بسم الله الرحمن الرحيم
هذي القصيده كانت بمناسبة وصول اعضاء غرابيل 100000
ارستلها لاحد الاعضاء كان ينسق لجمع القصائد اللي بهالمناسبه ولاشفت الموضوع
يمكن ماعجبته القصيده .
[poem=font="simplified Arabic,4,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
ماني وانا بن روق لفاق اقاويل= انـا لياثقلـت علـي احتملهـا
من روس قوم يدحمون الرياجيل= يوفون دين القاله ان حان اجلها
من روس قوم يشربون الفناجيل= اهل القناوالسيف والخيل اهلهـا
واهل الكرم قوم زحول حلاحيل= وقفاتهم تشهـد ولحـد جهلهـا
واللي يبا التفصيل يلقى التفاصيل= يا كاتـب التاريخ حـاذر زللها
مالك ورى طمس الحقايق محاصيل =والنفس تجزى يوم تعرض عملها
وان كانها شحت علي التماثيـل= وتحدنا ناسم من أدنـا هملهـا
حديتها على النوادر من القيـل= واخذ جزيلات الحكى واعزلهـا
حتى انها تعجب محب التعاليـل= اللي عن الساني لربعه نقلهـا
ولآني شحيح بالجزيلات وبخيل= لا صار طب المايلـه ويعدلهـا
انهيت نصح مزورين الافـاعيل = في مصلحة قوم ولاهـم بهلها
لي الشرف لي الشرف ياغرابيل =عضـويتي في منتداك احملها
صرح يشرف من يدور مداهيل =صدق الحديث وتنفع اللي دخلها
فيه الخلل يدرى ويدرابه الميل = ميّز سمين السالفه من هزلها
ولكل عضو افضل مكانه وتبجيل=محشوم ومنزه عن ادنى زللها
محشوم عن كثر الأذى والبهاذيل=وفي غيرها يمكن يصيبه عيلها
في غيره يشوفون الاعضاء دهاويل=قلـيل مثله سالم من خللهـا
اليوم ابارك لك من القلب بالحيل = رسالةٍ بمعــرفي لك حملها
مبروك لك مبروك لك ياغرابيل =وماكل من هاز الطويله نزلها[/poem]
سلامتكم .
رد مع اقتباس
المشاركة الأصلية كتبت بواسطة حامد الروقي
