مسافر

[حسين القفيلي]

[poem=font=",5,black,normal,normal" bkcolor="transparent" bkimage="" border="double,4," type=0 line=0 align=center use=ex num="0,black""]
هذا جوازي وهـاذي شنطـة ثيابـي=ومن دار أبو متعب ومسافر الدوحـه
سافرت بـر ٍ وزادت فينـي اتعابـي =حتى القهاوي العهد فيهـا بمنفوحـه
مستعجـل بعـد ماطولـت بغيابـي =ودي بديرة حبيـب زادت جروحـه
بنت نسبهـا رفيـع نالـت اعجابـي =وطبوعها شيمـه وعفـه ومملوحـه
تكفون يااهل الجمارك عكف لشنابـي= خلوني ادخل ترى لوضاع مشروحـه
أنا انتظر فرصتـه مـادام حيابـي =تشرب ظوامي العروق بنفس مذبوحه
شفقان والحال مني صـار منصابـي =والسر ياهل الهوى بديت في بوحـه
كـم ليلـة حبهـا ياسعـود زرابـي =وازعل عليها وفي لحظات مسموحـه
ومن حبها كل لـون صـار عنابـي =يومه علم ديره فيهـا سكـن روحـه
هنـي دارٍ وطاهـا عـذب لنيـابـي =ياويل قلبـي علـى لامـاه يافوحـه
فوح الظفيره لمـا رشـت بتيزابـي =ولا الدلال الشقر في الصوخ مرزوحه
فنجالهـا للنشامـي مايجـي الهابـي =يحرم على هين الجـودات قرطوحـه
وياقطـع قلبـي لمـا قـام يتفدابـي =قطع الرشاء في غدير راح مصلوحه
لقبل علي والقمر با لليل قـد غابـي =كن القمر من جبينه ظاهـر ضوحـه
له خطـوة كنهـا بالفـوت تنسابـي =وله مبسم كالعسل صافي من جبوحه
وإن ابتسم شفت كن النجـم يلجابـي =وإن مازح الروح جن الليل لمزوحـه
وان نمت شفته بحلم الليـل يهذابـي =وارسم معه من فنون الحب كم لوحه
ودعتـه الله وقافـي مابعـد شابـي =وافضل حلول الوصل للزين مطروحه
مـادام عنـده ثقـه مانـي بعزابـي =يختار دربٍ عليـه يجيـه ويروحـه[/poem]

[أبوعبدالرحمن]

صح قلبك وكلك


وسلمت اناملك


وكل عام وانت بخير



تحيتي لك

[محمد الروقي]

صح لساانك ياحسين

ومر علي في سلوى اعديك ماعلاك

وبو سمره اعطيك عنوان واحد يعديك ازهل بس

تقبل مروري وتقديري

[حسين القفيلي]

صح قلبك وكلك


وسلمت اناملك


وكل عام وانت بخير



تحيتي لك

اخي ابو عبد الرحمن وانت طيب وبخير

أشكرك على مرورك الكريم الله لايهينك

[حسين القفيلي]

اخوي محمد الروووقي صح الله بدنك

كفو يامحمد مادام معاك الواسطه

[محمد نايف العتيبي]

.



حسين القفيلي



الله واكبر


سلمت ودمت يعطيك العافيه لاهنت


صح لسانك



دمت بخير

[][ سما الدوحه ][]

ابو سمره ,,أمورهم سهالات

=)



’,

’,

ودعتـه الله وقافـي مابعـد شـابـي’’وافضل حلول الوصل للزين مطروحه
مـادام عنـده ثقـه مانـي بعزابـي’’يختار دربٍ عليـه يجيـه ويروحـه



صح لسانكـ ياحسين وعلا شانكـ



ومن حبها كل لون صار عنابي


هذا الشطر غير


صح لسانك مره ثانيه





تقبل تواجدي

سمــــــا