السلام عليكم يازعماء ؛ مبروك التأهل للنهائي الحلم وععقبال الكأس ياارب !

عندي كلام يقرقع في ققلبي ؛ كل ماأدخل الشبكة أو تويتر أو أي موقع آخر اشوف بعض الهلاليين ( والمشكلة بعضهم إعلاميين ) ينزلون أخبار عن صحف إسترالية تشيد بالهلال وإن الهلال الأول فالقاره والمرشح للبطولة ومن هالكلام !!

يانااااااس اصحوا ! #تخديييييييييير

صحيح الهلال تاريخه (القاري) محد يطمسه فترة التسعينات وبداية الألفية !
أما من بعد هالفترة ترا حنا صفر عالشمال!
حنا على مستوى القاره من عام 2002 وحتى هالعام ترانا ( لا شيء ) ! زيّنا زي أي فريق ثاني

إذا استمرينا بنشر إشادات صحف إستراليا
والإستهانة بفريق ويسترن سيدني فقولوا على "الكأس" سلاما !

من 2002 وحنا نبي نوصل النهائي ماقدرنا ، ويسترن سيدني تأسس 2012 و وصل النهائي 2014 ! هذا يعطيك دلالة على قوة الفريق الإسترالي ؛ أصلاً يكفيك تشوف سيدني مَن أقصى من الأدوار النهائية ؟ ( جوانزو "المرشح الأول للبطولة وحامل اللقب + سيؤول بطل كوريا و وصيف البطولة ) !

أنا من ناحيتي أثق بفريقي لكن يبقى ويسترن سيدني المرشح الأول للبطولة ..

وإذا تبون الهلال يحقق البطولة بسّكم إستهانة بسيدني ! حسّسوا اللعيبه انهم يلعبون قدام فريق أقوى من الهلال وبتشوفون اللي يرضيكم !

أحدهم يقول :

لا نحتاج لِمَديحِ احد
ولا نقدٍ من احد
تخديرٌ ونفخٌ سلبي في منعطفٍ أخير ماهو الا وسيلة لكبح جماح الزعيم !

كتبت الموضوع على عجاله وآسف عالإطاله