[glow1=000000]السلم عليكم ورحمة الله وبركاته[/glow1]
[glow=330000]مساكم كادي[/glow]
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كنت نايم والزمن لاهي ودالـه = وكانت أحلامي مثل ورد الربيع
وكان عندي حلم في كفّه لحاله = وباقي الأحلام في كفّه جميـع
[/poem]
[poem=font="Simplified Arabic,6,burlywood,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
كان مثـل النخـل والدنيـا ظلالـه = وكان قدره في نظـر عينـي رفيـع
وكنت مثل اليـآس وآمالـي حبالـه = وكان مثل الحصـن والسـد المنيـع
وكنت أنا السيـد و يامرنـي دلالـه = ولا نهيت القلـب قلبـي مـا يطيـع
كيف ما طيعـه وأنـا كلـي حلالـه = وعقلي الجامح غدا حمـلٍ(ن) وديـع
كم كتبت الشعر فـي باهـي جمالـه = وكم رسمته بدر فـي وصفـه بديـع
وكم رعيت الود فـي عالـي جبالـه = وكم زرعت الصدق له في كل ريـع
لين صرت أشوف روحي في وصاله = ولو بغيت العيش دونه مـا استطيـع
ويوم صاح الوقت عقلك وش جرى له = قـم تـراك بحلـم والواقـع فضيـع
قم تـرى الدنيـا نذالـه فـي نذالـه = ولو تطيع القلـب وأشواقـه تضيـع
شف يمينك كيف ضاعت في شمالـه = ناوي(ن) توفي وهـو نـاوي يبيـع
شل خياله عنك وارحل عـن خيالـه = لا تعيـش بضيـق والعالـم وسيـع
وخل من غشّك علـى عميـا فعالـه = موهمٍ(ن) نفسه وفي وهمـه صريـع
من جهاله في جهالـه فـي جهالـه = لا تخلي لـه مـن الذكـرى شفيـع
يمهلـه ربـي ولا يهمـل سـؤالـه = العظيـم الواحـد الفـرد السمـيـع [/poem]
رد مع اقتباس
،، وَتَحِيَّة ،،
المشاركة الأصلية كتبت بواسطة ابو اريام جده
