المشاركة الأصلية كتبت بواسطة ماجد نصار
مقدمه وختامه ..[ حوار كان ضيفه القلب مع نقل مباشر لكل مادار بيني وبينه ..]
كلما ضاقت عليك
وقلت يالله
قلت يالله
أنت صادق
قلت صادق
وين ماارحل
تبي ترحل معايه
قلت أرحل
وين ماتبغى معك
بس ..!
بس ايش ..!
انت صادق
كيف صادق ..
يعني في نيتك
صادقٍ ودك تروّح..!
كل مره وانت
ياقلبي أتّراجع
كل يوم(ن) وانت يالله
وانا يالله
واجمع اللي ماتيسر لي
وأرتب شنطتي
ووادع اللي بالمدينه
(من مكان قد جمعنا
ومن طريق(ن) قد حفظنا
ومن نجومٍ سامرتنا
في سعدنا في شقانا
ومن بشر كانت تسولف
عن هوانا
ومن ليالي ظللتنا
رافقتنا
يوم بعد الله
هي السترٍ لّقانا
ويوم نطلع قلت
وش رايك نعوّد
كيف ياقلبي نعوّد
أنت صادق
إيه صادق
ليش طيب ..!!
كيف طيب ..!
ماقدرت أبعد ولا لي مقدريه
كيف تخلف وعدك
اللي قد وعدته
إنت ودّك
بالهوا تقضي عليه
قول ودي..!!
لني ماصدقت قولك
ليه ماتقدر
على فرقاه قلّي..؟
طيب أحلف ..!
إيه يالله
بسّ..!!
أبشر
والله اني ع البقا
مجبور مجبور
وماقدرت ابعد
ولو اقدر تأكد
ان ابعد واني
ماعوّد عليها..!
أنت ناوي ..؟
إيه اسمح لي بمره ..
نرجع ونصبر عليها
علّها يمكن عساها
تذكر اللي ما نساها
وكل ماقال السفر
عيا غلاها
آه ياقلبي معك
و الشور شورك
هذي المره
مثل عشرين مره
ليش ماعاد الصبر يصبر عليها
بسكت وباخلي
الصمت التخاطب
كانها تعرف
تميز أو تخاطب
وأنت خلك
من عذابك لي عذابك
ان نفع صمتي معاها
قلت أهلا
وان فرض مافاد معها
قلت يالله
وانت مالك عذر لامن
قلت يالله
الطريق اللي رجعنا
منه لجلك
ودي أشوفك قبل ممشي
مشيته
بس لي مطلوب
حتى أقول لك تم
وش باقي كل
مطلوبك خذيته
هات ياقلبي
عساني بس أقدر
بس أبيك بحبها
تكتب قصيده
وخلها تبقى
التخاطب بيننا بين
آه صدقني بغيت اكتب قصيده
بس مالا قيت شي(ن) تستحقه
بسّ حاول
اوف..!
يالله بكتب أخر
شعر لجلك
لجلها ..لجل المشاعر
وقبل ماتسري لها هاك القصيده
[poem=font="arabic Transparent,6,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=sp Num="0,black"]
[.آخر طريقه.] مَعْك باجرّب الصّمت=وإن مانفع... كل(ن) يروح بطريقه
أمزح معك....!! من قال ...؟شكلك توهمّت=أجس نبضكـ.. ...! لا ....وربي حقيقه
بكون صوره ....! وأنت إن كان عزّمت=تقرا ملامحها ..عن إذنك دقيقه
لو أبتسم يعني انا بس سلمت..!=سنّه ورده واجب(ن) عالخليقه
ولو شفتني في نون عينك تبلمّت=معـانتها ان الروح فيها غريقه
ولو شفتني بشبكة يدينك توسّمت =تعال..... واشبك كل كف بشقيقه
ولو شفتني أبعد إلى من تقدّمت=معناته إن .[الجرح] قرّب مفيقه
وان شفتني وقّفت إعرف " تحطّمت" =الدمع من خـلفـي وامـامـي حريقه
وان كان مرّه مرّه مرّه تجَهّمت=فالله قد قال الفرج بعد "ضيقه "
أرض(ن)عشقت بها وفيها تأّلمت =وارض(ن)بروح إلها عساها شفيقه
والدرس ماياتي وانا ماتعلمّت=ويكفي شرف منّك أخذت الوثيقه
الحين لي منك طلب لو تكرمّت =حاول تخلي نظرتك لي عميقه
هذي الملامح وأشكرك لو تفهّمت=لاتلحق المقفي ملامة رفيقه
لاتقول طيب ياأخي ماتكلّمت ..!!=..لني بقول الصمت[ آخر طريقه]
[/poem]
رد مع اقتباس
