[poem=font="traditional arabic,6,,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/52.gif" border="double,4,indigo" type=2 line=0 align=center use=ex num="0,black""]
حنّيت لليل والمسرا ولوح البروق=من بعد ما ليلي البارح سرا بارقه
وأتذكّرْ اوجاع قلبي..واستعيد الطروق=للي على شانها راسي بنا طارقه
لازال من عهدها شوق وبقايا حروق=ولليوم وأنا اشتكي من كيّةٍ حارقة
وسّمْتها وانت لاهي في مسار العروق=واليوم ترْدِف عليها طعنةٍ مارقة
بين الضلوع امرحت..والبعد سهمٍ زروق=ياويلي ابطى رجاك..ودمعتي زارقة
من زود حبِّك تدلّع بي غروب وشروق=ماتدري انّي بشر ياشمسي الشارقة
اموت من ثني خصر..ولمْح طرفٍ سروق=ياكيف بك وانت نبضي من زمن سارقه
بينك وباقي بنات الناس بعِْد وفروق=اشلون وانتي بموّال الدلع فارقه
انا اشهد انّي لأروّق خاطرِك قبل أروق=ياالوردة اللي على غصن الغلا وارقه
مابين عيني خروج وبين عيني مروق=الحزن يمرُق ويخرج دمعةٍ غارقة
كلّه من الليل والمسرى..ولمع البروق=والغالي اللي لمع لي بالهوى بارقه[/poem]وسلامة قلوبكم,,,
رد مع اقتباس
