إقرأ مالا تعرفه عن الشاعر معيوف المطيري العنزي

[حرقاوي]

بسم الله الرحمن الرحيم

نســــبه:

هو معيوف بن سلامه بن حمد من حمولة يقال لهم (المطران) من السويحان من الساعد من الحمايره من المضيان من السلقا من العمارات من عنزه يلقب بــ (معيوف المطيري) له من الأبناء اثنين ( الطرقي – خلف ) وهم موجدين حاليا في محافظة الخرج.

سبب تسميته بلقب المطيري:

يقال ان جدهما الاول سرح مع قبيلة مطير فلما رجع لربعه قالوا له المطيري. وقيل انه لما سرح معهم وجاء يبي يأخذ شرطه (اجرته) عيوا عليه وراح وتركهم وبعدين رجع لهم بالليل واخذ شرطه وزيادة غصب عليهم يوم رجع لربعه سموه (راعي المطيرات) وراحت عليه المطيري.

كان (رحمه الله) من رجال الشيخ محروت الهذال وشاعره الخاص ومن قبله ابوه فهد رحمهم الله جميعا.
وكان الشيخ محروت الهذال يعتمد عليه في كثير من الامور بما فيه الشعر.
ومن المواقف التي تذكر له عندما ارسله الشيخ محروت الهذل للبحث عن المراعي الخصبه بعد ان رأوا البرق جهة فيضة تسمى (مرزوقه) .
وعندما ذهب ومعه اثنين من خوياه صادفهم رجال جايين من المكان الي يبونه وسألهم اخبار المطر قلوا الديره محل ماجاها شي قال واحد من خويا معيوف خلونا نرجع ورفض معيوف غير يروح يشوفه بنفسه فرجع واحد من خويا معيوف للديره واسمه (مشاقي) وقال للناس انهم وجهوا ناس جايين من المكان اللي متوجهين له ويقولون الديره ماجاها شي لكن معيوف عيا الا يواصل لها قال الشيخ محروت الخبر عند المطيري .
فلما وصل معيوف للمكان الا سايل والماء في كل مكان وفيضة مرزوقه مليانه.

رجع معيوف المطيري للشيخ محروت الهذال وسأله عن علوم الديرة

فجاوبه بهاذة القصيدة :

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يومن مشاقي نوى الفرقا=توجهن يم مرزوقه
الكل منا على زرقا=بس القلص والدفق فوقه
فياضها كلهن غرقا=من مزنة ٍ هلت بروقه
السيل مع حزمها يرقا=على مشاهيك مسيوقه[/poem]

قال الشيخ محروت الهذال بعد ان سمع القصيدة لجماعته بكره رحيل وبالفعل رحلوا.

ومن القصايد المشهور لمعيوف المطيري المضياني:

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياراكب فوق مامونه=من خمس الاقطاع ناجبها
حط الدويرع على متونه=والدل يزها مناكبها
كن المشاهيب بعيونه=إن قذتك في مذانبها
هي للمطاريش مضمونه=ولحاجة الشيخ نتعبها
حوران مالحلحت دونه=بمحيور الشمس غيبها
لايا بعد خطو مزيونه=لوكان شقر ذوايبها
اللي بها الشين يطرونه=تقاشروا من سبايبها[/poem]

ومن قصائدة المشهورة ايضا في مدح (اخو زانة) شخير الحلو من المضيان اشتهر بالكرم والجود:

[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شدو على الحيل نردفهن=ياماحلا مست بطانه
يالغوش حطوا كلا يفهن=والرب ماصك بيبانه
ياحلو هفة سفايفهن=تصكع بهن كل حفيانه
والعصر لاهب طايفهن=مرواحهن عند اخو زانه
دلال هيلن مصففهن=يفرح ليا صك ديوانه
واذناب حيل ٍ مطرّفهن=عدك على طاش حبانه[/poem]

يوم انتشرت القصيدة سمع بها الشاعر محمد الدسم وكان رجّال لمقحم بن مهيد (اخو قطنه) عارضها وقال ان هذا المدح يجب ان يكون للشيخ مقحم بن مهيد مصوت بالعشا لكنه من خلال القصيده غلط على اخو زانه ومن ضمن ماقال الدسم :

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياراكب اللي وصايفهن=وصف ابو زويد بعبانه
خوذو بيوت مطرفهن=يوم الحكي صار ميدانه
جدد وتبطي سوالفهن=بهن علامات وبيانه
ودك ليا هب طايفهن=ماهي مهونه لاخو زانه
عند اخو قطنه تحرفهن=والبيت يجذبك دخانه
الحيل بالبيت موقفهن=والذبح والصلخ باركانه
بس القصاير غرايفهن=غرف الدواليب من عانه
الوف الاموال صرفهن=هذا اللي يشبه لحبانه
ولو يبي يحسب مصارفهن=سو حلال لخو زانه[/poem]

سمع معيوف المطيري القصيدة ورد على الدسم قال :

[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خوذو بيوت نلطفهن=للدسم الي عاش بلسانه
يالدسم كان انت شايفهن=كلن على صوب نيشانه
مقحم معانيه عارفهن=شيخ كبير وله عانه
مهاره على الطيب عاسفهن=عند العرب ما خفي شانه
مقحم تجي له كلايفهن=موسم قراياه واخوانه
يم الخرايق ايصيفهن=يكتال من ودي عربانه
حتى العجايز يحلفهن=ويرسل مع العبد هجانه
وإلا اخو زانه مصارفهن=يالدسم من لح ذرعانه
حلايبه دوم يوقفهن=لعقيل من شان ضيفانه[/poem]

ومن قصائدة ايضا في مدح العنود بنت ابن مهيد زوجة الشيخ محروت الهذال:

[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
راكب اللي من عياها تستذير=بنت حرٍ ماتداني ظلالها
طالعت له بالنبا بيت كبير=الندى بيت الصخا مدهالها
ابو زبن شوق لبّاس الحرير=عارفين ٍ جدها من خالها
بنت مصوت بالعشا مرخي الجرير=خزنة ٍ ما تنعطي بإعدالها[/poem]

ومن قصايدة المشهورة جدا والتي تحداه عليها رجل يقال له (ابو عزيز) من اهل القصيم تحداه على ان يكتب قصيدة على حرف الطاء

فقال القصيدة التاليه :

[poem=font=",6,green,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قول ابوعزيز ضباط=كلمتين بحرف خط
حوط علينا الحواط=واودع بالحماد نقط
نهج يدور الابطاط=وألحق البطين بط
الجمل للدلو ماط=والرشا للجال لط
لاتغلط بالاغلاط=ترى تطيحلك بورط
دنيانا فيها غطاط=ظهر قمرنا وازرط
ماهو هوش بالبلاط=من السما يرمون سخط
وكل حديد له خراط=والحمايل بها سقط
الماء لا وصل الاباط=ترى غالي شيلك غط
ومن تولع بالزلاط=ماينظف لو عدل شط
ومن تناسا خبزه شاط=وأرّث عل البطن غبط
ومن حكم قض الخياط=ومن تولى قال حط[/poem]

وكان عبدالله بن عبار قد نسب هذه القصيدة في كتابه (قطوف الازهار) لمشرف الذرب والصحيح انها لمعيوف المطيري ونسب قصيدة أخرى لمعيوف وهي لمشرف الذرب بالخطأ و منها :

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياراكب من عندنا فوق نعاس=مدرع كن المشاعل عيونه
سهواج رهواج الخلا تقل نسناس=يلفي على الهذال وينشدونه[/poem]

ومن قصائد معيوف المطيري عندما ضاعت احد نياقه وذهب الى سند بن هيدان المضياني من السويحان من الحمايره ومر في طريقه على ناس قال لهم وين أبو مطر يقصد سند قالوا له انه يشد يبي يرحل قال ابي منه ذلوله(حجلا) ابي ادور ناقتي عليها قالوا ماظنّتي يعطيك إياها لأنها غالية عنده وكانت تلحق الخيل.
يوم انه جاه قال سند حي الله ابو الطرقي وش عندك قال ناقتي ضاعت ويذكرونها لي بمكان بعيد وابي حجلا ابي اروح ادورهاعليها قال شفها وراك اركب عليها وأخذها

وقال القصيدة التالية :

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ابومطر شدلي حجلا=يوم القرايب تهاقابه
خطو الولد شوفته بجلا=ما يدرك المدح باسبابه
ربوعنا صبّحو خجلا=ويستاهل المدح كسابه
ياشوق من عينها نجلا=وتدهّس المسك بثيابه
ساس الذهب لو صدا يجلا=يحدر على السوق يشرى به[/poem]

ملاحظة :

جميع القصايد التي ذكرت هنا ليست كاملة ولكن هذا ما استطعت جمعه من صدور الرواه من ابناءه وجماعته الذين عاصروه رحمه الله رحمة واسعة وجميع اموات المسلمين..آمين
5/10/1429هــ




منقوووووووووووووووووووووو ووول

[خالد الممخور]

تسلم يمينك على ماخطت لنا

معلومات تم اضافتها

شكرا ً لك جزيل الشكر مع كامل الاحترام والتقدير

[خــــالـــــد]

[align=center]
بيض الله وجهك ,,

ويعطيك الصحة والعافية

جولة رائعة في حياة هذا الشاعر

دمت وسلمت!![/align]

[حرقاوي]

اخوي

خالد الممخور




























اشكرك على مروورك

[حرقاوي]

اخوي



خــــــــــــــالــــــــ ـــــــــــــــــــــــــ ــــــد

















اشكرك على مروورك

[يتم]

؛



مشكور وماقصرت لاشلت الايدي..ولاحرمنا الرب من هذا العطاء


ودّي

[حرقاوي]

يتم











الف شكر على مروورك

[نايف بن مطيع]

شكرا على المعلومات الطيبه

[هَذْيَّان]

[align=justify]
.

الحَرقَاوي..

عطش لِلجمال كان لِمورد حرف جلبتهُ أناك
سبب فِي سُقيا الظمأ

مبللُّ بِعطر هذا العطاء
[/align]

[الخاالديه]

شـكــ وبارك الله فيك ـــرا لك ... لك مني أجمل تحية .