/
/
/
سهرة جميلة وومعتة
سنحلق فيها
في عالم غني وخصب بالجمال
في عالم متناغم
يملؤه الاحساس الجميل
والروح الشاعرية
بكلماته التي تتسلل إلى الشريان
بمزيج من الحالات عبقه بشتى الألوان
إنهـ عالم
ܓܨܓ أحمد مناحي الشمري ܓܨܓ
صاحب القلم الانيق
والحرف المتالق
والمعنى العميق
لن أزيد على ذلك
/
/
/
فله الكثير من القصائد العذبة
التي تحمل شتى الاحاسيس
قلمٌ محنّك بالبلاغه
,,,,
فمن الغيرة على هذا الدين والدفاع عن سيد الانبياء والمرسلين
نتنقل بين عذابات الحب وآهات البين والغرام ,,
اخترت لكم بعضاً من هذا الجمال
مع امنيات عذبة بقضاء اجمل الأوقات في أروقة أحمد
أسراب من الجمال حلقت في عالم الخيال ...
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
اضحك وأنا مالي من الضحك غيراني=أكافـح بضحكتـي نظـرات عذالـي
لـو يملكـون الدليـل لمـا يظنونـه=ممـا يسـوون عزالـك وعـزالـي
تظهر بوجهي معالم ضيقـة الخاطـر=وان قالوا الحال قلت يسركـم حالـي
أيه أتجمل وأكابـر وأجحـد همومـي=واطمس دليـل انهيـاري بالتبهلالـي
وش حيلتي وألسن العذال مـا ترحـم=وأنت الله يسامحك مدري وش التالي[/poem]
تطاولت الدنمارك على نبي هذه الأمة ,, فلم يسكت شاعرنا وأشتعلت احاسيسه غضباً ,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
ويـن غيرتنـا وشيمتنـا وواقعنـا المريـر=على مرآى العين منا يسخـرون مـن النبـي
كيف بالله في رسـول الله يسـوى كاركتيـر=استفيقـي ياقلـوب يـا عقـول استوعبـي
الرسول المصطفى محمـد الهـادي البشيـر=اجتـبـاه الله يــوم اراد مـنـا يجتـبـي
في جبين امتنا وصمة عار يقراهـا الضريـر=وان سكتنا نجمنا بادي مـع الوقـت يخبـي
كل موقـف يتخـذ محفـوظ والخيّـر يشيـر=ياتواريـخ احفظيـه وياسـجـلات اكتـبـي
كيف نرجيه الشفاعه لاغدى الموقف عسيـر=لا سألنا وش عملتوا في حقير(ن)ضحك بي ؟؟[/poem]
عضة وعبرة هي نتاج خبرة يهديها لنا ,,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
لن الحياه بكل مافيهـا هـي دروس وعبـر=من تضربه ولا اعتبر ترجع اليـه وتضربـه
ماللمصايب قالوا اهل المعرفه غيـر الصبـر=والصبر لادراك الفرج اول سبيلـه واقربـه
لو صارت الدنيا علينا مثـل فتحـات الابـر=حزامنا بالله على صعـاب المواقـف نكربـه
ليه نتسابق بالمـلام وننـدب الحـظ الغبـر=ليه نتقهوى بن دله هـي اساسـا مسربـه
المسأله تحتاج وقفه مـن طويليـن الشبـر=اللي على صعاب الدروب اقدامهم مستدربـه[/poem]
حروفٍ رائعة من نبضات عاشق,,,يكسوها الجمال بكامل الحلل من تدفق الأحاسيس الجارفه,,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
ان قلتي صح لسانك اشوش واروق=وارقـص القيفـان بينـك وبينـي
ما كني الا اسكر من الزوم وافـوق=حالـه مـن اللاتـزان تغشيـنـي
والعب بحسبة كل طاروق مطـروق=حسب طلبي غصب(ن)عليها تجيني
ويمكن اسوي طرق ماهو بمسبوق=اجمع بسيط وحـر يطلـع هجينـي
واخلـي الشعـار لعيونـك حلـوق=اطلق شنب بالشعر ماهـو بعينـي
[/poem]
نص يعلن فيها جام غضبة من حال أمتنا المنهزم والمتخاذل عن النصرة ,,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
يالله ياعالـم خفـى كـل مكـنـون=يامبتلـي عبـده بـقـو امتحـانـه
ياوامر(ن)وامره على الكاف والنـون=يـك استعانـه طالـب الاستعـانـه
انت الرجا فيك الرجا منك مضمـون=ياعون عبدك وان غدر بـه زمانـه
نشكي عليك احوالنـا دون مـن دون=صرنا علـى تاريـخ الامـه مهانـه
وليا حصل من ينشد العلـم وشلـون=عندي علـى مااقـول ثبـت وبيانـه
وشلون يدخل مسجد القدس شـارون=يـزرا بتاريخـه ويـهـزا بكيـانـه
القدس تعبث به شياطيـن صهيـون=تدنـس ترابـه وتـنـزع امـانـه
وحنا ثلاث اميـه بالاعـداد مليـون=ولامنا مـن هـزه مـرارة اخوانـه[/poem]
سطر لنا يراعه من الآحاسيس أجملها وعاد بنا للماضي والوقوف بالأطلال ومناجاة المحبوب ,,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
يامنزل الاحبـاب مسيـت بالخيـر=بالقلب علا عالي الشـان منزلـك
والله لو عنـك حدتنـي المقاديـر=لاتحسب اني مع قسى وقتي ازهلك
اقطع على شانك طـوال المشاويـر=واسوق رجلي لاجل خاطرك واصلك
من حيث لك حشمه وقيمه وتقديـر=غلاك مالكنـي وانـا للغـلا ملـك
ابحث لاجل مـرة ديـارك معاذيـر=يقتادني لك من سلوك الغـلا سلـك
تطري علي واجيك من غير تفكيـر=لين آقف بجالـك واقـوم اتآملـك[/poem]
نص مبكي تختنق معه العبرات ,,, وكلمات يستحق التأمل ,,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
يضيق بي من ضيقة الخاطر البيـت=واسج رجلي مير مـن غيـر يمـه
ياليتهـا فيهـا فـرج يـوم سجيـت=هنيت من ينسـى ليـا سـج همـه
الفكر مركب تاه فـي بحـر تشتيـت=موج (ن)يحول بـه وموج(ن)يزمـه
سبب ضما الواقـع وحـر التناهيـت=قمت اعتبر سـراب الاحـلام جمـه
كم قلت ليـت وكثـر ماقلـت مليـت=تعبت اطش الحلـم وارجـع والمـه
لان نـاتـج ماحلـمـت وتمنـيـت=اطيـر مـن غمـه واوقـع بغـمـه[/poem]
المعادلة الصعبة ,,, فمن لا إحساس ولا ضمير له لا حاجة لوجوده ,,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
لا اصبح الحب الوسيله في سبيل اشياء غير=عن هذا النوع اتحدث والهوى واجد انـواع
مايشـوم الا العزيـز ولا يتـم الا الحقيـر=ولايطيح الا الذليـل ولايقـوم الا الشجـاع
والله ان الربح في فرقا عديميـن الضميـر=احسب اللي ماحسب لرضاك من سقط المتاع
جملك ربي على هالعـزف منقطـع النظيـر=ونة الكيبورد سالت لاجلها دمـوع اليـراع[/poem]
نبع رقراق يسيل في جداول أوردتنا,,,ليصل إلينا عذب نقي يروي مشاعرنا,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
مبطي غلاهـا بالخفـوق ولا يـزال=ويبطي مع كل حول في عمري يحول
تامـر علـي وانـا علـي الامتثـال=مالي على عصيانهـا قـوة وحـول
تفرض علي واقول تم بطيـب بـال=تملكت قلب المعنـى عـرض طـول
صدق الهوى طوع صناديد الرجـال=وياما كسر سطوة زحازيح (ن) زحول
السيطره عليـه شـي مـن المحـال=عقد (ن) ولو طال الزمن ماله حلـول
ماياقف بحـد الحـرام مـن الحـلال=لين يتجاوز خـط ممنـوع الدخـول[/poem]
الأصدقاء ,,أن جرحوا ,, أو خانوا ,,, فجرحهم يخترق الفؤاد ويتسلل لصميم القلب ,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
سويت لـك مسرحيـه بـس ياشبلـي=روايـتـك مايناسبـنـي تصـورهـا
وصمتي مايحسب علي ياخبل يحسب لي=مشيتهـا لــك ولـكـن لاتكـررهـا
اجمع لعوب الغبي واختار الانسب لـي=حسـب مزاجـي اوقفهـا وامـررهـا
اراد ربي علـى بعـد النظـر جبلـي=عقـول واجـد اوزنـهـا واعبـرهـا
يعني مثل قـول شاعـر قالهـا قبلـي=انـا علـى الطايـر افهمهـا اطيرهـا[/poem]
,,,حيـن تجـرح مشاعرك في الحاضر,,فلن تكون لحلاوة الكلمة في الماضي أي معنى,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
ماني اعنك ياغايـة القلـب رغـاب=حارم علـي يمـة سـواك التفاتـي
اقولها وانـا ادري الوقـت غـلاب=كلمة اخيـره واحسبيهـا وصاتـي
اما فتحتـي لـي لمستقبلـي بـاب=ولا جعلـتـك خاتـمـة ذكريـاتـي[/poem]
الحب يأتي فجأة بلا مقدمات حتى لو كنت في درب سفر ,,,
فهو تلك الاجراس التي تجبرنا على سماعها هي فقط
ولا نصغي للاصوات اوتحذيرات اللي حولنا ,,,
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
صديق ممكن لو تكـرم دقيقـه=ممكن سؤال؟ وقال ممكن تكلـم
قلت الحفر من وين بالله طريقه=تراني بخطوط الريـاض اتعلـم
بدا يوصف مير يبسـت ريقـه=اقول بالله عيـد لـي ويتظلـم
مالي سوى تكرار وصفه طريقه=لاجل يتأخر لا استدليـت سلـم
وانا حقيقة مبتغـاي الحقيقـه=طارت عيوني بالقميص المقلـم
مااظهر بتأخيري لهنديه ضيقه=كن سهمي باقصى محانيه علـم[/poem]
نختم بهذا النص الشاعري جداً
[poem=font="Simplified Arabic,6,teal,normal,normal" bkcolor="white" bkimage="" border="outset,7,deeppink" type=2 line=0 align=center use=ex num="0,black"]
جيتك وانا كلي وفا واروح من عندك جريـح=ادخل على الله مايسويها من الناس اجـودي
مافيه داعي للمعاند واسمـع الـراي الفليـح=نصيحة (ن) عساك فيهـا تستنيـر وتهتـدي
لاتستحل حـدود حرمـات العبـاد وتستبيـح=ياخلف ميتـي يابعـد حيـي لا والله يابعـدي
انا ادري انه ماعلى الدنيا ضمير(ن) مستريح=حاولت امشيها معك واسايـرك قـدر جهـدي
لكنها عنـد النتيجـه مايصـح الا الصحيـح=دام اتفقت انته علي والوقت والحـظ الـردي[/poem]
الديوان التفاعلي لأحمد الشمري
،
رد مع اقتباس
