[poem=font="simplified Arabic,4,white,bold,normal" Bkcolor="transparent" Bkimage="backgrounds/21.gif" Border="groove,6,crimson" Type=2 Line=0 Align=center Use=sp Num="0,black"]
ألا ياعيني اللي ماتنامي = ترى كثر السهر ذنب وحرامي
ترى اللي فارقك ياعين خل(ن) = نكر عشرتك مردوع الوشامي
ترى اللي صار مكتوب ومقدر= أراد اللي حصل رب الانامي
وأنا مؤمن بما يكتبه ربي = كريم الوجه محشوم المقامي
عسى في ما حصل خيرٍ وخيره = وعسى نار الهجر برد وسلامي
عشيرآ باعني لازم أبيعه = لو أني للوصل جايع وضامي
أقدر نفسي اللي عزها الله= وأحط الصبر فالشده حزامي
ولاني بأول أنسان يفارق = ولاهي ضربة السيف الحسامي
أنا رجل الشدايد والمواقف = ولاني خاضع لراع اللثامي
أنا ربعي هل الطاله عتيبه = هل الشيمه رفيعين المقامي
وهم ذباحة الحايل وربعي = وسام نفتخربك يالوسامي
فضيحه تدمع عيونك على الود = ولاتنعد في وقت الزحامي
ليا من هلة دموعك من الحب = أجل وشلون في نبل السهامي
وأنا ماهلت دموعي عليها = ولكن هم ينسى بالهمامي
وأنا والزين قصتنا عجيبه = سماء زرقاء وغطاها الغمامي
شروق الشمس يعجب من يشوفه = وفي لحظات يجلاه الظلامي[/poem]
رد مع اقتباس
-new.gif)
المشاركة الأصلية كتبت بواسطة محمد الجبريني
