ܓܨ.. ذكـرآيتكـــمْ / وطفوٌلتكــــمْ ..ܓܨ

[خ ــيآلْ ~]

محمد تمون ياباشا ^_^

ونوٌرتي نور قوووي ياسموره ..

وننتظر ضيفك ~

[محمد الدغيري]

[align=right]هههههههههههههههه هي الله أم إحديجان <<< مسكها عاد كيف يطلقها

طفوله رائعه

وننتظر منك ترشيح ضيف /هـ إلى هنا

تحيه ع ــطره[/align]

[سمووره]

محمد يكفيني اسمعها بالبيت مافيني اسمع هاللقب بمكان ثاااني ههههههههههههه

أنا أرشح مازن لو ماترشح واذا ترشح خلاااص اختار همس الرووح
والله يعطيكم العافيه يارب

[خ ــيآلْ ~]

مازن سبق واعتذر ..

وياليت ترسلين لهمس الروح عشان تجي ^_^


’

[همس الرووح]

سمووورة غلاتي شكراً لتذكركِ لي

ساكون معكم بعد الدوام اليوم

انتظروا ايام من طفولتي


تشكرات جنون الورد

في رعاية الله


&&&&&&&&

[همس الرووح]

سمورة الغلا تشكرات ع الدعوة

جنون يعطيج العافية غلاي

نبدأ بسم الله الرحمن الرحيم

طفولتك .. يكسوهآ طآبع الهدوء والا الشطآنه ؟؟

أغلبها الهدوء الذي

يسبق العاصفة إذا واحد

من التماسيح استضعف

واحدة من السحليات راحت عليه

ينادوني عشان أخليه يعتذر ويصير

ع الصراط المستقيم

*حلم طفولتكّ / مآهو ؟.. وهل تحقق ؟؟

الحمد لله تحقق اختصاصية نفسية / تربوية

بس ماكملت دراسات الدكتوراه

لظروف وفاة أبي

*شخصيه كرتونيه كنتـ \ ـي تحبونهـآ ؟؟

عدنان و لينا وريمي

وجرند دايزر انطلق :مزون:

*ماهو الموقف اللي عرضتِـ \ ـي

فيه اهلك للاحراج ؟؟

كنت أتكلم مااسكت عن الغلط

من عمري صغير كانت خالتي

ماتبي تشوف جارتها

الحسودة دقت عليها تلفون

جان تقول لي قولي لها

نايمة جان اقول للجارة

خالتي تقول لك نايمة

هلي كلهم قاعدين

يحركون راسهم يمين يسار

ورديت عليهم بنفس الحركة

اقول الله مايحب الجذاب

يرميه في النار تبونه

يرميكم لا خفت عليكم

*كنتـ \ ـي شخص ذو شخصيه قويه

أم مغلوب عليه ؟؟

الأولى لأني قائدة

للسحالي والتماسيح بعد

*كنتـ \ ـي تترأس / ـين عصابه

ام انك عضو / ـه فيها فقط ؟؟

قائدة بس مب عصابة

*موقف حصل في طفولتك كان له

دور في تغيير مجرى حياتك ؟؟

مافي شيئ حصل لي

*موقف حلوٌ ماتنسآه بطفولتك ؟؟

لمن نجحت في الصف الأول

الابتدائي وطلعت الأولى

على الدولة انكتب اسمي

في الجرايد المحلية

وأهلي والمدرسة

باركولي في الاذاعة بالراديو

والاذاعة المدرسية

غير الهدايا ياحليلي

كنت أهبل مطيعة للجميع

*للصبآيآ / كيف كآنت تسريحة

شعرك وآنتي طفله ؟؟

ضفيرتين واحيانا ذيل حصان لأن

شعري طويل وااايد( الحين غير )

*للشبآب / كآن عندكّ هلوسة لبس الثوب ؟؟

لاأحب لبس الثوب

لأني بنت وايد معتزة بانوثتها

*أكبر مغامره قمتـ \ ـي فيها

وانت صغير / ـه ؟؟

طبخت الرز عن الماما بوجود

الخادمة وبعدين شجعتني

الوالدة ( الله يرحمها )على الطبخ

*من هو الشخص اللي يقع دائمأ في شر اذيتك ؟؟

لا أحد ببساطة لست شريرة مسالمة

مااحب مشاكل مع حد

* من كـان يدلعك أكثر أبوك ِ او أمك ؟

دلوعة العايلة والقبيلة

عندي مخزون دلع لمدة 50 سنة قادمة

الله يرحم والديني ماقصروا معانا

* آســم دلعك بالطفوله لحد الان

ينادونك فيـه ؟؟ وماهو ؟؟

يشبه هموووس :مزون:

* كنتـ \ ـي تحبـ / ـين توقف

او تجلس بالاول بالطابور اوالفصل ؟؟

لا كنت بالصف الاول

* كنتـ \ ـي دبـ \ ـه أو يابس \ ـه..؟؟؟

كنت وسط لا دبه ولا عصقولة

* هل عندك لعبه موجوده من

صغرك إلى الآن ؟ وماهي ؟؟

لالالالا انسرقت مني دئلت

* وش اكـثـر حلاوة كنـتـ \ ـي تحبها \

تحبينها ؟؟

ايسكريم مانجا ( همبا )

* وش اسم اول مـدرسـ/ ــه درسكّ /

ودرستكّ ؟؟

نُزهة رائعة أقدرهاوااايد

* هـل كـنتـ \ ـي تـعانـيـ / ـن مـن

اخـطاء فـي مخـارج الحـروف ؟؟

لالالالالا

* حبيت من الجنس الأخر حب طفوليّ برئ/

إذآ كانت الاجابه نعم عطنا

نبذه عن تجربتكّ ؟؟

لالالالالالالالا

* كلمه تهديهآ .. لطفولتكّ ؟؟

مرحلة فيهاالنقاء والصفاء

*وأخيرآ ..

تكلم عن طفولتك بآختصآر ..

( لاتتعدى الخمس سطور ) .!

طفولة رائعة فيها الجد والمرح فيها الحزن

والفرح وكنت دائماً اسال الكبار

ليش الله خلقنا وبعدين نموت

لن تصدقوا تساؤلي هذا بعد كم كلمة

تعلمتها اسألهم ويردون علي نحن امانات

على أرضه وسوف يسترجع الأمانة يوماً ما

ويشرحون لي بس لمن كبرت عرفت معنى

الموت الفراق الأبدي

ومعنى الحياة العيش المؤقت

&&&&&&&

والآن اشكركم جزيلاً

8

8

8

ارشح الغالية

ينابيع الأمل

مشرفة الطفل والأمومة

تشكرات

[ينابيع الأمل]

تصدقيني هموسة ان ذكريات الطفولة كلها
تبخرت بفعل الزمن وعوامل التعرية وحرارة شمس الصيف الحارقة المقبلة
ههههه

بس
راح اطلع
مخزون الذكريات
واطلع الدفاتر والاوراق المدفونة في بيت هلي

بس
انتظروني بعد ما اُلملم شي منها

مشكورة
هموستي
على استضافتي
كما اشكر
جنون الورد
على الموضوع الفلة

وانتظروا عودتي في اقرب وقت

[ينابيع الأمل]

ها قد رجعت لكم بفيض من بعض الذكريات
الطفولية البريئة



*طفولتك .. يكسوهآ طآبع الهدوء والا الشطآنه ؟؟

بين هذا وذاك >>>>يعني على حسب الاجواء
ههههههه
وكل سنة دراسية كنت اختلف فيها عن الاخرة على حسب الشلة


*حلم طفولتكّ / مآهو ؟.. وهل تحقق ؟؟
الحمد لله انا جمعت بين كل الأحلام
بس كل حلم منه نصف يكتمل والنصف الاخر لم يكتمل
نصف مدرسة ونصف خياطة ونصف كاتبة ونصف مهندسة الكترونيات ونصف مصورة
بس الي اكتمل عندي ولله الحمد الامومة بجميع جوانبها
فهذا عشقي الاول والاخير من الصغر


*شخصيه كرتونيه كنتـ \ ـي تحبونهـآ ؟؟
كثير :سنان ,سالي , هايدي,سنادبيل, جورجي


*ماهي الموقف اللي عرضتِـ \ ـي فيه اهلك للاحراج ؟؟
في يوم من الأيام كانت فيه شمعة
وكان شعري ضفيرة وفيه شريطة المدرسة واذكر انها كانت زرقة
المهم اخذت طرف الشريطة وانا العب بها ومررته على الشمعة كم مرة
>>>بس مو كل مرة تسلم الجرة
والشمعة من الجوع ما صدقت شيء يمر عليها وفي تمريرتي الاخيرة مسكت بالشريطة
وبعدها الى الشعر ولم يكن في البيت احد الا امي وكانت في الحمام الله يكرمكم
واخذت اصرخ بكل قوتي وكنت لحظتها اشوف نهايتي
بس الحمد لله
الوالدة جت في الوقت المناسب وطفت النار
صحيح ان الشعر راح منه نص بس الحمد لله
مو تقولوا الحين ينابيع ما فيها شعر
من بعد هالحادثة
ابدا
الله عوضني بشعر طويل طول ظهري في المرحلة المتوسطة
والي تبغي يطول شعرها تجرب هذه الخلطة السرية >>خلطة النار مع الشمعة
والي تبي الخلطة بالتفاصيل تراجعني

*كنتـ \ ـي شخص ذو شخصيه قويه أم مغلوب عليه ؟؟
كنت قوية بسكوتي وتفكيري العميق لاني انظر دائما للنتائج من صغري
ما احب اعتدي على احد ولا احب احد يعتدي علي حتى لو بالكلام


*كنتـ \ ـي تترأس / ـين عصابه ام انك عضو / ـه فيها فقط ؟؟
كنت عضوة ليس في عصابة فانا
هادئة وما احب المشاكل
الا اذا كان فيه احد يشجعني عليها هههههههههه


*موقف حصل في طفولتك كان له دور في تغيير مجرى حياتك ؟؟
ما شيء تغير من الصغر الى الحين حياتي ماشية سِيدة
مثل المسطرة


*موقف حلوٌ ماتنسآه بطفولتك ؟؟
في فصل ثاني ابتدائي
كنت متهاوشة مع بنت
ووجهت لي شتيمة وقمت بدوري
ولعبت على ابوها في صفة كانت فيه
وصار النزاع بيننا وقاموا بعض البنات وقالوا
الى المساعدة
وجت تعرف الاسباب وانا قلت لها السبب الي عندي>>>بس الظاهر ما عجبها ههههههه
والبنت قالت اني لعبت على ابوها
وجابت مسطرة وحطت كل قوتها فيني
وصارت كفي كلها مثل الجمر
واخذت اصيح يمكن نصف ساعة
وجابت لي ماي من الخوف علي
وقالت لي قولي بسم الله واشربي
وانا العبرة خانقتني مع صوت متقطع (نحن نقول عنه تشكى)
ومع تكرارها لي قولي بسم الله
قدرت انطق
وشربت الماي
هذا الموقف لا يمكن اني انساه ابدا لاني كنت مظلومة
فيه
لان البنت هي الي بدت وانا الي بس انضربت
ولم يكن ضرب رحمة وتأديب >>الله يسامحها
فهذه الحادثة منحفرة في ذاكرتي الى الان


*للصبآيآ / كيف كآنت تسريحة شعرك وآنتي طفله ؟؟
في المدرسة ضفيرتين من ارجع البيت اغير الموديل



*للشبآب / كآن عندكّ هلوسة لبس الثوب ؟؟
!


*أكبر مغامره قمتـ \ ـي فيها وانت صغير / ـه ؟؟
كان يوم مطر وطلعت الشارع
نشوف فيضان السد الي بالحي
صحيح كان طالع الماي منه وانبهرت بمنظره
لدرجة ان السد طامي وانبهرت بالمنظر
المهم كان في السد جسر (على شكل اسطوانة مستديرة )
جاني حماس غريب وشجاعة قاتلة ههههههه لعبور الجسر
فعبرت الجسر انا واختي الكبيرة وصديقتها
واثنا عبوري
يجي لي دباب ويشيلني من على سطح الارض
ويطيرني في الهوا واقع على الارض مرررررة
ثثثانية
واخذت اختي تصيح اختي مات اختي مات
والرجل خايف ويرتجف
واخذني ووقفني وقال لي امشي امشي
ومشيت وكان شي لم يكن
وعمر الشقي بقي
وللمرة الثانية
الله يكتب لي عمر
وتعالوا شوف البيت والجيران
الكل جاي
وامي كل وحده تجي تراويها الخدوش الي صارت فيي
وانا قاتلني الحياء
لاني صرت منظرة لهم
استغفر الله
هههههههههههههه



*من هو الشخص اللي يقع دائمأ في شر اذيتك ؟؟
انا مثل ما قلت هادئة بس على حسب التشجيع


* من كـان يدلعك أكثر أبوك ِ او أمك ؟
ما فيه حد كان يدلعني لاني تربيت يتيمة الاب من عمري سنتين
وامي كانت صارمة وكل شي تبغاه يمشي بشكل صحيح ما تحب الغلط والخطأ
لازم الكل يمشي مثل الساعة هههههههههه تك تك

* آســم دلعك بالطفوله لحد الان ينادونك فيـه ؟؟ وماهو ؟؟
ما عندي اسم دلع بالطفولة
بس الحين فيه ...واجد ...ومن ضمنها ينبوعة


* كنتـ \ ـي تحبـ / ـين توقف او تجلس بالاول بالطابور اوالفصل ؟؟
في المرحلة الابتدائية كنت في الصف الاول في الفصل دائما
في المرحلة المتوسطة والثانوية في وسط الفصل


* كنتـ \ ـي دبـ \ ـه أو يابس \ ـه..؟؟؟
وسط


* هل عندك لعبه موجوده من صغرك إلى الآن ؟ وماهي ؟؟

لعبة ماعندي بس قطعة مطرزتها بيدي من فصل رابع هذه هى


ودفتر تلوين من فصل سادس وهذه صفحة منه


ودفتري الرسم لفصل سادس
ودفاتر لبعض المواد
واشياء واجد مثل دفتر مٌذكرات
لكل مراحل الدراسة
والبوم صور كنت اجمع فيه صور للاطفال من مجلات اقصهم واحتفظ فيه
من يوم كنت في فصل سادس



* وش اكـثـر حلاوة كنـتـ \ ـي تحبها \ تحبينها ؟؟
حلاوة الي مرسوم عليه بقرة وحلاوة التوفي
هذا كنت اشتريه واخذ الورقة الي داخل باللوان الذهبي واسوي لي بها سن من ذهب
وكل يوم اشتري منها انا وصديقتي بس علشان نحط لنا اسنان ذهب
هههههههههه

* وش اسم اول مـدرسـ/ ــه درسكّ / ودرستكّ ؟؟
معلمة مصرية
اسمها فريدة


* هـل كـنتـ \ ـي تـعانـيـ / ـن مـن اخـطاء فـي مخـارج الحـروف ؟؟
لا ولله الحمد

* حبيت من الجنس الأخر حب طفوليّ برئ/ إذآ كانت الاجابه نعم عطنا نبذه عن تجربتكّ ؟؟
ابد ابدا

* كلمه تهديهآ .. لطفولتكّ ؟؟
ليتكي تعودي لو ليوم واحد
لأرتوي من نبعكِ الصافي
استرجع بين حناياكِ كل معنى وافي
فأنا وفية وكل يوم اذكركِ ولن انساكِ
سانتظركِ بالأحلام فاجعلي لنا فيها معيادِ
فالخلف بالوعود حراماً فلا ترتكبِي اية اخطاءِ



*وأخيرآ ..
تكلم عن طفولتك بآختصآر .. ( لاتتعدى الخمس سطور ) .!

كانت حياة جملية بكل معنى الكلمة
كنت اجمع فيها كل الصفات
كل يوم كان لي فيه طعم خاص
ولما اجتمع مع بعض الصديقات
لا تحلى الجلسة والحديث الا بذكر
تلك الايام
صحيح
انقضت بس لها طعم خاص
والانسان لما يسترجعها بكل تفاصيلها
يحس بطعم السعادة التي سلبت بفعل الزمن وتحمل
اعبا ء الحياة
اتمنى لحظتها لو الزمن توقف عند ذاك الزمن
بس سنة الحياة وقوانين الكون
تجري بمشية الله
وتجري الرياح بما لا تشتهي السفن


سلامي لكم
ولذكرياتي
الحلوة البريئة

[ينابيع الأمل]

اترك الاختيار لصاحبة الموضوع
جنون الورد
وارجو منكِ مقبول هذا الطلب
ولكِ مني جيزيل الشكر
والامتنان

[خ ــيآلْ ~]

الله عليكموعلى طفولتكم ..

بجد روووووووووووووووووووعه ..

شآكره لكم هالطله الحلوه والحضور الأحلى ..


/

ونختآر الرآقيّ / كآسب العز ..


فليتفضل ^_^


’