السلام عليكم ورحمه الله وبركاته
اعزائي الغالين , ابيات اتمنى ان تنال على اعجابكم وترتقي لـ ذائقتكم الرفيعه :
[poem=font="Simplified Arabic,5,teal,bold,normal" bkcolor="transparent" bkimage="" border="double,4,silver" type=1 line=0 align=center use=ex num="0,black"]
(خف ربك اللي خالق الكون والناس=وارئف بحال اللي يحبك ويغليـك )
قلت لك هذا البيت من قبل تنـداس=معطيك فرصه يمكن انه يسويـك
لكن خلاص البيت هذا على ساس=ساسه كرامة واحد منصـدم فيـك ..!!
يازين .. كنت احس بك اجمل احساس= وكنت ادمح الزلات دايم مصافيك
وكنت اجلس وفكري عن الناس منحاس=واسولف لحالي .. وكني اجاريك
واجلس على المرقاب لاهب نسناس=واجر موالي بصوتي واناديك
بالليل .. ياخذني معك كل هوجاس=واسهر بليلي واتسلا بطاريك
واكتب لك اجمل ماطرالي بقرطاس=وادايرك دايم بحبي واراضيك
واليوم مالك عذر يازين لاباس=عرفت مقصودك عسى الله يعافيك
مدامني عايش وانا رافع الراس=ماهمني لاانته ولامن يحاليك
(بعدل اللي فات يازين للناس= واقول غلطه بيت من كان يغليك)
خلاص فارقني عسى مالك اجناس=الله يوفقنـي وربـي يجـازيـك[/poem]
تحيتي للجـميع
محمد العتيبي