[poem=font=",5,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ودّي أطلع على سطح القمر مره=يايبه شوف من يقـدر يودينـي
يمكن أعيش مبسوطه ومستـره=ويمكن أندم على نزوة شياطينـي
بتمنّى على كيفـي وأنـا حـره=ومن سراب الخيال أرسم عناويني
يايبـه لاتقـول البنـت مغتـره=والإشاره ترااهـا بينـك وبينـي
والله إني لبعض البوح مضطـره=وانّزف خاطري كثرت دواوينـي
يمكن النزف يشفي القلب ويسره=وِيْتجـدد معـه دم الشراييـنـي
لاعدى الذيب نبح الكلب ماضـره=يسري الليل والرعيان ممسينـي
وسارح الصبح لو جا يتبع الجره=مالَحَق خيل من بالليل سارينـي
والسباع الجياع اتجيـك منثـره=لادرت بالعشا عنـد السلاطينـي
والردي ماتكافا الناس من شـره=عايب وُنَقْص لو يملك ملايينـي
والليالي سريعه والعمـر مـره=والغلا والوفـا طبـع المحبينـي
والمعاني خفيـه والقلـم جـره=والقوافي برمز الحرف راضينـي [/poem]
رد مع اقتباس
المشاركة الأصلية كتبت بواسطة بدر ناصر المورقي
