مرحبتين والباقي عليكم ...
الله يسامح يوم في حقي أخطيت
والا أنا ما أسامح الدهر كله
ما أسامحك يوم أنت عني تخليت
عذبتني يا زين من دون زله
خلني بزيدك من الشعر بيت
حلفت ما أنسى لين دمعك تهله
تقول سامحني وأنا أقول يا ليت
مع السلامه روح ما ارضى المذله
غلطة زماني يوم طعتك و حبيت
صارت حياتي دون شوفك ممله
اخلصت لك عهدي و شوقي و داريت
صدقت قلبي فيك الله يشله
انسيتني و الا انت يعني تناسيت
معقول يرجع كل شي بمحله!!
خذ ذكرياتك بس من الحب مليت
الحفظ لك واللي تغليه غله
***_?ـ?¯?¯?¯-~*'¨¯¨'*·~-?¯?¯ـ?_***
اوعديني .. يا وجه القمر ..
ان وجهك ما ينطفي .. ليله ..
أوعديني .. يا عطر الزهر ..
ان عطرك ما يختفي .. ليله ..
المحبّه .. يا عذب المطر ..
من عذبك ما تكتفي .. ليله ..
عندها ..
كل بسمات الأمل .. تصافحك ..
و عندها ..
كل نظرات الفرح .. تصارحك ..
و عندها ..
عيني بعينك ..
نذكر مواعيد الهوى ..
وقلبي بقلبك ..
نحيا على الفرحه سوا ..
و اكيد اسامحك ..
***_?ـ?¯?¯?¯-~*'¨¯¨'*·~-?¯?¯ـ?_***
رح الله يسامحك مابي عذر منك ولا تبرير
انا بنساك من قلبي وبيك اليوم تنساني
تراه احسن لنا نذكر بعضنا دايم بخير
ابلقى من يقدرني وتلقى واحد ثاني
ابد ما كان في بالي ماصار يوم يصير
ولا ظنيتك اتكون الطريق لهمي واحزاني
حسبتك غير ولكني ندمت اني حسبتك غير
رسمتك صوره حلوه ابكل احساسي ووجداني
قسيت وكانت القسوة تفوق الوصف والتصوير
اعاني منك واعاني واعاني منك واعاني
مصيرك يوم تتندم على الاخلاص والتقدير
وتذكرني بعد مدة وتعيش بدون حرماني
وانا اعيش بلا دمعة بلا لوعه بلا تأ ثير
ولا يطري لي اعتابك ولا تطري على لساني
رح الله يسامحك ما عاد باقي وقت للتفكير
يجي لك يوم تعرف فيه من يندم على الثاني
***_?ـ?¯?¯?¯-~*'¨¯¨'*·~-?¯?¯ـ?_***
هجير البعد .. حرق لي عيون الأمل ..
و صقيع البعد .. ظلام ٍ وبرد ٍ وخوف ..
تعالي شوفي .. حالي فـ الكفوف ..
شوفي عيوني في غيابك ما بقت فيها طيوف ..
الا طيوفك انتي ..
شوفي حروفي يوم شفتك ما بقت فيها حروف ..
الا عتابك انتي ..
عيوني تسألك .. حروفي تسألك ..
وين كنتي .. كانت رموشك فـ الهجير ..
أكبر ظلال ..
كيف رحتي .. كانت أحضانك فـ الصقيع ..
ادفا مجال ..
محال اسامحك محال ..
الله يسامحك ..
***_?ـ?¯?¯?¯-~*'¨¯¨'*·~-?¯?¯ـ?_***
جرح المحبه ماتداويه الايام
لامن جرحني صاحبي وش بقالي
لاصار اعز الناس بيزيدك الالام
من ترتجي ياقلب تشكيه حالي؟؟
عزي لقلب دايم الدوم منضام
ماشاف بالدنيا رفيق موالي
اصبر على جرحي واداويه باوهام
والقلب لازادت همومه شكالي
ياحظ من مثلك هنا العمر له دام
ياحظ من هو قاسي مايبالي
دمعه ورا دمعه ولاحزان قدام
والحب كلمه عشتها في خيالي
***_?ـ?¯?¯?¯-~*'¨¯¨'*·~-?¯?¯ـ?_***
الله يسامحك ..
على ليل الغياب ..
ودّي اسامحك ..
وعيّا جمر العذاب ..
نجوم ليلي ما بقى الا عددها ..
و جمرة خفوقي ما بقى الا رمدها ..
لين انا صرت اشوفك ..
في عيوني سراب ..
الله يسامحك ..
***_?ـ?¯?¯?¯-~*'¨¯¨'*·~-?¯?¯ـ?_***
الله يسامحك في تقفيل جوالك
في عز ضيقي لقيتك نايمه عيونك
منهو بعد بعدي صار في بالك
من عقب ماني اموت الليل لعيونك
يومك طلبت الغلا قلت الغلا جالك
واصبحت خلك وصار القلب مجنونك
في ذمتي ما هقيت القلب يصفى لك
لين اتضح غلاك وصرت مجنونك
شغل جهازك وعيش الجو بلحالك
بلقى بدالك وتلقى من يهمونك
ماني بضايق على تقفيل جوالك
في عز ضيقي لقييت اللى يسونك
***_?ـ?¯?¯?¯-~*'¨¯¨'*·~-?¯?¯ـ?_***
الله يسامح خطاك وغلطـة سنينـي
تموت الاحلام محـد حقـق آمالـه
هذا السهر له ثلاث شهور طاويني
النوم عفتـه وجفنـي مـا تهيالـه
يامن على جرحي الخافي يواسينـي
الجرح ينزف وقلبـي زاد غربالـه
من بعدها ضاق كل الكون في عيني
ياليتهـا طمنتنـي لـو برسـالـه
***_?ـ?¯?¯?¯-~*'¨¯¨'*·~-?¯?¯ـ?_***
الله يسامح طيفك حبيبتي ويبيحه
كل ماغفت عيني أقبل عجلن يصحيني
لا تركها تنام ولا هو رحمها من تباريحه
كنه سجان وقلبي اللي يحبه سجيني
إشتقت لك والمشاعر دونك جريحه
اسرها الغياب وحال بينك وبيني
اسلي قلبي بكذبتن من عقلي صريحه
إنك باكر على شط الوصل تحتريني
تعالي..ألا يانفحة الشوق المريحه
تعالي..بدموع الغلا أضمك وضميني
مشتاق لعطرك ياجوري باول تفتيحه
ضميان لنظرة الحب بعينك ترويني
عمري لعيونك النعس أعلن نزيحه
وحروف اسمك من بد الحروف تغريني
لكــــــــم حبي
رد مع اقتباس
المشاركة الأصلية كتبت بواسطة ناصر الراشد
[/align]
-new.gif)
