السلام عليكم ورحمة الله:
أخواني اعضاء المنتدى
قرر احد الاصدقاء ان يبيع إبله ويشتري غنم وعذره في ذاك ان الغنم افضل من الناحيه الماديه وأهل الماشيه يعرفون مااعني
وطلب رأيي وأشترط ان اكتبه في قصيده
وأجبته بالقصيده التاليه:
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه حل التفاكير مفقود=لاوالله الا حلها مستحيله
من يوم كلن صار ناقد ومنقود=وش عاد خلو للعقول الثقيله
راع الغنم ماهو مثل راعي الذود=الذود وسمه شايل اسم القبيله
يكفيه وسمن فاوسط الخد مرجود=وسم العوارض يوم جاتك تشيله
والله ماخلي هوى الذود ياكود=ادفن بقبري مع ثيابن قليله
البل مقصد راعي الطيب والجود=مقصد رجالن ترتقي للطويله
واكبر دليلن بين الايات موجود=افتح كتاب الله وتلقى دليله
اختصهن ربن من الناس معبود=وانعم عليهن بالوصوف الجميله
الورع يعشقهن ويعشقهن العود=عشق الخليل اللي يحشم خليله
تنقاد فيدين الرياجيل وتقود=اقلوبهم قود الحليل لحليه
والله لو ماني من الوقت محدود=لاحطهن ميتين عفرى جزيله
واعيالهن مابين حقه ومفرود=واحوار تحت امه يدور عميله
وابوهن اللي بالتواصيف مفرود=سوامه اللي مالقى فيه حيله
واتبع سحابن جابله برق ورعود=من فوق جيبن تو جابه وكيله
اليا مشى كنه من القوم مطرود=واليا وقف كنه يحامي دخيله
فكسار ماهو جيب نيسان وفرود=فالفين والسبعه مصدر مديله
وخمسه من العمال سودان وهنود=بالمال مالها عندنا من جميله
في ديرتن نسناسها ريحة العود=ريحة نفلها مالقينا مثيله
لاشبك يردعهن ولاحبل وقيود=فارضن عن ادراج القدم مستقيله
هذا هوى اللي له القلب مجهود=عفرن تسر الخاطر وتستميله
من حب شيبابي لها صارت تزود=في نظرتي عشقن ولاابغى بديله[/poem]
رد مع اقتباس
المشاركة الأصلية كتبت بواسطة احمدالعارضي
