امــد شــوفي للـنـجوم المراويس = واشـوفــها تعـكس سنا نور حايل

[رشيد الهديرس]

**


**


**


**


**
**
**


**


**


**



**



**



**




**

"بسم الله الرحمن الرحيم"

هذه القصيده للشاعر وبران الكليب اليامي الذي كان مسجون في دولة قطر ..[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

البارحه نامـت عــيون المـحـابيس = وانا مـع الــــشباك عيني تخايل

امــد شــوفي للـنـجوم المراويس = واشـوفــها تعـكس سنا نور حايل

واسري على ضـيه بصحراء الهواجيس = وادق للخــــطار نــجر المثايل

اقــرب ادلال الـشــعر والمحاميس = ومن الحروف اشـــب نار الجزايل

احمس ووازنها وزن مــرهي الكـيس = واصبها صبة عـيال الحــمــايل

فنجالها يحرم على اللاش والـــهيس = ماهو يمد الالـــذب الــفــعايل

ســـلام يا شــمر عيال السنا عيس= يااهل الوفاء والطيب واهل الجمايــل

ياكاسبين المجد كــــسب الـنواميس = يا اهـل السيوف المرهفات الصقايل

يا اهل الكــــرم لافاق حد المقاييس = ومال الـــزمن وعقال الامجاد مايل

واهــل الشجاعه يوم ضرب المتاريس = فرز الوغــاء مـن غير شمر بدايل

ومـــن غير شمر لا انثنوا للمقابيس= ومــــن غير شمر عدلت كل مايل

عـــــدوهم وقت اللقا يلعن ابليس = ويــــرضا بما قالوه والشك زايل

لــــو قستهم بالمجد وشلون باقيس = مجدٍ تــســولـف به تواريخ وايل

مجدٍ رسـى بالارض مرسى التضاريس = واخذ من جبل سنجار عـــز الاوايل

لــــو حرفو التاريخ بعض المفاليس = ماحــرفت الاجيال صدق الدلايــل

واكبر دلـــيل يــجب قول الاباليس =من غـير شــمـر طاولت كل طايل

تشهد متاحف دور لــنــدن وباريس = فيـها صورهم يوم ســووا الهواايل

قلته وانا من يام حماية العــيـــس =امسطريـــن الـمجد فوق الاصايل

والــقــصد كله يالطنايا السناعيـس = ماهــو سوى عشقي لروس القبايل[/poem]





هذه القصيده رداً على قصيدة السجين الشاعر وبران الكليب اليامي الذي كان مسجون في دولة قطر وخرج من السجن بعد جهود مشكوره من قبل حكومتنا الرشيده وهيئة حقوق الانسان ممثله بالاخ ممدوح بن محمد الشمري الذي سافرالى دولة قطر ثلاث مرات على شان هذا الموضوع[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

مبـــداي باللي يجري هبوب النسانيس = وبـــــاقي واللي غيره عن الكون زايل

اعــــــــوذ بــــه عن شر هامان وابليس= وارجــيـــه فــي يــومٍ تبين الحصايل

خــلــقـــه بــــــلا عفوه وفضله مفاليس= واللـــي كـــســـب لرضاه للخير نايل

ذكره يزيل من الــصـــدور الـهواجيس = ومــن بــعــد ذكـــره بــادياً بالمثايل

قـــال الـســـويدي قيل ماهي تواهيس =حـــزت لــزوم الــشـــعر للشعر قايل

شعــراً مــــاهو شــعر الحداثه هلابيس =اللـــي يـشــابـــه من سراب القوايل

الــشــعـــر لـــه مبدا ومعنى وتاسيس = يا قــالــه الـشــاعر تـبــيـن الصمايل

بالــراس لــه مـــــركز قـياده وتدريس= واللــــي وراء عـــوج الضلوع النحايل

ولـــراية الامــثـــال مــافــيـه تنكيس= في لازمه مـــرفــوع فــــي كــل طايل

وقــت اللـــزم مـــــافيه عذراً وتدليس= مارضى عن الواجـــــب دروبٍ بــدايل

رداً عــلـــى مــن كــان ضمن المحابيس= بالســجن شـــاف من الظروف الهوايل

مــســجـــون في سجنن عليه الحواريس = ودارة عليه مـــن الــظـــروف النزايل

وذكــر بـنـظــم القيل جمع السناعيس= ويـشــوف مــن سجنه سناء نور حايل

وايضا ذكر بالــشـــعـر لـنــدن وباريس= وذكر تواريـــخ الـــجـــدود الاوايــــل

وضح مضامين الهدف والاحـــاســيــس= كــل الــهـدف عشقه لـروس القبايل

بــالــقـيــل للامــجــاد معنى وتكريس= ويــحــمــل كــلامــه بـالمعاني رسايل

وشــمــر تـــقـول ابـــشر بليا مقاييس= واللــي تقولــه تــثبته بــالـفــعـايل

لــو انـــت تـسكن بالمثل من وراء نيس=ابشــر بــعـــزك يــاعـــريب السلايل

شمر على شانـــك تــــــــدك المتاريس= والله لو تـــرمـــل جـمـــيــع الحلايل

لــــو صار من دونك حصون ولواليس= شــمــر تــجـــي لك والفعايل دلاايل

كــله لـــقـــــولك كاسبين النواميس= يوم انت بالشبـــاك عيــنــك تـخايل

الشمري يرخــــص لك الروح والكيس=ويشــفــق عــلى فعل الفعول الجزايل

شمـر بهم نخوه وخـــوه وفـــريـــس= وبــــهم الكرم والناس ماهي جهايل

وللطـــيــب بـــالافعال يوجد مقاييس= اليــوم وايــضــــا يوم ركب الاصايل

ولايجحد الطيب عــلــى سبـة الـهيس= والــــنــعم والله فــي جميع القبايل

فــي كــل ديــره لـلـمراجل مقاييس=ودروب فعل الطيب مــــاهي سهايل

والطــيب مــأيــفعل خلاف الكواليس= ومـــقسمٍ مــابـيــــن كـــل الحمايل

ولـــك لابةٍ مجده على الخيل والعيس= يــوم الــعــــرب مابين جايل وصايل

يام الـعــريبه داســـت الراي ماديس=اهل الوفاء وبالــطــيـب ماهي بخايل

وياصـار بـاـمـيدان جدع الملابيس =عـــدوهـــم يــــذوق مـــــر الغلايل

ونـــيـــابةً عـــن محرقــيـن المحاميس=اهــل العقال اللي على الراس مايل

مــمــدوح اخذ بالراي حكمه وتقييس = يفداه اللـــي تــمضي حياته فشايل

راح وبــذل مـجـهـود واطلق محابيس= والله خــلــف مســـعاه باجر وجمايل

يفداه اللي كامل فــعــوله حـمـاليس= ياجا اللزم يبيـن مامــــن صــمـايل

هــذاك والله دايــمٍ يــكســـب البيس= ويــمــوت مــــايقعد صغى كل عايل

لــو عــاش عمر ايوب وشعيب ودريس= مايــكــســب الا للـــعـلـــوم الهزايل

والا انــت لـك فـي كل طيبٍ مجاليس= بتوفيق اللي ينشي حــقــوق المخايل

ماهو كلام اهــل الــردا والـــدنافيس=علـــى الــنقــاء مــاهي قضية تحايل

لــكــبد الردي فعلك شبيه الدبابيس=اما لرجال الطيب فــعــلك فضـــأيـل

شكراً يــابو نـــواف فـــعلك نواميس= لواجب قبيله موجب الفعل شايــــل

وصـلـوا عــلى نـور الهدى بالغطاليس = واخــتـــار لــه ربــه ختــــام الــــرســايل[/poem]



الشاعر // سميحان بن فهد السويدي الشمري

ارجو من الاخوان ابقائها هنا لتعم الفائده وتصل للجميع وتقبلو شكري اخوكم ابو ياسر

[محمد الروقي]

صح لساااان من قالها

ومن رد وبيض الله وجهك وسمحلي يالغالي بنقلها

وتاكد انا كلنا هنا وهناااااك والقسم الثاني له متابعين ونا واحد منهم لا عدمتك

[محمد الدغيري]

رشيّد

بيض الله وجهك على النقل

وزي ما قال سميي

متصفحات غرابيل لها متابعين


وهنا وهناك سـ ياخذ حقه حضورك

[مهدي بن مسفر الحبابي]

رشيّد

بيض الله وجهك على النقل

وصح لسان الشاعرين

لك احترامي وتقديري

[سود العيون]

\
\
\


أخــي القدير : رشيــد ..


طرح رائـع لا عدمناك ...


سلم الله قلــبك ..


وسلم الله قائلهـا ..


تقديري ..