[rams]http://www.al7an.com/songs/moseqh/kobleeh1.ram[/rams]
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سقت القوافي سوقة اللي ما اهتنـى نومـه = يقطع مسافات الخطى وللمشي مايداري
جيتك أبشكي لك بلاوي القلـب وسمومـه = كم سقت أنا رجلي ظلام اللي بـه سـاري
كم طحت ببحور الهوى وعجزت انا العومه = واموت واغرق وأنتهي ما بحت باسـراري
ودايم يزاورنـي ظـلام الليـل وهمومـه = وياخذني بهموم الزمـن ويضيّـع افكـاري
ولا بان في عيني حزن أو نظرة مشئومة = وأدفن همومي بالصخر وماهمني زاري
وإليـا ذكرتـك لحظـةٍ تاخذنـي ديمومـه = تغرق به الدنيا ويجدد صافي انهاري
صرتي على دروب الهـوى يابنـت ملهومـه = متفلسفـة متفهمـة وتـدريـن بأخـبـاري
وانتي على ذاك الطريق العذب وحلومه = حلم كبير ابرسمه وانتثرت احباري
حلم سكن جوفي وثبت بالحشى سهومه = وألد وجهي له وأخلي الليل سهـــاري
خليني في سماء عشقـك بعيـش فغيومـه = وقولي لهم فالـح سمـاي وكـل أمطـاري
للعاذلين اهـل الـردى والحكـي واللومـه = اللي يسوقون الردى لا حـل بـك طـاري
وانا الحبيب اللي بشوفـك ضيـع علومـه = و اشب لك كل القصيد وانثـر لـك اشعـاري
وأنا لك الفزعه سوات مشقق هــدومه = تحسب لي الناس حسبه وبالقشــر ضــاري
وأخذيني المتعنصر اللي حافظ سلومه = وانا لربعي يابنيه من الهوى ذاري
وانا صغيرٍ ذاق مر الوقت مقسومه = حتى عرفت العلم وشبيت به نــاري
وانتي لي بحور الهوى وسنينه ويومه = ولو بالغــلا بوصفك .. مقدر .وانا داري
عهدٍ علي ما ارضى لك اليوم انـا سومـه = ولو هو ردي الحظ باعك صرت انا الشاري
يا أم العيون اللي هدبهـا سـود مرسومـه = اصبح غرامك في عروقي كالنهر جااااري
[/poem]
فالح الشــلوي
رد مع اقتباس
