الدردشة الشعرية رقم ( 2 )

[أمل عبدالعزيز]

,,


صباحكم عطر / مساكم زهر يا زوّار الدردشة الشعرية

طبعاً وللأسف جيت اليوم أسوى تعديلات ودمج مواضيع فكان من بركات أعمالي حذف نهائي لموضوع الدردشة بعد أن تم دمجه في موضوع الأخ حبيب المرشدي !!!

للأسف هذا كله بسبب المواضيع إللي مالها سنع كل من جا براسه سؤال نزله بموضوع خاااااااااااااااص وأربكنا واربك المدرسة كااااااااااااااملة للأسف ..

علشان كذا ياليت أي واحد ينزل موضوع خاص ويحط فيه استفسار معاد أحد يرد عليه ألين تشوفون المشرفين وش بيسوون فيه ماحنا ناقصين ضياع مثل ماصار قبل دقايق وربي أني بالفعل ضغطي مرتفع ومنقهرة بسبب العملة السودة أللي سويتها ويسعدني أن ابتدي الدردشة بعد الضياع اللي صار بهالابيات المأساوية :



[poem=font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله يقطع كل دمج المواضيع = باسباب غلطة من جنابي يضيعي
الدردشة ضاعت ومعها قرابيع= عزي على ماجد ومعه الربيعي
وش عذري منكم غير قوطي مراصيع= عل وعسى تنسون حذفي المريعي[/poem]


ولا زال في النفس الكثير

<=== قاعدة تلطم من زود القهر وتدعي على من كان السبب هههههههههههههههههههه

يالله عاد همّتكم بالردود على القوافي المصروعة


وفي الختام أهنيكم بقدوم رمضان هههههههههههه وعيد مبارك


ملحوظة:


بالله لاحد يشره علي لأني من جد مقهووورة من نفسي وماني ناقصة عتاب فلا أحد يعاتبي


واللي نقص عليه رد يرسل لي خاص أرجعها بمشاركاته ولاتلووومووني

منّك لله ياحبيب المرشدي

[حامد الروقي]

سلام عليكم

ماتلام الأستاذه امل /
هذا كله بسبب خسارة الأتحاد للكاس الله يدفع البلا .


[poem= font="Simplified Arabic,4,orangered,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
منصور شجعانك سواة الجرابيع = يشريبهم ناد الشباب ويبيعي

الذبح للقبله وصاروا مصاريع = ورجالهم يبكي سواة الرضيعي

زادوا على الاتي جراح ومواجيع = والكاس عند الليث جاله لميعي [/poem]



ومبروك للشباب .

[هَذْيَّان]

[align=right].؛.


.

لا لا تلطمين الحرف يازينة الزين .. مايرزى قهر ترى أعمار تضيعِي


<<<< شاعرة البنت ههههه
لاتلطمين

واللي يجِي صوبك حذبحواا


العوض على الله ياماجد النصار[/align]

[وجــــدان]

ههههههههههههههههههههههههه

لخبطتي الدنيا يامديره

فداك ألف موضوع ومليون رد يامعلمتنا لكن طلبتك قولي تمّ

لاعاد تدمجين شيء ههههههههههههههههه

خلي الدمج والنقل والحذف وباقي الشغل عندي أنا وانا أدري هاليومين دخولي قليل بس انتي عارفه البير وغطاه

بعدين وش جاك على العسف ؟؟؟؟

كل هذا قهر من الدمج والكاس الضايعه

ههههههههههههههههه

[poem= font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حي الله المسحوب والآع والايع=والعجز كلّه صار ايعي و ايعي
انتي عسفتيها وحنّا لك نطيع=دامك عسفتيها ترى نستطيعي
والدردشه راحت سواة الطراطيع=شبّت أمل فيها وصارت قطيعي
وياليل ياليل العنا والمصاريع=راحت سوالفنا وطارت جميعي[/poem]

هههههههههههههههه

يازين العسف زيناه

تحيتي للكل

[أمل عبدالعزيز]

هلا وغلا فيك ياحامد الروقي

وحيالله هالطلّة

بس ليه الغلط عاد؟

وش دخل الإتحاد؟؟
هل تتوقع أنه سبب خربطتي؟

وسبب عسفي للابيات؟

ههههههههههههههههههههههه

على العموم ياليت من الحين تحدد موقفك وتبين لي فريقك عشان أكون على بينه ويكون موقفي حيادي من أول نقطة بداية السطر

وصح قلبك على الأبيات العسل وزنا والمعنى ماش ماهو بذاك دام ليث وبربسة هههههههههههههههه

[أمل عبدالعزيز]

هلا وغلا قلبي خلود

وبصراحة حضورك بس نساني المصيبة أللي سويتها وصرت أحلم فيها طول الوقت

وصح لسانك ياقمر

ونبي منك دايم تكونين هنا وتتابعين معانا الدردشة الشعرية وتشاركين بما تجود به قريحتك الحلوة

[أمل عبدالعزيز]

هههههههههه

اي بير وأي غطا والله الودي ودي الحين ارسل عليكِ صاروخ يطلعك من جحرك ألي متوزيه فيه حضرتك عشان بس :هاها:

ههههههههههههههههههههههههه
على فكرة ياجيجي من جد ودي أقول من قلبي صح لسانك ياحلوة على هيك عسف
ولاتشرهين علي ترى وربي السبب معروف ولافيه حاجة لأن أنشر غسيلي قدام خلق الله يكفي الإتي وماسواه بقلبي

وصدقيني كانت بداية الأبيات بيتك أللي تخبرينه ( ياركبن من عندنا فوق كرتون ) تضكرينه؟؟ ههههههههههه

ومجاراة للبحر المنكوب وللعسف المصحوب بقول لك:


[poem= font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راحت سوالفنا وجينا مفازيع=هذا يصيح وذاك جنبه فزيعي
والدردشه طارت ولابه مراجيع= وموضوعها بين المقابر ضجيعي
كلٍ يناظر وش ورانا مشاريع=وحنّا نطالب ياعرب بالرجيعي
مابه حلول ٍ للمواجع نواجيع=وجدان قولي جعل راسك صديعي

[/poem]

[هَذْيَّان]

[align=right].؛.


.

يسلموووو


بجيكم بِ الزين

يازينة العسف

هههه[/align]

[حامد الروقي]

سلام عليكم

اختنا امل .

مشكلة الحذف محلوله بامكان الادمن استعادة المحذوف من النسخه لليوم اللي قبل الحذف ترجع المواضيع المحذوفه وموضوعنا الجديد هذا يروح بخبر كان .وبامكانك قبل يستعيد النسخه تحفضين الموضوع الحالي على جهازك على شان تعيدينه .الشغله ماتستغرق ثلاثين ثانيه .

<<<<<<<<<<هذا المستخدم صاحب موقع سابقا ولدي منتدى في جهازي .

بالنسبه لخطاي ماشوف ابياتي فيها خطا حبيت ادردش وافتح موضوع وانسيك هم الحذف اللي انتي حزينه على شانه.


واشمت شماتة الاصحاب في منافسنا نادي الأتحاد وليس بك انتي .


وبالمره ابارك لأصحابنا نادي الشباب . ( الليث )

<<<<<<<<<<<< هذا المستخدم عضو في نادي الهلال ولاعب هاوي سابقا


ونرجع للمهم في كلامي وهو / استعادة الموضوع في عشر دقايق من النسخه الاحتياطيه للمنتدى الموقر واللي اعرفه ان المنتدى هذا قوي جدا لدرجه انه ماحديقدر عليه من فضل الله ومن براعة الدعم الفني وقوة السرفر اللي يشغله .


ــ والكلام الاهم / ابياتك مافيها الا العافيه ولو قلتي عنها فيها عسف او قالوه الاخوان الاهم المضمون .




ياطول السالفه طولاه .




[poem= font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياماحلا في نجد ريح الذعاذيع = لاجالها بعد انصرامه رجيعي
والذود جاله باوديتها مراتيع = وجوها الحويل مدورين الربيعي
ورعيانهم تسمع لهم تع تعاتيع = ويريعون الضين وسط التليعي
والبيض يمشن والهوينا مفاريع =من ناضرنه طاح منهن صريعي [/poem]







وسلامتكم .

[ماجد نصار]

أبله أمل يفداك الموضوع وستين الف موضوع
وماله داعي لكل هالمقدمااااااات
والادمن سلمو عليه وخلوه يتفرغ للمنتدى
اما الموضوع لو راح يجي بداله الف
والف شكر لك انك نزلتيه بسررررررعه
وكانت بدايته قويه
ولنا الشرف يكون بإسمك على الأقل يحظى بجماهيريه




حيالله الجميع امل ووجدان وحامد
واحب ارحب بالنيابه عنهم
بخلوود العلي
نورتي الحته
وانشالله نشوفك قريب في شاعر المليون او شاعر المعنى النسخه الثانيه
بس شدي حيلك

لان في النسخه الثانيه من شاعر لمعنى
راح تشارك ابله امل ووجدان
هههههههههههه
اما لو تشاركون وتكتبون صرقعتكم هنا
والله يطير المسرح من الضحك



وصحت الألسن كل ابوكم

وانشالله لي عوده للجاراه
بس الحين كل اللي بمخي
ارقام لان لي يومين اخزن واختباري بعد سويعات
بحاول اكتب لكم زي مافي راسي
وبترجمها بعدين حروف



[poem= font="Simplified Arabic,6,black,bold,normal" bkcolor="transparent" bkimage="" border="none,6,gray" type=1 line=0 align=center use=ex num="0,black"]

2323659898746طااااط=1235245669874طوط
5423154697*9طااط=123596874254169854طوط
2315465987طاط= 1235365789469845طوط[/poem]

لاحظور ان فيه شقرررر
في العجز هههههههه شوفو القافيه(123مع طوط متكرره في كل الابيات ههههههههه) يميدكم تسووون زيي

[احمدالعارضي]

السلام عليكم
والله ماادري وش السالفه ووش تسولفون عنه بالضبط
لكن خذو هذي مجاراتي

[poem= font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام تسليم ٍ على قفلة الايع=سلام يفرق بين سني وشيعي
ياللي رعيت العشب وامسيت فالريع=لو ان ريع القوم ماهوب ريعي
أقسم برب البيت مالي دوافيع=لكن على الله لو يضيع الوديعي
النار لو ترفع على الزبده تميع=وانا بخفف نارها لا تميعي
ياللي تبون المرجله بالطوابيع=ترى الطوابع ماتسر الهليعي
الناس تمنعها حدود وموانيع=وترى التباعه ما تسر التبيعي
وحنا نبي نشري مع الناس ونبيع=لو ان سوق الناس ماهو طبيعي[/poem]

[وجــــدان]

اي بير وأي غطا والله الودي ودي الحين ارسل عليكِ صاروخ يطلعك من جحرك ألي متوزيه فيه حضرتك عشان بس

ههههههههههههههههههههههههه
على فكرة ياجيجي من جد ودي أقول من قلبي صح لسانك ياحلوة على هيك عسف
ولاتشرهين علي ترى وربي السبب معروف ولافيه حاجة لأن أنشر غسيلي قدام خلق الله يكفي الإتي وماسواه بقلبي

هههههههههههههه

الله يلوم لايمك يامديرتنا وصح بدنك

بس فكيني من صواريخك

ههههههههه

استلمي يا أمل

[poem= font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صباح الدردشه والقاف=صباح الشعر وبحوره
صباح العسف والعسّاف=تعالي وضّحي الصوره[/poem]

تحيتي للكل

[أمل عبدالعزيز]

,
,


هلا فيك ياحامد الروقي وحيااااااااااااااااااك

نورت الحتّة واسفرت واستهلت وانورت


عن العسف فأنا أقصد طال عمرك كلماتنا بنهاية القصيدة يعني العجز ( قطيعي ) ( صريعي ) وهيك كلمات لكن الوزن أكيد مية مية كيف مانضبطه زين وهو الشيخ المسحوووب

هههههههههههههههههههههه

وصح لساانك وبنانك عهيك حضور وبصراحة الدردشة نورت وصارت مشرقة بجد مع مشاركاتك الراااااااائعة

وبالفعل أتمنى من كل شخص يحضر يكون حضوره شعري صحيح مية مية ويخلينا نعيش جو الشعري الفطري , أو بالأصح شعر أون لاين , يعني يعطينا من قريحته الحاضرة ومايكون مروره هيك أي كلام ولاّ بس سوالف ويطلع لاااااااااا مانقلبشي بهالشيء <== قلبت مغربي هههههههه




أحمد العارضي يالله حي هالطلّة ونورت الحتّة
ومشاركة من العيار الثقيل ماشاء الله عليك والله لايضرك



هذيان هلا وغلا بالغالية بس وين المشاركة؟ يد ورا ويد قدام ولا حتى شطر هههههههههههههههه


ماجد فداك اللاش يالذيب

وبالفعل رقاب طارت ماهيب بس مواضيع هههههههههههه

المهم لازم تجي وتكتب شعر وخل عنك المطاطاه ههههههههههههههههه


وجدان تعجبني فيك الرقة والشوت السفري ههههههههههه بعدي والله اي مشاركة تحسين مافيها أي فائدة للمتلقي شيليها سفري عشان نحس بالأمن في هالمكان

وصح قلبك ياعسل وأنا مادري ليه لازال للحين ماسك معي ( ياراكبن من عندنا فوق كرتون ) أحس هالشطر ذا بيأثر على مسيرتي الشعرية هههههههههههههههه

وتجاوباً مع ماسبق ذكره من الشباب والصبايا أعلاه فأقول استلمي ياوجدان :

[poem= font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر صاراليوم خرده وتجميع=هذي شهادة حق بالله ذيعي
تطبيل في ترفيع والقصد تلميع=لافكر لامضمون واضح رفيعي
مثل اللباس إللي كثير التراقيع=من كل قرنه حرف والثوب ويعي
مصنع قواطي للقوافي وتصنيع=ماهو صنيعك بالشعر أو صنيعي
قامت شلل بين القصيد ومجاميع=فزعات وحميّا ووضعٍ شنيعي
ولاتسمعي من قال في الشعر تطويع=ومن قال ان ماطاعك السوق طيعي
العسف عيبه في القصيده وتجويع=يجيك شكل القاف هزل ووجيعي
ومن لاسمع شور المحبين بيضيع=أدخل على الله يالغلا لاتضيعي
والبوم لو شفتيه بين التواقيع=ماهو طبيعي لو ظهر لك طبيعي
مثله غراب البين محتاج تصفيع=حتى يضيق ابه المكان الوسيعي
وياراكبن من عندنا فوق طع طيع =تشيب من صوته رموش الرضيعي
ودعتك الله ياخوي القرابيع =الحق مقيط وجعل مالك شفيعي
أبيات من قلبٍ علته القراشيع=بالله ذيعيها على الكل ذيعي[/poem]

( طع طيع ) مصطلح جديد معناه ( السياره القرمبع )هههههههههههه

أقول يازين العسف وبس يقدر الواحد يكتب ميتين بيت كذا وهو يضحك وماعنده مشكله

[حامد الروقي]

سلام عليكم مره اخرى يسرني مشاركتكم في النسخه الجديه من البرنامج الرائع . كنت اعتقد انه العسف هوصناعة كلمه مثل :ـ

سياره ـ سيايير او عصافير ــ عصفورات ههههههههههه


مشاركتي فيها لغز قابل للرد او التطنيش

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
القاف لامني تنهزرته يطيع = حيا يجي ولا مخافه يطيعي
يجي هدف مثل السيوف البواتيع = يمضي فالاعضا مثل حد البتيعي
والميت اليا مات يحتاج تشييع = حتى الخبر ياصل وعلمه يشيعي
وش ناقةٍ صكوا علاها المجاويع= والناس طمعوا في لبنها جويعي
اقفوا بها من دار اهلها الطماميع = وانااشتكى لك يامجيب وسميعي [/poem]

[فراج العتيبي]

القاف هذا ذكرني ببويتات لواحد من الربع قالها عندما كانو طالعين البر يخاطب فيها دحيم اللذي كان يكثر من شرب حليب النياق هههه



يقول فيها


[poem= font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يادحيّم بالله خل عنك القراطيع = واخذ العصا .. واخذ الوجيه الفليحه
الليله العشوه نباها جرابيع = ماعاد نبغى من لحوم الذبيحه[/poem]