السلام عليكم ورحمة الله وبركاته
جبت لكم يا حلوات حلا دورت في البحث ما لقيته موجود
واذا كان مكرر الله يعينكم على حذفه لكن طعمه شي خرافي وشكله احلى
1-في صينيه صفي بسكوت أولكر مغمس في حليب سايل
2- اخلطي ( كأسين حليب بودرة محموس + علبة قشطه + باكيت كريم كراميل + أصبع زبده مذوبه ع النار + نصف كأس سكر بودره ) في الخلاط..
3- ضعي نصف الخلطه على البسكوت وافرديها عليه
4- صفي طبقة ثانيه بسكوت مغمس بالحليب
5- ضعي النصف المتبقي من الخليط فوق البسكوت
6- في الخلاط ( 8 حبات جبن كيري + ثلاث أرباع علبة حليب مركز نستله ) ثم يسكب على الصينيه..
7- دخليها الفرن بشرط يكون حار جداً ثم أطفئي الفرن واتركيها ثلث ساعه ثم ضعيها في الثلاجه
8- قطعيها بشكل مستطيل بحجم حجر الدومينو
9- ارسمي بالشوكلاته السائله ( هيرشي ) خط بنص المستطيل ونقط على الجوانب بواسطة عود خلال عشان يكون نحيف ومضبوط
((واذا ماعندك شوكلاته هيرشي اخلطي ملعقة قشطه مع كاكاو بودره لين يصير لونها غامق وارسمي بالعود))
وبالعافيه
ملاحظه
الحلى يوضع بعد اطفاء الفرن ويبقى ثلث ساعه
لانك لو وضعتيه والفرن حار قولي على حلاك عليه العوض
رد مع اقتباس
