[poem=font=",6,black,bold,italic" bkcolor="transparent" bkimage="http://www.g111g.com/vb/mwaextraedit2/backgrounds/6.gif" border="none,4," type=0 line=0 align=center use=ex num="0,black""]
بسم الذي أرسل يتيم لقومه=وعزه بنصره لو جفوه الموالين
الباقي الدائم وتفنى خصومه=إلهنا واحد ولانعبد اثنين
الرجل يقضي بالقصايد لزومه=بمعلقات الشعر والا ببيتين
يامرحبا بالشيخ وابنا العمومة=واضيوفنا الأجناب منا قريبين
بين الضلوع العوج بحر تعومه=سفن الغلا ترحييب ربعي بغاليين
يامرحبا ترحيب تقصر رقومه=ولايحتويه الطرس جوف الدواوين
مثل السحاب اللي تزبر ردومه=مجللً غدق(ن)وريه ودادين
أربع شهور ماتمزع غيومه=رطب ثراه وراويات المدافين
لاذعذع النسناس عطر شمومه= ريح الخزاما والنفل والرياحين
لابكر الوسمي وقفت سمومه=ولاردوا البدوان علم المحيلين
صوت الرعد يرزم وهذي علومه=ينشد عن ابن حميد سقم المعادين
يقول تركي فقد وتره وصومه=الخيل تنشد عنه وسط الميادين
وعقبه رجال سلمهم من سلومه=سقم على العدوان ريف القريبين
والبرق لعاج وتسطع رسومه=من قدم نور الشمس يبدي لها عين
يقول حزني في عيوني عسومه=تثري ثرى البيداء دموع المحازين
ان جا لبن هندي محمد قدومه=يشيب منها في المهاد الرضيعين
ولاينسي سلطان تبقى وسومه=يكفيكم انه كان سلطان للدين
واليوم في وقت علينا نعومه=بامن وأمان تحت حكم السلاطين
نعلن ولانا للملك والحكومة=ونجدد البيعة على العسر واللين
وصلوا عليه اعداد مبدى نجومه=واعداد من زار الحرم من ملبين[/poem]
هذه القصيدة القيتها اثناء زيارة الشيخ / محمد بن سلطان بن جهجاه بن حميد لمشرفة المردمة.
رد مع اقتباس
-new.gif)
المشاركة الأصلية كتبت بواسطة جارح الكسر
