[align=center]
السلام عليكم
ـــــــــــــــــــــــــ ــــــ
هاي بكم جميعاً
للمعلومية .. تم كتابة هذا الموضوع وأنا سهران وعيوني حمراء أنتظرها تجي خضراء وأكتب باقي الموضوع :واو:
طوووووووووووووووووووووووو وووووط
7
7
7
يقول الشاعر العظيم ..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
إذا ماكان عندك مقدمات=فـخش بالموضوع على طول
مالك ومال الكتابات=تبقى الصور والكتابة تزول[/poem]
ومع ذلك ما علي من الشاعر ولا الناثر .. لازم أعطيكم مقدّمة تليق بحضراتكم ...
أولاً .. اللي يبي يتابع الجزء الأول والثاني .. يدخل من هوووووون
][ حصرياً على غرابيل .. الــفــهــاوة .. !_(الجزء الأول )_! ][
و
][ حصرياً على غرابيل .. الــفــهــاوة .. !_(الجزء الثاني)_! ][
وهنا نبدأ في الجزء الثالث وليس الأخير ... <<< وراكم وراكم !!
ثانياً .. أتمنى منكم إنكم ما تستغربون أي ظاهرة تصادفكم في حياتكم اليومية .. لأني كل يوم وراء يوم أشوف أشياء تثير الإعجاب والاستغراب ... ( ومن صادق مــ ... يومين صار فاهي مثله ) :خخخخ: ماني معلمكم من هو !! مازن لا تخاف ماراح يدرون إنه أنت
سبع طعشر << بعد ثانيا!.. نرجع لمحور حديثنا الأول وهو إن المفهّين كثروا يا جماعة وألحين فرصتكم تجمعون صور في هالوقت خاصة لأن الصور بعدين بتصير مثل الاسهم .. ترى لو ما تجمعون ألحين .. والله ما أصرّف عليكم عليكم شي بعدين
<< يقاله ناصح
وأحب أذكركم على طاري النصيحة قد نصحوني ناس واجد وأنا من ضمنهم ( إلا أدخل نفسي معهم :واو: ) قالوا لا عاد تهرج واجد لأني أجيب العيد .. وأفكاري دائماً ما تجتمع ولا تلتقي بالمخ ولا بالمخيخ ما يمديها توصل حلقي الا أكتبها فوراً عشان كذا لا تواخذوني على شطحاتي ...
شرايكم بالله نستعرض لكم الصور ودرجات الحرارة في مدن المملكة ؟!!وأفككم من الفلسفة الزايدة
----------
بسم الله ... << نفذ أكمااامه !
صاحبنا هنا .. ما عنده إلا الكاااااااش وما يهمه أطلق شنب ..
يعني هو سمع من كم واحد إن اللكزس سيارة فخمة وحلوة وغااالية .. بس مدري هو شافها ولا لا .. المهم إن الرجال طقّت براسه وحلف إن يفتح أي مشروع باسم لكزس عشان يجي فخم ..
الزبدة إن أخينا في الله فتح بوفيه وأعتقد إنه يبيع سندويتش بيض بالعسل بـ 100 ريال ,, مو البوفية لكزس ؟؟؟ خلاص يحق له ما لا يحق لغيره ..
----------
وما دام إننا في موضة اللوحات ..
فما أخفيكم عن البلاوي اللي تحملها هـ اللوحات الإعلانية حقت المحلات فـ كل العجايب فيها وصورة مع التحية ( للمسؤولين هناااااااك )
ظاهرة أبو ريالين .. اللي هبلت بـ بزراننا وحريمنا :مزون: اليوم بدر البدور فاجأت الجميع بأسعارها الخيالية
على طاري أبو ريالين .. ( يقولون فيه مصري تزوج سعودية وطلقها من ثاني يوم ليه ؟؟؟ .. لأنها قالت بروح لـ أبو ريالين ) أخينا في الله يحسب ابو ريالين رجال
بريالاين أجل !!:برافو برافو:
----------
يقولون إن التربية الخاصة ما تخرج بس .. اللي يعلمون لغة الإشارة بس !!
لا لا .. إلا طوروها الشباب وحلف خوينا هذا إن يطلع لغة الرسم على الجدران بدال الإشارة وتناسب لكل الأحجام والأصناف من البشر والحيوانات بعد ...
هذي دورة مياه - الله يكرمكم - والأخ في الله ما شاء الله حريص ما يصير فيه اختلاط هههههههههههههههههه شوفوا وش سوى ... كاتب بالعربية والإنجليزية .. وبالرسم حتى ليييييييه ؟؟؟ عشان اللي ما يعرف عربي يقرا انجليزي واللي ما يعرف انجليزي يقرأ عربي واللي ما يعرف لا عربي ولا انجليزي يعني اللي ما يدبرهاااا ولا دخل محو أمية يعرف يميز بين الحماماااات ولا أوصيكم شوفوا الشنب بس .. ذكرني بهتلر :خخخخ:
تتوقعون إن الموضوع انتهى إلى هالحدّ ؟؟
لا لا لا لا
الرجال هذا يحب العدل بين النساء والرجال ... ما نسى النساء (( اقووول لا تدققون واجد على الضمة اللي على المسجد زين ؟ سووا نفسكم ما شفتوها ))
----------
ايييييييييييييييييييييييي ه
هذا عاد يسمع بالحرص .. وما سوى مثل خوينا الساااابق ولا هو بعيد من سباكة الأول اللي فووووق ..
والظاهر إنه يشتكي من النساااء كثير .. ومهبلينه ولا والله مدري وش سالفته !!
يعني اذا أحد كتب للرجال .. فمن الطبيعي أن يكون ( ممنوع دخول الجنس الآخر ) ..شوفوا
----------
رسالة مختصرة من المسؤولين في وزارة الصحة إن اللي يدخل مستشفياتهم يطلع زي هذا بالتمااااااااام ... اللهمّ إني بلغت اللهمّ فـ اشهد !!
صورة مع التحية لـ صديقي مازن :خخخخ: ودي أصغر الابتسامة بس ما يمدي !!!
----------
عربجي ودلووووووع وبزر!!
جامع الأصناف الثلاثة من (أخس) أبوابها... عربجة ودلع وبزوووورة .. ياسلام هذي ما تنلقى حتى في أحسن العائلات :مزون:
الظاهر انه تخرج من سادس ( ب ) ليلي بالدف بعد .. ويبي يتدلع على أهله ويقول إني كبرت .. ما عاد يبي السيكل حقه .. لا لا ما عاد يبي إلا .... :خخخخ:
وما قدر يعبر عن مشاعره الجياشة إلا في الجدار ؟؟؟؟؟؟ حلو
-----------
وهذا الظاهر إنه نايم أمس وهو مهو في حالة طبيعية ولا هستيرية .. ما أقدر أوصفه صراااحة , لأنه مقلع من جد غسل الثياب ونشرهم وما لقى قدامه عاد إلا السيكل .. ويبدو لي إنه غسله ونشره عشان تصقعه الشمس ... :مزون: بس أخاف ان السيكل مهو أصلي ويصغر مع الغسيل ,, ولا إنه من صناعة فاخرة والمفروض يغسله ببخار ولا يعرضه للشمس
وأحياناً تجيني حالات أقول إن له علاقة بـ الدلوع اللي فوق اللي يبي كامري بدال السيكل , شكله علق السيكل يهددهم بانتحار سيكله
الله أعلم ,,
----------
نطلع من الدلوووخ ونجي في المهايطي اللي يبي يمدح أبوه بالغصب ..
ولا إنه يبي من أبوه شيء ومستحي يطلب منه .. شحاذة بطريقة غير مباشرة
ولا إن اسم ابوه يفشل وما يبي يذكر أبوووه هههههههههههههههههههه أما مثل هييييك تصرف ما بعد شفت ... بيت الشايب!! يعني لو سماه باسم الشغالة الظاهر انه اجمل شوي
الله يهديك ياعمّ ويخلي لك الحج متولي اللي خلّى الحارة تتولول علييييييييه
بئا ده كلااام يا راااجــل ؟
متخلي بيت الخال أحسن شويه يعني .. :خخخخ: << جاب العيد
----------
ألحين طلعنا من اللوحات الإرشادية والإعلانية ... وندخل عالم المخابيل والمهابيل
أهاااا
ألحين نجي لقمّة القهر والغبن وكلشششششششششش
يعني الواحد لمّا يشتري سيارة كشخة بنفرح له وبنقول له مبرووووك
ولا الواحد يشتري لوحة مميزة .. برضه بنقول يستاهل
وكل هذا شيء طبيعي جداً
لكن اللي مو طبيعي واللي يغبن من جد ولا هو اللي فرح بسيارته ولا هو اللي فرح بلوووحته .. تلاقونه في الصورة هنــا :زعلان:
----------
ومادامنا بـ طاري السيارات ..
هنا أخينا في الله سامع وصية من أبووووه يوم كااان صغير وكان يقوله يا ولدي أي شنطة قفلها بـ قفل عشاااان تضمنها وتحميها من السرقة .. وما تعرفون عاد المثل اللي يقول لا توصي الخبل ؟؟؟ :11sted_re
هاااه شوفوا
----------
وذا الزين مهوب بعيد من اللي قبله ..
لكن هذا بيتوهق بعدين لما ينزل العفش والحملة ... يبي يسوي هرم في سيارته ؟ ولا يبي الناس تتفرج عليه والله يا هو فاااهي وفاصل السلك الأحمر بعد من مخّه
----------
أذكر يوم كنت ادرس .. أيام الثانوية إذا خربتها وأبي أصير دافور ,, رحت انبطحت وتلحفت لمدة 2 ساعتين متوااااصلة وأحس وقتها إني دافوووور العااااالم ما خليت ولا بقيت .. أجلس ساعتين وراء بعض ؟؟ ترى مهيب سهلة ... يعني مافيه أمل أطلع مكان وأقرأ لي أي كتااااب
لكن الحمدلله نجحنا وبتفوق بعد :مزون:
أمّا ذا الزااااحف والله إني مت عليه ضحك يوم صوّرته .. ولو تعرفون وش خذا مني الوقت لـ تصويره ما تصدقوووون , لأني جلست أضحك أول شيء .. وبعدها كل شوي متلقب ورافع رجل ومنزل رجل ... كل هذا عشان يفتح صفحة !!
والله مدري ذي دفارة ولا كسل ؟؟؟؟
----------
مساكها ختم
خساكها متم
يووووه
ختامها مسك !! :11sted_re أخيراً صبطت معي ذا الكلمة الصعبة
بقولكم السااالفة ..
هذولاي طلاب لغة عربية في أحد الجامعات العريقة التي تقبع في ( القصيم ) :مزون: لا تواخذونها يا أهل القصيم لكن هذا الصدق .. يشتكون من مدرس وسألت كم طالب عندهم .. ويسبون فيه ويشتمونه يقولون إنه مرسبنا .. وسألت عن من هو الفتوّة حقهم اللي تمزهل من كتابة الشكوى وتعليقها وكتابة رقم جواله بعد .. هههههههههههههه تدرون ليه سألت ؟؟ لأني أبي اشوف أحسن واحد فيهم .. شوفوا الورقة وشوفوا طلاب اللغة العربية ... ومن زين الطبايع بعد يبون ينجحوون ويصيرون مدرسين .. !! :برافو برافو:
--------
[align=left]مع تحيات / خـــالد , ميــزو !![/align]
ـــــــــــــــــــــــــ ــــــ
أخوكـ/خالد
[/align]
-new.gif)
رد مع اقتباس
[/mark]
المشاركة الأصلية كتبت بواسطة خــــالـــــد
![الصورة الرمزية ][ابوعوف][](image.php?u=7748&dateline=1164622404 "الصورة الرمزية ][ابوعوف][")
