سؤال عن بطاقات فيزا الراجحي

[عزف المشاعر]

بسم الله

السلام عليكم ورحمة الله


اليوم كنت في بنك الراجحي علشان اودع مبلغ في حسابي


المهم الموظف قالي انت موظف ؟

قلت ايه

قال معك بطاقة فيزا ؟

قلت لا


قال تراها حلوه
ومجانية بدون رسوم

عاد جاء واحد ثاني بجمبي وقاله نفس الكلام

بس اللي بجبني سأل الموظف سؤال
قال هي جائزة شرعا ؟

قال ايه والشيخ الفوزان قال جائزة



عاد انا جيت للنت وبحثت

ولقيت الشيخ العصيمي يقول انها جائزة ومافيها حرج



المهم

بطاقة فيزا هذي

هل صحيح نستفيد منها؟

او انها عكس؟

لااني قدمت عليها خخخخخخخ ولا ادري هي وشوله


اللي عنده خبره الله لايهينه لايبخل علينا




ودمتم بود


مانستغني عنكم

[مبـــارك]

عزف المشاعر



تبي نصيحة اخو مجرب ..افتك منها باللي تقدر عليه


انا جربتها اخذت ماستر كارد والله اني اسدد فيها واكلمهم بعد سنة ولا نقس من المبلغ المدين شئ يعني إذا محتاج فلوس خذ قرض اصرف


والله يفكك منها كلها


مجرد نصيحة


تحيــاتي لك

[عزف المشاعر]

انا جربتها اخذت ماستر كارد والله اني اسدد فيها واكلمهم بعد سنة ولا نقس من المبلغ المدين شئ

اشكرك اخوي مبارك

على سرعة تجاوبك

بس انت ياخوي تقول
اسدد فيها واكلمهم بعد سنة ولانقص من المبلغ المدين شي


وش تسدد ؟

واصلا وش طريقة هالبطاقة

يعني البنك ياخذون مني فلوس
او حنا اللي ناخذ منهم ؟





شاكر لك ومقدر

دمت بود

[عزف المشاعر]

؟؟؟؟؟؟؟؟؟؟؟

ليه تم نقل الموضوع الى قسم الترحيب والاستقبال ؟؟؟



خخخخخخخخخخ

الظاهر تبون الفكه منه ؟!!!!



<<<<< الى الحين ما يدري ليه

[@الخياله@]

وعليك السلام والرحمة

<<< داخلة خطأ

بس من جد استغربت نقله

من العام لقسم الترحيب

حيااااك الله أخوي

بأي قسم

وانشالله تلقى من يفيدك

وبالتوفيق لك

.
.
.

أختكـ الخياله

[محمد الدغيري]

بطاقه فيزا الراجحي

بدون فؤائد

يقتصون منك بدايه كل شهر المبلغ


يعني الفايده الوحيده هي اول مره بتاخذ راتبين بعدين بتكون مدين لهم مع كل شهر ينزل راتبك تسحبونه وتسحب منها بمقدار راتبك


هذا ما اعرفه عنها

[عزف المشاعر]

شاكر لك اخوي محمد الدغيري

وبإنتظار المزيد ممن يفيدنا ويفيد الجميع



خلونا نطلع شوي على وجه الدنيا هع


( إلى الحين
اللي فهمته من الموضوع
انهم يعطوني مبلغ يساوي راتبي << من كثر هالراتب كنه وجهي كككككككككك
وبعدين ياخذون مني كل شهر مبلغ من الراتب )

احس اني يالله افهم لاتلوموني
تراي ماحضرت خخخخخخخخخخخخخخخ

الحين ما الوم طلاب المدارس هع

دمتم بود

[محمد الدغيري]

ايه يا الغالي كذا هي

وتسحب منهم انت الشهر البعده

وهلم جر

بدون فايد نهائياً


الفايده الوحيده اول مره بتكسب راتبين دفعه واحده

بس

[خــــالـــــد]

[align=center]
حسب علمي ..
إن فيزا الراجحي , تعطيهم مبلغ مثلاً ( 20.000 ريال ) ويعطونك البطاقة .. وتسحب أنت على كيفك من الـ 20.000 ريال !

وفايدة الفيزا لـ التعامل في خارج الدولة , أو لـ شراء بعض السلع من الإنترنت



طريقة بنك الراجحي تختلف عن باقي البنوك .. !

ونصيحتي قد ما تقدر تبتعد عن البطاقات ووجع الراس .. ابعد !
لأنهم ما يسوون شيء لـ الله !
[/align]

[دفء البوح]

خذ العلم الوكاد عن بطاقة فيزا الراجحي

طبعا يعطونك بطاقة ويضعون فيها مبلغ بما يساوي 75 % من راتبك الذي ينزل لك بالصراف

طبعا تقدر تسحب منها كاش وتقدر تشتري منها

اذا سحبت منها البنك ياخذ منك على كل سحبه مبلغ 15 ريال

يعني لو سحبت منها 2000 ريال . البنك يسترد منك هذا المبلغ 2015 ريال

ودائما البنك يسترد منك المبلغ يوم 15 من كل شهر ميلادي

اما اذا اشتريت منها فالبنك لاياخذ منك اي عموله

بمعنى لو اشتريت بـ 2000 فالبنك يسترد 2000 فقط

ودائما الاسترداد يكون يوم 15 من كل شهر ميلادي


اما بخصوص انها مجانيه فانها مجانيه فقط في السنه الاولى

اما السنه الثانيه والثالثه فياخذون منك مع بداية كل سنه مبلغ 200 ريال رسوم خدمه عن كل سنه

هذا مايخص بطاقة فيزا الراجحي


خالص تحياتي

[اللـــــيث]

نصيحة لوجة الله

انا صارت لي اللي صار لك قالو لي اول سنة مجانا ..

والغيتها قبل لا تنتهي السنة ... بس للاسف خذو مني الرسوم ...

وقدمت خطاب اني الغيتها قبل لا تنتهي الفترة ... والي الحين ما رجعو الفلوس ..

طبعا هذا الكلام من 4 سنوات وعليك الحساب ...

مضارها اكثر من منفعتها ... وانا اخوك ..

والرى الاول والاخير لك ...

[محمد الدغيري]

الليث

والله حركات

بس صادوكـ

هههههههههههههه


فكره حلوه

بس على الله ما ننصاد

[عزف المشاعر]

اهااااا والله شي حلو

اصلا انا راتبي ما ينزل على الحساب هع هع

يعني يبون يتوهقون بس الله يستر لايسحبوني ككككككككككك

اقول عساهم بس يهونون ولايعطوني هالبطاقة
لانهم مايفوتهم شي ويعرفون كم ينزل وكم يروح من هالحساب


!!!







شاكر لكم تعاونكم وسرعة تجاوبكم

دمتم فخرا للمنتدى