كيف أخش فالموضوع ..والله مدري من وين أبدى
بس بهرج لكم بهرجتنا البسيطه بدون مانتكلف ونحط مفردات من لغتنا الأم ((فصحى)) ..
يمكن يكون الكلام أقرب لنفوسكم وأوضح..
ياجماعه أمس ولد عمي خطب ووافقوا الجماعه..عاد معروف عني أني سباق دائماً في مجال التهاني وبطيء في مجال التعازي..ههههه أبعد الله عنا وعنكم الأحزان..كلمته أبارك له ولأني فضولي وأحب أسأل كثير سألته على طول مدري بعد قلت له مبروك أوقبل أقول مبروك..كم طلبوا منك مهر قال ((60)) وبيت وذهب من غيرالقاعه اللي بيتم فيها العرس وأكيد كلكم تدرون كم تكلف أرخص قاعه...
طبعاً أنا ماقلت له مسكين لأني أعلم أنه يعلم أنه مسكين ورايحن فيها..
المشكله أني أعلم أن ولد عمي هذا بينه وبين زوجة المستقبل قصة حب ((نموذجيه)) بصراحه سألت نفسي قبل ماأوجه له السؤال معقوله البنت مالها أي تأثير على أبوها خصوصاً أذا كانت تعلم ظروف الشاب المتقدم لها ..شي غريب إلا متى يعني والبنت تستحي وتسكت على الشي الغلط إلا متى وهي ماتقدر تطالب بأدنى حق من حقوقها..خصوصاً أن هذه المشكله سببت للكثير من البنات العنوسه ودخلتهن في القائمه المنسيه المركونه على جدار الصمت..
سوأل هل سياتي يوم تستطيع فيه البنت أن تقول لأبيها بأي طريقه من الطرق ..يابوي أنت ظلمتني وظلمت نقسك وظلمت شباب المسلمين على الأقل تبدأ بأمها أختها الكبيره أي شخص في عائلتها تضن أنه عاقل ويتفهم ألأمور..مأساه حقيقيه يعيشها الشاب والبنت في مجتمعنا الذي بات يلامس بنا خط الفقر ونحن لازلنا نكابر ونتمسك بعادات هوجاء غبيه لامعنى لها بنت فلان مهرها كذا وكذا.. بنتي لازم يكون مهرها مثله او اكثر..
الموضوع جداً خطير ومقلق ..وما أعتقد أن له حل خلال العقود المقبله من السنين..إلا أذا بدأت البنت في القيام بدورها ..وخرجت من حالة الصمت الرهيب وقالت أبي أتزوج بريال وأعيش أنا وزوجي بريالين وأنت ياأبي جزاك الله خير على حسن تربيتك لي..وش يبي أكثر من كذا!!..يحمد ربه أن بنته راح تنستر في بيت زوجها وتقوم بدورها في تربية ابناءها وتعليمهم أن السعاده ماهي بالفلوس السعاده الحقيقيه بالستر والعافيه والرضى بالمقسوم من رب العالمين..
والآن يابنات هل تستطعن أن تقمن بدوركن في حل هذه المشكله؟؟
ملحوظه // ماودي أسمع كلمة عيب الألي بتق ول لالا عيب أحسلها تقول أستحي لأن هناك فرق
رد مع اقتباس
