[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الغلطه اللي غيرت كل الاحوال = لو تعتذر معذرك يامرتكبها
لو شفت دمعك كنه الوبل همال = دمعة عيوني محجري ماسكبها
حتى لو أنك مسهر ن عيني ليال = ذكراك عقلي عافها ثم شطبها
غلطتك تبحر بي من الجال للجال = والطعنه اللي ف الحشاء من سببها
ماهي ب قصة حاسد وهرج عذال = نار العواذل مايولع حطبها
لو أنها هرجة هل القيل والقال= ماقلت اخذ هرجه ولاقلت جبها
مير المصيبه غلطتك ياهوى البال = شعاع شمسك ليلك اللي حجبها
عشرة عمر راحت ومن خط جوال= أرسلت نارك وأحترقت بلهبها
أرسلت مرسال ماهو ب أي مرسال= كتبتها ماغيرك أحدٍ كتبها
قريتها ثم ضقت والدمع ماسال= وعزيت نفسي والغلا ماغلبها
قطعت حبل الود وأنهيت الآمال= ماتدري أن النار للي بدأ بها
شفني بعد فرقاك جريت موال = وأطربت نفسٍ ماتزايد طربها
دامك تبى غيري على الارض رجال = نفسك على غيره وراك تغصبها
لاتحسبنك يوم تلعب وتحتال = تضحك على قلوب البشر تكتسبها
ماتدري أن العمر حلٍ وترحال = وروحك مع الايام تلقى تعبها
ياللي أخذت الحب تمثيل وهبال = صبرك على الدنيا تشوف الشقا بها
مادام مديت الشقا لي بفنجال = يبى يجي لك يوم تشرب صببها
اليوم تشرب لك فناجيلٍ زلال= وبكره فناجيلك ترى موتك بها[/poem]
رد مع اقتباس
المشاركة الأصلية كتبت بواسطة يوسف عبدالله الغنامي
