مدحت ابو غريب ولا زلت مديون .. مديون اله بالطيب من كل ميله

[ناجي الصقار]

.

في مدح
ابو غريب العبدلي
فيديو القصيدة بدون موسيقى
‫الشاعر ناجي الصقار مدح ابو غريب العبدلي‬‎ - YouTube

مدحت ابو غريب ولا زلت مديون .. مديون إله بالطيب من كل ميله
وبيحت له من خاطري كل مكنون ...... ولا وفيته ما يساوي جميله

مليون مره لو مدحته ومليون ......... كل القصايد في مقامه قليله
للضيف حاتم بالوصف مثله ودون ....... ولّى زمانه والنجادي بديله

ما يعرف المنه وانا منه ممنون ....... من يوم واعدني بمهره أصيله
كنه بطيبة نفس ملّكني الكون ... وما اخلف معي ما بين يومٍ وليله

واخوي ابو غريب له الخلق يسعون..يقضي لهم حاجات لو مستحيله
للعبدلي نسل النجادي ينادون ...... راعي المكارم والكرم والفضيله

مشكور يامن كان لي مسند وعون..والضيف عنده صعب يخلي سبيله
ومن لاذ في جاله ولا يمكن يهون..ومن ضاق فيه الكون هو ينتخي له

له في دواوين العرب شعر ولحون ... وبين القبايل ينحسب عن قبيله
ويا من يوصله من المدح عربون ...... مني ويشرب من نبع سلسبيله

.
القصيدة الثالثة
[IMG][img]http://im64.********************************************/shczsw.png[/img][/IMG]
.
القصيدة الثانية
[IMG][img]http://im64.********************************************/TX25bu.png[/img][/IMG]
.
القصيدة الأولى
[IMG][img]http://im64.********************************************/0ZoMB8.png[/img][/IMG]

.

.