السلام عليكم ورحمة الله وبركاته..
ألف مبروك يا ملوك الشراكة الفخخمة مع طيران قطر .

ندخل للموضوع..
الكل يعرف إن جدول أهلينا في هالموسم صعب جداً والحمد لله لاعبينا رغم اللعب مع 2 من المنافسين عاللقب ما انهزم.
ومباراتنا الجاية أصعب بكثيرر من المباريات اللي لعبناها مع الهلال والشباب لأن النصر في وجهة نظري في هالموسم أفضل منهم بمراحل .

النصر تشكيلته الأساسية والإحتياطية كلهم بنفس المستوى كذلك احنا كمان ، ولكن اللي النصر متفوق علينا فيه هو الإنسجام بين اللاعبين اللي في النادي واللي بيرجعو من المنتخب .

أما أهلينا بعد رجوع الـ6 المنظمين للمنتخب واللي كلهم أساسيين في الفريق رح يقابلو لاعبين أمثال كردي وعبدالشافي وداني ، واللي يحتجلهم فترة ولعب مع بعض لكذا تمرين عشان يتأقلموا خاصة أسامه ومعتز مع شيفو والكردي ، لأهمية الخانة .
علماً بأن الوقت المتبقي على مباراة النصر من بعد ودية لبنان والمنتخب 3 أيام واللي أشوفها قليلة وغير كافية.

أثق في الله سبحانه وتعالى ثم في مستوى لاعبيننا وإنهم بيتخطو هذي المهمة الصعبة بأقل الأضرار ، ولذلك انا شخصياً إن مافاز الاهلي في المباراه الجاية تشجيعي له وحماسي معاه مارح يقل لأني أشجع الاهلي عن قناعة .

باقي نقطة أخيرة تصب في صالحنا إن شاء الله شرط تفعيلها ، تقسيم الملعب بيكون 50 ألف للأهلي و 12 ألف للنصر ، وتفعيلها يكمن بتواجد 50 ألف مجنون في المدرج .
وإن شاء الله احنا لها ..