الحـب مـا هـو مـزح

[صلاح الأحمدي]

؛

الله الله يبو عبدالرحمن
طال عمرك هذي ماهي قصيدة ما شاء الله معلقه

جَزْل وَ أبْدَعْت ،،

الغَالي أبُو عبد الرّحمن
صَحّ لسَانَك وقَلبَك مَددّ ، ويسلَم بُوحَك ونَبض رُوحَك ، لاَهِنت.

؛
،، وَتَحِيَّة ،،
؛

[مبـــارك]

أبو عبدالرحمن



ماشاء الله عليك .. صح لسانك وصح بدنك ملايين


نصبر ونصبر مانسمع شئ ثم تجيب لنا قصيدة عن صبرنا كله



الله يعطيك العافية


ولا يحرمنا من جديدك


تحيـاتي لك

[ماجد نصار]

الله الله

يابوعبدالرحمن... صرنا نشك ان معانا قلوب..!!


أبدعت أيما إبداع لله درك


والشعـر فيهـا جـرّ لــه مسحـوبـه
واطلـق عنانـه ,, واستبـاح اتعـابـي

وحلقت الطيور قيان هنا يا أستاذ عبدالرحمن




...


متدفق

[سعود السلمي]

ولـو ردنّـي عنهـا الزمـن وحـروبـه
لعيونها لو صرت أنـا (( إرهابـي )) !!

هههههههه الله الله يابو عبدالرحمن


كتبت وابدعت سبك وحبك وجزاله والصمت امام هذي الشامخه هو افضل تعبير


صح لسانك بعدد حروفها ابو عبدالرحمن

[عبدالعزيز القثامي]

ولـو ردنّـي عنهـا الزمـن وحـروبـه
لعيونها لو صرت أنـا (( إرهابـي )) !!


أدخل على الله ياريّس :مزون:


تتقطر جزاله يابو عبدالرحمن ..

صح لسانك وجاد بيانك أخي

[خــــالـــــد]

[align=center]
أبو عبدالرحمن
ـــــــــــــــــــــــــ ــــــ
صح لسانك وقلبك اخوي

وتسلم يمينك على القصيدة

ما شاء الله عليك

قصيدة جميلة

ولاهنت
ـــــــــــــــــــــــــ ــــــ
أخوكـ/خالد
[/align]

[خيالات الشعر]

الحـب مـا هـو مــزح والا ألعـوبـه
والا يجـي فـي القلـب دون أسبـابـي
واللي سأل صنـع الغـلا وش هـو بـه
أقـول لــه هــو قــدرة الوهّـابـي
وإن كـان شفـتـي دنيـتـك مقلـوبـه
شوفـي سمـاي اليـوم فـوق تـرابـي



الله درك ابو عبد الرحمن

صح السانك مليار ولايكفوون


تقبل تقديري واحترامي

[طلال سويعد]

أبو عبدالرحمن


صح لساااانك

ماشاء الله قصيدة غزلية روووعه من شاعر أروع ..

ويعطيك ألف ألف عافية

[عبد الرحمن مازن العطاوي]

[align=center]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

صعبـه أحبـك واتــرك المحبـوبـه=وصعبـه أبـدّل فـي الغـرام أحبـابـي
اللـي يـبـدّل كــل يــومٍ ثـوبـه=يصبـح عليـه الصبـح دون ثيـابـي
ولا تحسبين الحب (( نسـج اكذوبـه ))=مانيـب أحــب الخـايـن الكـذّابـي
الحـب مـا هـو مـزح والا ألعـوبـه=والا يجـي فـي القلـب دون أسبـابـي
واللي سأل صنع الغـلا وش هـو بـه=أقـول لـه هــو قــدرة الوهّـابـي
وإن كـان شفتـي دنيـتـك مقلـوبـه=شوفـي سمـاي اليـوم فـوق ترابـي
اللـي هوتـنـي حكيـهـا أعجـوبـه=لو قلت فيها الشعر مـات أصحابـي !!!
والشعـر فيهـا جـرّ لـه مسحـوبـه=واطلـق عنانـه ,, واستبـاح اتعابـي
والقلـب غـيّـر لاجلـهـا أسلـوبـه= أول ذكـي والحيـن أنـا متغـابـي !!!
مـا همّـهـا لا صــارت المغلـوبـه= لا صرت أنا الغالب فهـي ترضـى بـي
مــا كنّـهـا الا للقـمـر منسـوبـه=حتـى القمـر مـن زينهـا يرتـابـي
ودايم علـى ( أرض الغـلا ) مطلوبـه= صـارت هـي العنـوان لاسـم كتابـي
وهـي ذوقتنـي النظـرة المشـروبـه=مــا ذاقـهـا مـتـزوج وعـزّابـي
وروحـي لهـا منـحـازه ومجـذوبـه=وامـوت انـا فـي حسنهـا الجـذّابـي
والقلـب عـاف اللـي يقـرّب صوبـه=ما غيرها من البيـض تدخـل بابـي !!
بنَت لهـا فـي الصـدر طوبـه طوبـه=قصـرٍ رفـيـعٍ عـالـي المرقـابـي
يرخـص لهـا العالـم وكـل شعوبـه=فـي عينهـا تغيـب الـمـلا بغيـابـي
وتـذوب فينـي ,, لبّـى قلـب الذوبـه=مـا تـدري إنـي لا طـرت منسـابـي
ولا جيتـهـا وعمامـتـي معصـوبـه=تقول لـي يـا ( بعـد حـيّ ) اقرابـي
وكلمـة ( احبـك ) شفتهـا مكتـوبـه=في عينها اللـي ريحّـت لـي اعصابـي
نوبـه تزاعلنـي ,, وترضـى نـوبـه=واذوووب ,, لا قالت : (( حبيبي ما بي ))
والحـرف لا مـن قالـتـه بعـذوبـه=جتهـا حروفـي كلهـا فـي اسـرابـي
ما هـو ربـا فـي حروفـي المطنوبـه=أدري بــأن الله يـــذمّ الـرابــي
لكـن كـذا روحـي بـهـا مسلـوبـه=مكانهـا بالضبـط تحـت أهـدابـي !!
ولا مـن حكـت بالهمسـة المحسوبـه=أضيـع أنـا فـي ثغـرهـا العنّـابـي
والحـي لا صــارت تـمـرّ دروبــه=تسبـي النظـر وتكسّـر الارقـابـي !!
فـإن كانهـا فـي مشيهـا موهـوبـه=وش حيلتـي لا صـرت انـا منصابـي
ولـو ردنّـي عنهـا الزمـن وحروبـه=لعيونها لو صرت أنـا (( إرهابـي )) !!
لاقطـع لهـا دروب العنـا المركـوبـه=وإن قصّرت رجلـي ,, لاجيهـا حابـي
عـذروب قلبـي مـا لقـوا عـذروبـه=إلا إنهـا نـالـت جمـيـع إعجـابـي
ويا اللـي تقوليـن : اتـرك المحبوبـه=مهوب انا اللـي ابيـع اغلـى أحبابـي
[/poem]

ابو عبدالرحمن نهج خاص وإبداع غير
صح لسانك ملاييين ولاهنت
تحيتي لك

.
.[/align]

[محمد نايف العتيبي]

.


.


الله الله



الغالي : ابو عبدالرحمن


انت لك اسلوب خاص تمتلك فيه الجزاله والمفردات


لله درك وبيض الله وجهك مبدع يالطيب



صح لسااااااااانك لاهنت




دمت بخير


محمد بن نايف

[شاعرة نجد]

صعبـه أحـبـك واتــرك المحبـوبـه
وصعبـه أبـدّل فـي الغـرام أحبـابـي
الـلـي يـبـدّل كــل يــومٍ ثـوبـه
يصبـح عليـه الصـبـح دون ثيـابـي
ولا تحسبين الحب (( نسـج اكذوبـه ))
مانـيـب أحــب الخـايـن الكـذّابـي


صح الله لسانك أخوي

ولاهنت على هالعذبه والرااائعه

قصيدة تفوووق الخيال يا أبو عبد الرحمن

تقديري لبوحك العذب’,,

[فخر أهلها]

[align=center]ابو عبدالرحمن

صح لساانك @ صح لسانك @ صح لساانك

الى يوم الدين

ابدعت وامتعت

قصيده اكثر من رائعه

وبكل امانه قرأتها اكثر من مره وانا مبتسمه

لافض فوك ولك اعذب تحيه[/align]

[نايف عبدالله العتيبي]

أبو عبدالرحمن

:

أكتفي بـ تسجيل أعجابي

وسـ أكون هنا دائماً لان نصونك لا تُمل

صح لسانك

أخوك

[محمد الروقي]

الحب شر يابو عبد الرحمن مير خلها على الله

صح لساااااااااانك لين تشبع ونت لا تشبع خلني ارددها

لعيونك دمت بود

[فايز ماجد]

نوبـه تزاعلنـي ,, وتـرضـى نـوبـه
واذوووب ,, لا قالت : (( حبيبي ما بي ))


اجل مابي


لا واعذابي ههههههههههههههههههههههههه هههههههه

ولا واهجادي ههههههههههههههههههههههههه هههههههه


ياخوك من بيتك رحنا فيها وهي مستوردة الكلمة

كيف الاصل من المصنع

الحقيقة ان هالقصيدة

ماهي مستغربة منك كونك مدرسة شعر

بحد ذاتها وشهادتي بك من جروحه من سنيييين

صح لسانك ياسعد

تحيتي لك