}{ مجرد ذكريـــات }{

[][ عبدالعزيز ][]

[align=right]مدخل /


أثناء اقلاعنا من ماليزيا متجهين الى أندونسيا ركب جنبنا واحد سعودي في الثلاثينات من عمره ,الرجال سواليفه زينه ومنطقه حلووو وثقافته حلووه الا انه فيه عيب واحد بس
مايعرف يسولف بدون تفال ..!!!! والله مانزلت مطار جاكرتا الا وانا ووجهي كله سعابيل منه الله لايعيده من يوم , والسبب كان فيه ثغره بسيطه بين ضروسه الاماميه الله يجزاه خير وهي اللي كانت تسبب هالهاله العظيمه من السعابيل .
المهم مو موضوعنا هذا وهذا بعد مايعتبر عيب بالنسبه لعيبه الثاني اللي سواه
الموضوع والطامه الكبرى اللي سواها و اثناء انا اصارع التفال في الطياره مع الرجال جتنا المضيفه معها مشروبات كحوليه وسألتنا اذا حنا نبي او لا , طبعا انا وخويي رفضنا على طول بينما الرجال اللي تعرفنا عليه وراكب جنبنا قال :-
((Did not drink in the ground so I drank in the sky )) وضحك بعدها وضحكت معه المضيفة وكملت طريقها ,, انا هنا فهييييت اموت واعرف وش قالها عشان تضحك هالضحك هذا كله..!!
خويي يعرف انقليزي وعلمني وش قالها بعدها , أثره قالها (( انا ماشربت في الارض عشان اشرب في السماء )) فيما معناه
الين هنا ماشين صح ومافي شي غلط وكل الامور تمام غير طبعآ التفال وشي طيب صراحه ان الرجال مو راعي خرابيط وسوالف بطاله وماترضي ربنا
لكن المصيبه ياخوااان اول مانزلنا المطار ....!!!!!
طبعا سلمنا عليه وودعناه وافترقنا بعدها في المطار ورحت انا وخويي نخلص باقي أجراءات تختيم الجوازات والفيزا ,, وحنا طالعين طاحت عيونا بالصدفه على خوينا ابو ثقافه حلوه وهو طالع من محل مشروبات كحوليه ومعه كراتين مليااااااانه ويسكي ....!!!! افاااااااااا هذا اللي مايشرب في الارض وماادري ايش ههههههههه والمشكله له ساعه كامله يتفلسف علينا في الطياره ويتكلم عن الشباب اللي يسافرون عشان المخدرات و و ..الخ وأخرتها كراتين ويسكي يامجرررررررم
قهر حسافه السعابيل اللي جتنا بس , والله لو ادري ان هذا علومه كان مع دريشه الطياره حاذفينه
المهم انا ماستحيت منه ورحت على طووووول له وقلت وووووين اللي مايشرب في الارض والكراتين هذي وشهي ..؟ وقعد يحلف لنا ساعه انها مو له وانها لخويه في جاكرتا موصيه ومدري ايش , انا صراحه الى الأن ماني مصدقه ولا في امل اصدقه ولا راح اصدقه حسبي الله عليه وعلى سعابيله , انتهى .[/align]






سسسسسسسسسسسلام الله عليكم ورحمتة وبركاتة



يسعدلي صباحكم جميعآآآ



السوالف واجد



ولكن الصور قليله



والسبب أنه ماكان هناك تخطيط مسبق لأنزلها في المنتدى



لكن بحول الله راح نوفق بين الاثنين



وأقدم مايحوز على رضى الجميع بأذن الله



تنقلت بين دولتين في الشهر الفائت



ماليزيا واندونسيا



الصور القادمة كلها من اندونسيا



وماليزيا للأسف الشديد ماصورت منها ولا صوره ويرجع السبب فيها لعدم ارتياحي فيها



قهرررر مانشوف غير عرسان جدد متمسكين في بعض



طيب حنا وش ذنبنا يالعزابية يقهرونا :زعلان:



اللي يشوفهم يقول بيجي واحد بيخطفهم ولا شي



>> اشوا اني بسوي مثلهم اذا اعرست



بس مع ذالك فيها جزيره ماشافت عيني مثلها من الجزر , اسمها لنكاوي



اللي راح ماليزيا وماجاها يعتبر نفسه ماراح ماليزيا خير شر



عمومآآآ



صور الفندق اللي سكنه فيه في جاكرتا في اندونسيا



اسمه ألسون , سعره معقول وخدمته حلوه ونظافته مقبوله



7






8



التصوير بالجوال وهذا واضح من تردي وضوح الصور



الشارع المطل



7






المسبح ويازينه من مسبح



وخاصه الصبح اول مانصحى من النوووم , مافيه الا انا وخويي مطامر فيه


7






عاصمه اندونسيا جاكرتا نسبه الى رجل اسمه جاكرتا وهو اللي حكمها في قديم الزمان




يعني سمسم الملك عبدالعزيز الله يرحمه والرياض



صراحه التمشيه فيها حلوه



وفيها اماكن جدآآ حلوه



بس ماكانت مبتغانا



مبتغانا الجبل



او مايسمي بالجبل الاخضر



يبعد عن جاكرتا ساعه ونص سياره




ورحنا للجبل




واول رحله فيها كانت لحديقه سفاري




الطريق المؤدي للحديقه سفاري



7



























8


اعجبني مكان السائق على اليمين



واللي متعود على يسار مثلي انا بالضبط , راح يكون وضعه مزري كل ماجت سياره قمز على الدركسون على باله هو اللي يسوووق



مدخل الحديقه



7









8


للمعلوميه فقط


الصور هذي تقريبآآ الساعه فيها 2 الظهر



وبناءآ عليها لاحظوا الجووو



غيووووووم وجوو رااااايق ورشاش مطر يحبها قلبك


الموااقف


7

















الحديقه مثلها مثل اي حديقه حيوانات ولكن تختلف في حاجه وحده



اللي هي انك تتمشى بسياره ومابينك وبين الحيوانات حاجز



يعني نظامها مثل نظام حديقه سفاري اللي في لندن



7



























8



أستانست عليه فرس النهر هذا



يذكرني بواحد من اخوياي الله يستر عليه



>> خويي وبحش فيه كيفي













الحديقه كبيره جدآآآ



ومقسمه اقسااام ويوم وصلنا لقسم الفهود والنمور والاسود وعلى المدخل حقها


لقينا لوحه ارشاديه مكتوب فيها اغلق النافذه



طبعا بما إنا سعوديين ماغلقنا لانافذه ولا شي


بالعكس فتحنا الدرايش اكثر



>> ابو طبيع مايخلي طبعه



الفهد , اسرع حيوان على وجه الارض



7











8


ماتحسون اني مندس وانا اصوره ههههههههههههههههههه



الاسد هيبه ملك , سبحان الله مايرتاح الا على مكان مرتفع



ملك لاقالوا ملك



7






8



ايييييييييييييييييييييييي يييه هنا بالضبط بالضبط صكرت الدريشه :مزون:



>> بلع العافية


7





8



عندي احساس انه يقول في نفسه (( لو فيكم خير انزلوا )) هههههههههههههههههههههه



اتجهنا بعدها لحديقه الطيور



شفت اشكال وانواع من الطيوور



شي احمر وشي اخضر وشي فصفوري وبرتقاني , كل الالوان شفناها




وللاسف الشديد رغم اني حفظت بعض اساميها الا اني نسيتها اول ماطلعنا من الحديقه



>> زين انك مانسيت اسمك بس



صور منوعه وبعدها صور الطيور


7



















































8


عربجي ههههههههههههه


نطق الشبك ولا مانطقه , مافي امل يتحرك ويطالعنا بنص عين


والله حرصت اني احفظ اسمه بس نسيته


بوريكم صورتين للعرض الكوبوي في نفس الحديقه


صراحه قمه في الروعه



عررررض خياااال



وتمثيل شبه حقيقي



حتي الفيران مدربينها



ناهيك عن كومديان العرض وكميه الضحك اللي فيه رغم إنا لم نفهم لغتهم


7








8



تمنيت أن معي كاميرا فديو لأصور العرض كااااامل




اتجهنا بعدها الى حديقة الزهوور



بعيده كل البعد عن حديقه سفاري



وطريقها جدآآ متعب بغض النظر عن زحمه الطريق



لذالك لاانصح بزيارتها



وهذا ايضآآآ مايبرر قله الصور في الحديقه



>> مارتاح فيها

















8



من جميع مختلف مناطق العاااااالم



انتهى يومنا في هذه الحديقه واتجهنا بعدها الى السكن (( الفله ))



الزحمه اللي اقول عنها في الطريق



7






8



رغم ذالك ماحسينا بالملل



7













8



يقال أن الأذان هو الحاجه الوحيده في الكون أجمع اللي ماينقطع على مدااار الساعة



فسبحان الله



واخيرآآآ وصلنا الفله



7





















8



ينتظر القهوه ههههههههههههههه ياحليلك يبو فيصل




الفله هذي فيها ثلاث غرف نوم مع دورات مياها



وشغاله على مدار الساعه , وتطبخ جميع انواع الطبخات العربيه وتجيد الكبسات السعوديه


ناهيك ايضآ عن الحراس الموجودين عند بوابه الفله



السؤال هناااا



كم توقعون سعرها باليوووم ...؟؟؟



ياخوفي ماتصدقوني بس



والله ان السعر المتوسط لمثل هذي الفله مايقارب 100 ريال سعودي



لاحظوا < المتوسط



فلتنا هذي خذيناها بـ 200000 الف روبيه



و2400 تساوي ريال واحد



يعني بالمختصر خذيناها بالسعودي مايقارب 84 ريال فقطططططططط لاغير



ههههههههههههههههههههههه



الرياض اللي هي الرياض سعر الاستراحه اللي تقريبآ تشبه فلتنا بـ 400 ريال طبعآآ هذي المخيسه



84 و400 ههههههههه والله ياخوااان فررررررررررررق شاسع


ويقولون لاتطلعون برااا



وازعجونا بالسياحه الداخليه



قال ايش قال صيفنا مع اهلنا احلىىىىىىىىى



ياعمي بلا اهل وبلا بطيخ



مايرتفع السكر والضغط عندي الا اذا سمعت هالجمله



انا اول مره اشوووف اهل ينصبون على عيالهم .؟؟؟؟



>> كأنه عصب صح .؟



صراحه شي يقهر ويهز البدن



ايييييييييه على طاري الفلوووس



طلعنا من ماليزيا وصرفنا فلوسنا من هناك الى روبيه وطلعت مايقارب 45 مليون روبيه ..!!!



يعني بالسعودي 20 الف



انا وقتها حسيت ان الوليد بن طلال مايأكل معنا عيش هههههههههههههه



المهم نرجع لمحور حديثنا



كان معدل مشينا في اليوووم 20 الى 30 كيلو



وواغلب المشي صعودآآآ



كنا نطلع جبال وندخل غابات واكثرها كان صعوود



يعني رياضه ميه في الميه



بس مشكلتنا الوحيده , الكبسه ماقدرنا نستغني عنها اذا رجعنا الفله



7











8



لحد يشره على الدله :مزون:



جرى عليها الزمان هههههههههه






يتبــــــــــــع




7

[][ عبدالعزيز ][]

في اليوم الثاني




رحنا الشلالات



الطريق لها مشيآآآآ



7






































انا بعد هالمشي هذا كله




توقعت ان الشلال ضخم وكبيررر مثل الموجود في البرازيل وهيك



لكن اللي شفته



7









8


حليو صح .؟


عن قرررب


7








وحنا جالسين نصوور




أزعجنا واحد أندونسي الا نصوره



قلت والله ماردها في خاطرك



وصورته



7







8



ههههههههههههههههههههههههه ه نفس عصاقيل مازن



ركزوا في الصوره الجايه







8



ماعليكم من ابو فيصل مسوي أسد



شوفوا البنات الخبلات اللي على يساره



من اول ماجينا وهم تحت الشلال يترشون , والمشكله ان المووووويه بااااارده وهم يرتجفون وحالتهم حاله



انا فكرت انهم لهم سنه ماترشوا او زي كذا , لكن بعد ماطولوها سألت المرشد



قال انهم عندهم معتقد أي شي من هالقبيل وهو اللي يجلس تحت الشلال اكثر مده



يعتبر هذا دليل على قوه محبتهم لبعض



وقسم بغيت اموت من الضحك



سخافاااااااااااااااات



لو للحياء ولا كان طبييييييييييت معهم في المويه وجريتهم مع شوشهم برااااا




مساكين رحمتهم بيموتون من البرررد



>> الله يخليك للشعوب العالم يبو قلب حنين انت



المهم طلعنا من الشلالات وكانت الوجه للمزارع الشاي



أجمل ماصورت على الاطلااااااااااق




مناظر جدآآ بهيه وتسر النفوووس وتفتح الصدوور




يعني اللي عنده هموم الدنيا كلها ,, يروح هناك وينساها



اتركم مع الصور




7






















8



هالصوره احس اني ابدعت فيها











8



هنااااااااا دريت اني محترررررف تصوير



>> يرفع بعمره



موز طااااااااااااااازه



7








8



ودك تاكلها بقشرهاااا




طعمه لذيذ جدآآآ ومايجي طول الاصبع




على نفس مقاس الاندونسيين




المهم بقى صورتين




كالعاده في كل سفر




اول مانجي لأي دوله نكون مطنوخين




مانركب الا احسن سياره ومانسكن الا في فندق خمس نجوم ومانأكل الا في افخم المطاعم ...الخ




واذا اوشكنا على الرجعه نكون طفرانين




والصورتين تعبر بدون تعليق




اول ماجينا



7







8



سياره أخر موديل وشاشات دي في دي وحركات




وفي أخر الايام



7









8




خخخخخخخخخ يعى وجهي يبو فيصل الطفره شينه




انتهى ,,,




[align=right]ممايستفاد :-



1) لاتسافر الا ومعك كاميرا تصوير , لاتعتمد على الجوال لان بغض النظر عن ردأءه التصوير راح تمتئلي الذاكره وتنجبر تمسح صور غاليه عليك غصبآآ عنك
2) خذ معك كمامات تجنبآآ للتفال ..!!!
3) لاتسوي عمرك مطنوخ وانت من جنب القده
4) اذا بغيت تكتب موضووع في المنتدى , اكتبها اول شي في ملف وورد وبعدين انسخها في موضوع جديد لأن احتمال تضغط للخلف وانت ماتدري ويروح عليك كل اللي كتبته وتحميل الصور وتجيم وتروح تنام , وهذا بالضبط ماصار معي امس :مزون:[/align]



أتمنى من الجميع المعذره من عدم تنسيق الصور وقله عددها , آآملين من الله أني قد وفقت في طرح مايحوز على رضاكم , وأنا على أتم أستعداد عن أي استفسار يخطر على بالكم .





[align=left]مخرج /


17 / 6 / 1429 هـ تاريخ لم انساه ولن أنساه [/align]

[乂 ســلـمـان 乂]

[align=center]عـبـدالعزيز


رحله موفقه وممتعه واهم شي انبسطتوا

موضوع متعوووب عليه وكأننا معك في الرحله

لاهنت لاهنت لاهنت

والحمد لله ع السلامه

كل الشكر لك[/align]

[بسمة امل]

صور روووووووووووووووووووووووو عه

والله ماشاء الله صور تجنن

طبيعه رووووعه ...

تسلم يمينك بس للأسف الصور فالجزء الثاني كلها ماطلعت لي ...

[طبشوره]

الحمد لله على السلامه

هلا بك بين اهلك .....

تو ما أنورت الديره .......

يامال العافيه ...... كل هالزين في اندونوسيا .....>>>> ابها فيها بس مافيها فرس النهر عندها قروود..

بصراحه رحله في منتهى الروعه ....

عقبالنا ...

لك احترامي وتقديري...

[][ سما الدوحه ][]

>>>قريته كله..في نص سااااااااااعه,,من الاخير تعبت وانا اقرى..

لي عوده..للتعليق عالصور


BrB

[مازن]

عزوز

ههههههههههههههههههههههههه ههههههه ياخي ونا اقول ليش الرجال يختفي عن الأنظار كل حين والآخر كلة بسبب السفريات ارحم نفسك شوي

بس تصدق عاد حلو اني لقيت لي واحد طس اندونيسيا لاني باخذ معلومات واجد عنها

<<معزم السفر :خجل:

عالموم لي عودة بهالصفحة لاتابع الصور :مزون:

[سعود]

<<=هذا الاداري تسمر امام المناظر الخلااابه


<<= يقول الحين عرفت عبدالعزيز يوم يغيب ويخت وين يروح



عزوز



بصراحة صور اكثر من رااائعة



وعشنا الجووو معك



اخذتنا معك بالرحله ونحن تحت المكيفات



غريبه ماخفت من الاسد


واضح انه حتى مايطالع فيك



اكيد شبعان


لو جوعان والله يتغدى عليك ولا يبالي



ويتعشى برفيق دربك




تسلم يالسنافي على هيك صور جميله جداً





تحية عطرة

[محمد بن ضاوي]

ياولد موضوعك يبي له مواضيع عشان نرد عليه ههههههههههههههه

حقيقه ودي ارد على كل شي ذكرته بس ادري صعب ابتداءا من ابو سعابيل وحتى اخر قطره ههههههههههه

ابو سعابيل احمد ربك انه ماشرب في الطياره ولا كان جاتك بالكحول ههههههههههههههههههههههههه هههههههه

قهرررر مانشوف غير عرسان جدد متمسكين في بعض

هههههههههههه ياخي الاشكال ذي تقهرني هههههههههههههه مب تقهرني ودي اسوي مثلهم بس والله استهجنهم ههههههههههه اشكالهم تضحك ههههههههههههههههه




وواغلب المشي صعودآآآ

كنا نطلع جبال وندخل غابات واكثرها كان صعوود

اخس يالسهم !!! ها ها ها ها ها ها ها هههههههههههههههههههههههه


الا صحن الكبسه اللي انت مصوره ليش ماصورته بعد ماتنتهون من الاكل ؟
يعني قطعتوا الاكل شوي وصورته بعدين رجعتوا تاكلون مره ثانيه ههههههههه

يلعن ام حركات السعوديين هههههههه مسوين انفسكم بس هذا اكلكم ؟ هههههههههه

صراحه ابدعت وابدعت وابدعت

دعايه ولا اجمل لاندونوسيا

والله حطيتها في اول القائمه اذا الله احياني


تحياتي عزو مع اني اكرهك مدري ليه؟ ههههههههههه

[ناعمة]

,
,
يااااااااااااي ياعزوز
صور روعة وتعليق اروع

ربي يسلمك ويعافيك


,
كونوا بخير

[لــيــل]

( عبدالعزيز )


الصور جداً رائعة ماشاء الله تبارك الله....


والطبيعة ساحرة وخلاّاااااااابة الى أبعد الحدود....


وهذه المناظر بعد تسونامي....اذاً قبله كيف كانت لانّ حجم الدمار كان مهول....


والترميم يحتاج لاعوام....ولكن سبحان الله كانت ولازالت الطبيعة فيها من اجمل


مايكون وكل دول شرق آسيا تتميّز بهذه الميزة....


موضوع شيّق جداً بكلّ مافيه....


سلمتْ يمينك....وجزاك الله خيراً....


دمت بودّ....


ملاحظة فقط :


عندما تنتهي من موضوع ما وتضغط على زر العودة الى الخلف ماعليك الاّ الضغط


مرة اخرى على زر العودة الى الامام فقط وستجد موضوعك كما هو....


وماحدث معك حدث معي مراراً وتكراراً....وجرّبت هذه الطريقة فنجحتْ....

[عاشقة الفردوس الأعلى]

مشرفنا عبد العزيز

حمداً لله على السلامة

عشنا معك تفاصيل الرحلة الجميلة

صور و مناظر خلابة

سلمت يمينك أيها المبدع

ودمت بخير

كان بودي أعلق وأفصل بس صراحة موضوعك تحفة من ناحية التعليق و الصور وما يبغاله زيادة هو بروحه حلووو:مزون:

[أبوعبدالرحمن]

الله يعطيك العافية ياعزوز


وهالموضوع وهالصور خلتني اغير الوجهة من سنغافورة الى اندونيسيا

وان شاء الله اعوضك بصور اكثر بجيب معي كمرة سوني 8 قيقا

لكن علمني وش الحل

مافيه في الجبل الاخضر أي بيت للايجار كلمت وكالة سياحة ويقولون فيه فندق فقط



وانا بوصل ان شاء الله الجمعة الظهر لمطار جاكرتا بالخطوط الماليزية من كولا لمبور

ان قدرت تدبر لي سكن علمني جوال

[إشراقـ أمل ـة]

عبدالعزيز

صور جميلة ومبدعه .

سبحان من أبدع هذا الجمال الطبيعي !!!

أتمنى أن تكون سعيدا بهذه الرحلة .

يعطيك العافية على الصور الجميلة التي نقلتنا لأندونيسيا ..

دمت بخير ..

[TαlαL]

تسجيل حظور

<< ياكثر تسجيلك وياكثر فركاتك

<< لا والله برجع اذ الله كتبلنا عمر:مزون:

الموضوع يبيله ساعه جلسه وساعه تتمتع بالمناظر وساعه ترد..
بالعربي يبيله ترويقه صح.!.

عزو يدوم عزك .!.