[align=center]**



**















**




**



قصيده للشاعرالكبير عبدالله بن زويبن الحربي وهي مجاراة لقصيده


او لابيات الشاعر الكبيربدر الحويفي الحربي يقول الحويفي

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

لو كل ماثارت عجاجه تحيزمـت=تهت الطريق وكل عاير صدمتـه



بعض الكلام الخيرمن رده الصمت=وسلم الرجال أهل السلوم احترمته[/poem]




ورد الشاعر ابن زويبن يقول




[poem=font="Simplified Arabic,5,undefined,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]



يالبيض غنن للحويفـي زغاريـت =على البيوت اللـي تليـق بمقامـه
لو كل ماأسمع لي لجاجه تعزويـت=طمرت لي من راس جرف بعدامـه
لو إن شطر البيت ماهو على البيت=لاكان وضحت الهدف من كلامـه
إلليا نصحت قليّل العرف وأزريـت=قل الدروب وساااع .. ومع السلامه
صدك تقل ماأوحيت لو إنك أوحيت=عن الرديه .. طيب ماهو رخامـه
والله ماتنـدم عليهـا ألليـا أقفيـت=قفاي ذيب ٍ عـن وليشـة هلامـه
لو الخطا وارد وأنا تهت وأخطيـت=وحمّلت نفسي كبر سلمـى ملامـه
نزلـت نفسـي للرديـة ورديـت=لـو إن ردي مايمـس الكـرامـه
والثوب الأبيض تقشبه نقطة الزيت=لو هي صغيرة فيه تبقـى علامـه
ياليتنـي عنهـا بكمـي تـذريـت=وإلا بشبر ً من جنـاااااح العمامـه
وخليتها تبـرى ركـاب العفاريـت=مع رقرق ٍ تذرى الهبايـب رمامـه
نطحتها شهب السهـال السفاريـت=وإن ماوسعتها نجد .. تضرب تهامه
تقدير للـي ماتصاغـوا مصانيـت=للعالـم اللـي ينقـلـون النمـامـه
وإلا لو المقصد كـلام الشماميـت=قدمي رجـال المعرفـه والفهامـه
زلوا وأنا من عرض من زل زليت=كم واحد ٍ عض الأصابع ندااااااامـه
حتى الشراري قبلنـا قـال ياليـت=رقبتي أطول مـن رقبـة النعامـه [/poem]


اضغط هنا للاستماع للقصيده [/align]