[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاشفت فقلوب العرب ضيقه وحسره وإكتئاب=قلت اقرو الايات ولا روحو لشيخ العرب
وان شفت فعقول العرب خفه وخله واضطراب=اقفيت عنهم والسبب ماهمني ذكر السبب
واليا سمعت امن العرب كلمة حقاره واغتياب=قلت الله اكبر ياعرب والعذر حامض ياعنب
من خلقت الدنيا وحنا قد خلقنا من تراب=مير التراب اشكال يعني به نحاس وبه ذهب
يابوم لو تكفخ على متن السما ماانت العقاب=والله لتبطي مارقيت الضلع يامال التعب
ياذا الزمن فيك انحرافه واختلافه وانقلاب=وانا اشهد انك من عجايب في عجايب في عجب
ازريت امشيها كذا من دون تحقيق وحساب=ازريت امشيها كذا والراس مايرجع ذنب
من خلقتي ماطحت لو تدحمني امتون الصعاب=من دون ميقافي وانا دايم مغلق فالطلب
من خلقتي ماقد حسبت احساب لانياب الذياب=وان كشرت كشرت واللي يحمي الموقف غلب
القافله تمشي وخلف القافله تنبح كلاب=تبت يدين الخايب المقرود تب(ن) فوق تب
اللي يدق الباب يلقى عند ابن عارض جواب=واللي تشب النار في صدره نزود له حطب
الشعر انا دايم معديبه على رووس الهضاب=ولاني مسويبه سوات اللي يشيلون القرب
الشعر ميراث العرب والورث من عين الصواب=وانا ورثته ورث خال وورث عم وورث أب
اليا دعاني لازمي شديت فضهور الركاب=واصعب صعيبه تنحني بالطيب ولا بالغصب
لديت يم الغار وان الغار به حيه وداب=وعقيرب(ن) تومي وحاديها سموم(ن) من لهب
وطيت راس الداب والحيه وكشر كل ناب=ولا العقيرب خنعت فالجحر والحاسب حسب
والسهله اللي فأسفل الضلعان غاشيها الضباب=احدن جلس واحدن وقف واحدن نجح واحدن رسب
وانا لحالي وآتمشى والمس كفوف السحاب=من دون نقص(ن) فالرجال اللي يفكون النشب
يابنت ياللي غضتي الترفات تلعات الرقاب=فلي شعرك وميلي بعودك وفزيلي طرب
ان كان مابانت فعولي فالحضور وفالغياب=احسن لي امشي بين خلق الله وانا مالي شنب[/poem]
رد مع اقتباس
المشاركة الأصلية كتبت بواسطة احمدالعارضي
