عاجل .. عاجل .. عاجل ..عاجل جداً

[سعود]

اسعد الله جميع اوقاتكم بكل خير



كيفكم ياعضاء غرابيل الحلوين ؟



عندي مشكلة واريد منك المساعدة في حلها



المشكلة وقعت في العمل اليوم واليكم القصة بالتفاصيل



عندنا مدير عااام اخذ مدير مكتبه اجازة سنوية وبعدين بحث عن بديل ومن حسن حظي اني ذاك اليوم كنت مستأذن فوقع اختياره على واحد من زملائي


هذا الزميل ممتاز ولكن مشكلته في السمع .... يعني سمعه ضعيف شوي


اليوم طلبه المدير العااام وقال خوووذ هذي الاوراق واخرمها <<== زميلي سمعها وفهمها على انه يقول افرمها وطلع من عند المدير على الفرامه طووووالي وهاااااااااااااااتك فرم دئلت

المهم بعد نص ساعة اتصل عليه المدير قال الاوراق اللي عندك مهمه بعد ماتخرمها حطها بملف وخلها عندك الى يوم السبت <<== هنا سمع الزميل الكلااام زين وفغر فاااااااااااه


بعدها جاني ركض وهو يتنافض ويقول الحقي ياااااسعوووود


وعلمني بالسالفه كااااامله


رحت استطلع الأمر واشوف مدى أهميه هذه الاوراق واشوف وشو الاجتمااع ويالتني ماتقصيت دئلت


الاوراق مهمه جداً واقل خطاب فيها يحمل درجة سري للغايه


وعليها توقيع مسؤولين كبااااار في الدوله


والاجتماع على مستوى عاااالي



مديرنا العام منصبه سكرتير لجنة هذا الاجتماع


ومحضر الاجتماع راح في خبر كااان مع الاوراق دئلت



المشكله مديرنا فيه ضغط وسكر ويمكن يروح فيها لو يدري


عاااد انا قلت مالي إلا استشير اعضاء غرابيل يمكن واحد منهم يكون عنده رأي سديد يحل هذه المشكله العويصه




تحية عطرة

[همس الغصون]

يؤ يؤ يؤؤؤؤؤؤؤؤؤؤؤ

والله مشكله جداااا صعبه

اتمنى تلاقي حل من الاعضاااااااااااء

>>جبتها يمين شمال مالقيت حل :زعلان:

[بسمة امل]

والله مشكله ..

سعود افضل حل ( في وجهة نظري ) انك تكلمه قبل الاجتماع

وتكلمه بكل هدوء ,, وتوضح له السبب بهدوووووووووء

بس اهم شي يدري قبل موعد الاجتماع ...

الله يعينكم ..

[سعود]

همس الغصون

يؤ يؤ يؤؤؤؤؤؤؤؤؤؤؤ

والله مشكله جداااا صعبه

اتمنى تلاقي حل من الاعضاااااااااااء

>>جبتها يمين شمال مالقيت حل

انا اليوم العصر مانمت جالس افكر واقلبها مثلك يمين وشمال عيت تجي معي


وبعدين قررت اني انقز هنا


واستشير اخواني واخواتي في غرابيل لعل وعسى .



اشكرك على حضورك الاولي ومرورك هذا اعتبره كأنه حل المشكله




تحية عطرة

[سعود]

بسمة امل

والله مشكله ..

سعود افضل حل ( في وجهة نظري ) انك تكلمه قبل الاجتماع

وتكلمه بكل هدوء ,, وتوضح له السبب بهدوووووووووء

بس اهم شي يدري قبل موعد الاجتماع

فكرت في حلك هذا


وبغيت اقوله اليوم بس خفت الرجال ينجلط


تجيه جلطه ثمن نتوهق فيه


احياناً تراودني فكره اني ارسله مسج يوم الخميس



تسلمين والله على هذا الحضور وهذا الاقتراح وهذه الحلول



تحية عطرة

[جميل الثبيتي]

<<== بغيت ادعي عليهم وبعدين تراجعت في اخر لحظة تذكرت ان جميل موجود

الحين زين اشوف من راح يجبلك الحل

[][ سما الدوحه ][]

لا لا ترسل مسج..جيه بينجلط من قلب...


انت كلمه قبل الاجتماع مثل ما قالت بسوم..

والله يعينك

[سعود]

الحين زين اشوف من راح يجبلك الحل

انت عاااد صدقت


ترى مصدرها مو من القلب من الطحال



ولا تصدق كل مايقال :مزون:



<<=== يحاول يلطف الجووووو



يعرف ان جميل حكيم



تحية عطرة

[~*~قاهرهم~*~]

[align=center]الله يكون بعون خويك من غطرسة بعض المدراء

لانه اخطأ وكلنا بشر ومعرضين للخطأ حتى المدير نفسه اخطاءه كثير

عموماً ومع اني بعيد كل البعد عن روتين الدوله بس اذا لم تخني الذاكره

فأي معامله ترد لاي جهة كانت تسجل لدى الاتصالات الاداريه ويعمل منها نسخ

وتعرض على صاحب الصلاحيه لتوجيهها حسب ما تتطلبه.

فاعتقد لو تم الرجوع للوارد ممكن يحصل نسخه ويعيد عرضها على المدير

واذا لم يجد فالجهة المرسله بالتأكيد لديهم نسخه في الحفظ قبل ارسالها

وتقدرون بعلاقات ودّيه تاخذون نسخه منهم وتعرضونها على مديركم من جديد

هذا والله اعلم وبانتظار اصحاب الخبرااااات اللي ببالي <<< خربت على نفسك ياسعود
تحياتي[/align]

[إشراقـ أمل ـة]

هذا هو الحل الوحيد لصاحبك ...

يرجع للاتصالات الإدارية بالإدارة العامة ، ويكلم له زميل بالاتصالات الإدارية

لإعطائة نسخة قدر الإمكان ، وأكيد المعاملة مأرشفه إلكترونياً ..

الإدارة التابعة لكم أليست لها برنامجا إلكترونيا للمعاملات ( أرشيف إلكتروني )

هذه أمرها بإذن الله سهل ..

أو الرجوع للملف الموجود بمكتب المدير العام والاتصال على زميله المجاز

ويسأله أين يضع المدير العام مثل هذه المعاملة ..

وأهم شيء معرفة موضوع المعاملة وهل لها سوابق بالأرشيف ( الملف السري )

أو ملف الاجتماعات ..

وقدر الله وماشاء فعل ..

والله يعينكم ويسهل أموركم ..

[الماسه]

يؤؤ


ان شاء الله تلقون حل


اما مسالة المسج صعبه بينجلط الرجال

الله يعينكم


خل زميلك يكثر من الاستغفار وان شاء الله بتنحل المشكله

ويدعي ان المساله تعدي على خير

ورح ندعيلكم ان شاء الله

بس قول لنا وش بيصير

<< متحمسه مع السالفه :(

..

[خــــالـــــد]

[align=center]
سعود
ـــــــــــــــــــــــــ ــــــ
والله المصيبة من جد !

هذي مشكلة الدوائر الحكومية

أقول مالك إلا تصارحون مديركم ويلحق نفسه

قبل ما يطلبها في وقت الضرورة !!

وإذا مات يكون أحسن فرصة لخويك يترقّى
ـــــــــــــــــــــــــ ــــــ
أخوكـ/خالد
[/align]

[@الخياله@]

رأيي من رأي البعض

ابحثوا عن نسخ للأوراق المفرومه :مزون:

واذا عن المدير وكيف تقولوا له

أفضل انكم تصارحوهـ من بدري عشان ياخذ

احتياطاته قبل الموعد

ووممكن تقولوا ان الأوراق ضاعت

<< لحد يفهم انها دعوة للكذب :11sted_re

بل تخفيف من صعقة الخبر (انفرمت) !!

<< خايفه على راس زميلك ينفرم

وانشالله يكون للأوراق نسخ واللي وقع الأولى بيوقع الثانيه

وتنحل مشكلتكم هذي

أولا وأخيرا قدر الله وماشاء فعل

كلها اوراق لا راحت ولا جات :نأ: << تبي تلطف الجو


أخوي .. الله يعديها لكم على خير

وياليت تطمنا ..


.
.
.


أختكـ الخياله

[طبشوره]

امممم مسكين حاول تساعده ...

حاول اذا بطلع بدل فاقـد ... او احسن شي المدير واللي فيها فيها .

دام اليوم ثلاثاء عنده وقت ان شاء الله يدبر نفسه

الله يفرجها عليكم .....

[عطر طيبه]

سعود

افضل حل انك تطلب من مديرك يقم استقالتة قبل لا يفنشونة :icon_mrgr<<<<< خلاص الاوراق تم فرمها