهو نصيبي وانا ابيه
قلبه معين العشق ومحال ينضب=ينضب وانا بعروق قلبي أغذيه ؟
لاصرت أنا وياه للحب مضرب=مضرب مثل وشلون باللّه ماالبّيه
لبّيه .. ثم .. لبّيه.. لو كان يغضب =يغضب جميع الخلق مادمت برضيه[/poem]
رد مع اقتباس
