مساء الخير للجميع
اعتذر للجميع عن غيابي وانقطاعي خلال الاسابيع الماضيه وذلك لانشغالي وسفري خارج البلاد ومنتديات غرابيل منتدى الشعر الاصيل وتخرج منه شعار نراهم الان مشهورين اعلاميا
فاما غرابيل والا بلاش من المنتديات
هذه القصيده القيتها امام صاحب السمو الملكي الامير خالد بن محمد بن ناصر بن عبدالعزيز
عندما اتصل بي هاتفيا ودعاني لزيارته واليكم القصيده
سلام ياريف القرايب والاجناب
000000000000يابا المكارم والجناب الرحيبي
ومع السلام ابيات ياعرب الانساب
00000000000ابيات شعرٍ للمسامع تطيبي
يالنادر الي ماكرك راس مرقاب
00000000000طير الثلاث الي يصيد الرعيبي
نعم يابن محمد حجا كل منصاب
00000000000زوار بيتك مثل سيل الشعيبي
متقضبٍ من طيب محمد بمقضاب
000000000000وناصر وراه الي بعال الرقيبي
ال سعود موردة كل هياب
000000000000يردون والبارود غادٍ حطيبي
اهل تواريخٍ عتيقات واغراب
0000000000000يدري بها القاري ويدرى اللبيبي
ويالله يالي من ترجاك ماخاب
0000000000000انك لصادق دعوتي تستجيبي
انك تكافيهم صودايف الاسباب
0000000000000انت الرؤوف البر وانت المجيبي
تفتح لهم يوم المواجه مية باب
0000000000000عتايقٍ لك من حساب وحسيبي
ياناصرٍ عبدك على حشد الاحزاب
0000000000000في ماقفٍ هولٍ بيوم عصيبي
ماقلت نصابٍ ولانيب كذاب
0000000000000ولا اقول للنقاد قولٍ يريبي
يامير جارلي غرابيل واتعاب
0000000000000بلش بها العارف وحار الطبيبي
وعرضتها على مطاليق الاشناب
0000000000000وكلن تبرى من بعيد وقريبي
يلعبي الهاجوس مع كل هباب
0000000000000من شافني كني مدور ذهيبي
والعين كن الها عن النوم حراب
000000000000مدري مرافقها السهر من نصيبي
اسهر ولو اني مع احباب واقراب
000000000000معهم وكني يابن محمد غريبي
اشكي على خالد فكاك الانشاب
000000000000يومٍ اله وقفه برايٍ صليبي
مواقفٍ يفرح بها كل منصاب
00000000000يضرب على الكايد بعزمٍ رهيبي
يامير يومنك رهاوي بالاطلاب
00000000000افزع تراني من طعوني صويبي
انتم على نطح الصعيبات دراب
000000000000واهل السلوم ولاعليكم صعيبي
وانا جدايه عظ الابهام بالناب
0000000000000اهرف مع المرقاب واقنب قنيبي
سوات ذيبٍ تالي الليل قناب
000000000000افخت مع الملهاب درب العزيبي
انخاك دام النجم يامير ماغاب
000000000000الحق تراني مخطرٍ بالمغيبي
وصلو على من فضله رب الارباب
0000000000نبينا الي تابعه مايخيبي
وسلامتكم
رد مع اقتباس
المشاركة الأصلية كتبت بواسطة مضحي السميري
