مساكم الله بالخير
اليكم هذه القصيده آمل ان تحوز ولو على جزء بسيط من استحسانكم
( عــــــواض الاول )
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماني مثل ماكنـت تزعـل وراضيـك= ماهو بنا اللي ينثني ساعـة ارضـاك
عواض الاول صار ذكرى بماضيـك= واللي مضى ماتنفعـه قولـة ارجـاك
ماعـاد تـثّـر قـولـة الله يخلـيـك= مادامنـي حطيـت فالبـال فـرقـاك
ماجيتك اسرد كلمة الحـب وارجيـك= ولا اكتب احروف الغناوي على إشفاك
جيت اخـذ اوراق القصايـد وخليـك= بالذّات ذيك القصيده .. والـورق ذاك
حتى الرسايـل هاتهـا مـن مخابيـك= نويـت امـزّق مابقـى مـن بقايـاك
كويتني ون عـاش ذالـراس لكويـك= وعلّمـك وش لـون تنـدار الافـلاك
ماتدري انه ضاع عمري وانا ابكيـك= والمشكله مابـان بـك كثـر ماجـاك
تطلب وقلبـي بـس ياخـذ ويعطيـك= ولا وش اللي قد طلبتـه ولا اعطـاك
اجبرتني بالغصب .. بالقـوه اجفيـك= وانا لـك الله ماعلـى بالـي اجفـاك
لاكـن تـرا كثـرت عليّـه بلاويـك= انثر ورودن لـك وتنثرلـي اشـواك
مدري تصنّعت الجفا والتصـق فيـك= ولا انتهجت الصد وغرورك اعمـاك
ولا انت قصدك تيتـم الحـب بيـدك= ولا بغيت اتشيـل حبـي ولا امـداك
اسمع ترا عنـدي نصيحـه تصحّيـك= إن كنت ماتعـرف تصاريـف دنيـاك
الصد ياخلـي تـرا الصـد يرميـك= احـذر تصـد وقلـب خلـك تمنّـاك
خذ هالنصيحه واستفد مـن خطاويـك= ترا الليالي تقلـب اصحابـك اعـداك [/poem]
ولكم محبتي
عواض المالكي
30/3/1429 هـ
.