[poem=font="simplified Arabic,5,darkblue,bold,italic" Bkcolor="transparent" Bkimage="backgrounds/45.gif" Border="groove,4,darkred" Type=1 Line=0 Align=center Use=ex Num="0,black"]
يانادر الحق حالتي وارجوك لا للعتاب = لا لا تعاتب من زوى نفسه على الزاويه
قلبه تعلق في هنوف(ن) شافها يوم ذاب = على وصايفها ودنياه اصبحت قاسيه
يا زين زول الريم تمشي وحدها ما تهاب = يا صارت العجه تقفاها وهي ماشيه
عنق ونحر والوسط جندي(ن) خلى من زهاب = والردف غض وزولها بيرق على ساريه
تغضي عن اللي طالع بخوف وتشد النقاب = واليا الحضت في طرفها أدمت وهي ساهيه
مرات اشوف اللي سترها عن عيوني ثياب = ومرات اناظرها واقول البنت ذي عاريه
من شفتها يا بو زياد الحال فيه اضطراب = والله يقدرني على نسيان هالداهيه
مدري وش اللي جابني للسوق بعد الغياب = وانا اول اتهرب عن الاسواق والغاديه
لو شافها الشايب يحسب انه بعز الشباب = والنفس لو تنهى أبد لا ماهي بناهيه
يا ويل حالي والبلى شي(ن) سكني وجاب = معه العنى واللي على القلب انثنت جاثيه[/poem]
رد مع اقتباس
