][ تصوير خاص وحصري : الجنادرية 23 ][

[خــــالـــــد]

[align=center]
السلام عليكم
ـــــــــــــــــــــــــ ــــــ


أولاً .. الموضوع استغرق منّي 8 ساعات متواصلة تقريباً من أول ما نزلت الصور إلى الجهاز ورفعها وتعديلها بالفتوشوب ..

ثانياً .. يوجد في آخر الموضوع ( طرفة ) :مزون:

ثالثاً .. يوجد لدينا قصّ مفاتيح هههههههههه << دعابة


----------------------------


يوم الجمعة الماضية بـ تاريخ 7 مارس 2008م , زار وفد رسمي رفيع المستوى من منتديات غرابيل إلى مهرجان الجنادرية إثر دعوة تلقتها إدارة غرابيل من إدارة المهرجان :مزون: << بدأ النصب !

الوفد مكوّن من أربعة أشخاص وهم : ( ناصر الراشد - سـلـمان - طــلال ) .. يؤ باقي واحد ! أنا متأكد يوم وقفت في المحطة ( شريت لـ اللي معي 4 بيبســي ) باقي واحد لمين ياربي ؟؟
اييييه نسيت أنــا رابعهم
ومازن كان بيروح معنـا .. بس أنا صرفته وخليته يجلس في بيتهم !

انطلقنا بعد صلاة العصر مباشرةً متجهين إلى مقر الاحتفالات في الجنادرية 23 << بـ أنشب لكم ! وعندما وصلنا إلى المهرجـان وجدنا صعوبة في الحصول على موقف قريب من البوّابة .. << أمحق موكب يا خالد !
مم اضطرّنا أن نوقف السيارة في مكان بعيد عن البوابة وبدأنا نمشي على ( باص 11 ) << تعني على رجولنــا .. :واو:

ونحن عند البوابة .. أزعجنا ( طلال ) إلا يبي السوق الشعبي اللي خارج المهرجـان مدري كان يبغى يشتري بالونة أم صوت .. أو كورة .. أو بطاطس مقلي :مزون: نسيت بالضبط وش كان يبي .. لكن حلفت عليه ما يروح وسحبته مع شوشته معنـا وقلت تراك جاي من غرابيل رسمي .. يعني الثقالة زينة .. << عاد هو قاهرني خلقه لأنه نصراوي :واو:


-- // --

كان في استقبالنـا اثنين مجنّدين .. ومتحزمين ! خفنا منهم في البداية ولكن عرفنا إن البروتوكلات كذا .. والله يعين .. هذي بدايتها هههههههه




وبعدها وبينما كنا نمشي تحت الشمس .. لقينا فرقة أعتقد إنها من الطايف ! << مهوب أسلوب مازن أبد
لكنّ طقّهم والله ذكرني بـ ( جماهير الإتي )
وقفنا عندهم .. واختفوا خويانا اللي كانوا معنــا .. وكنا ندورهم ولقيناهم هنااا




-- // --

بعدها قال لنا واحد ادخلوا هـ الصــالة وفيها مناظر حلوة ..
جاء في بالي إننا بـ نلاقي ربيع ولا بـ نلاقي مطر .. ولا على الأقل بنـات
لكن أوّل ما دخلنـا ما عاد لقيت سلمــان يحسب إننا داخلين كهف .. وفيه جن
إليكم الصور :

اللبس الشعبي النجدي



الخياطة في منطقة القصيم :



الزواج عند أهل الجنوب :



زفة العرسان قديماً :

8
أشك إن الزفة أول يحطونها في المملكة أو الفيصلية .. بس يوم كانت طين ! :اموه:


العمدة عند أهل الحجـاز :

8
هذا أول ما شفته أول ما جاء على بالي ( Nanny ) مدري ليـه :مزون:


طريقة تدريس القرآن :



حيوانات محنّطة :

,,



-- // --

منظر في الاستقبـال :



-- // --
بعدها بدينا نلف بـ شكل سريع لـ المرور على أكبر قدر ممكن من الأماكن ..

الجلسة البدوية القديمة ..
الربابة .. النار .. الطير .. الجمل :








الناحت :





صناعة الحصير هنــا :








صناعة الطبـول :
اللي فيه زيران يا ( فوووووشي ) لا يشوف هـ الصورة :مزون:




هنا كيفية إخراج ( الماء ) :







سيارة قديمة من نوع ( Ford ) :


وهذي سيارة عيال النعمـة سابقاً :




دابغ الجلود ( وصانع الميزب ) :

هذا يستخدمونه سابقاً مثل السرير حالياً .. :مزون: من زين الأحلام أول ..


صانع الأحذية :



منطابة .. نطيبة .. نطابة .. صيّادة .. :
اختلف العلماء في اسمها الحقيقي :مزون: تستخدم سابقاً في صيد الحمام والعصافير في المزارع وفي الحارة .. لكن تعرفون حنّا من زمااان ومازلنا نستخدم كل شيء بالخطأ .. وكانوا يستخدمون هذي في ( رمي / حذف .. عيال الحارة اللي جمبنـا ) خخخخخخ ترى مانيب معهم .. لكن هم اللي كانوا يحذفون :مزون::مزون::مزون::مزون::مزون:




طريقة تدريس الطلاب سابقاً :
مع الممثل ( علي المدفع )



شوفوا الصورة هذي ..
نظرة البزر هذا مهيب عاجبتني .. شوفوا وين يناظر .. واللبيب بالإشارة ! :كلوش:




النوخذة , وكيف كانوا يصيدون في البحر :

8
دوّرت فوشي معهم مالقيتهـا


العكّة :
هذي تصنع من جلد الغنم أو الإبل أو البقر , تستخدم كـ حافظة لـ الماء / السمن / اللبن ..إلخ




بائع (ومصلح) البنادق :



الندّاف :
وهذا طول الله عماركم .. هو اللي يصنع المخدّات .. واللحف والبطانيـات أول من القطن !



الفضّة :
ما يشترى لـ الزينة , ذكرني بـ ألدو حق الإكسسوارات






الخناجـر :



السيوف :
رمز الأصالة ..



-- // --

توجهنا إلى جناح حائل .. حيث دعوة من الأخ ( فهد بن صالح ) بيّض الله وجهه
استضافنا في الجناح الخاص بـ حائل , وكرّمنا بـ القهوة والتمر والشاهي .. وخذينا جلسة عنده لمدّة 10 دقايق ..
وودعنا بـ طقّة سامريّة تحبها قلوبكم ..

:مزون:
مارقصت أبد .. !


-- // --


توجّهنا إلى جناح عسير ..
القلعة :



الخيّاط :



العرضة الشعبية الخاصة بـ عسير :




وأحب أودعكم بـ شبّة النار الجميلة عندما أظلم الظلام ( من جناح منطقة الباحة )



-- // --

للمعلوميّة :

لوحظ في المهرجان أننا مطاردين إعلامياً .. فقد حاولت الكثير من القنوات , ومنها قناة الـBBC الإخبارية الأمريكية , ووكالة الأنباء الفرنسية أن تجري معنا لقاءات لأننا مسؤولين في منتدى غرابيل .. ولكننا رفضنا قطعياً بأمر من الشيخ ( أبو عبدالرحمن ) بعدم الظهور إعلامياً .. لأننا لا نبحث عن الإعلام ... :واو:

إليكم الصورة :


وهذه :



هههههههههه طيب وين القنوات اللي ذكرتها يا خويلد ؟ّ!



أطرف موقف مرّ علينـا هو ..

إن طلال الله يهديه ويخليه لـ أهله .. بغى يورطنا مع ثنين كانوا بـ يصطرونـا , لكن زين لحق عليه ناصر الراشد في الرمق الأخير ..

طلال الله يصلحه .. شاف ثنين يمشون وعينه مانزلت منهم .. وهم مارّين يا غافلين لكم الله
شوي إلا الرجـــال قام يطردهم .. أنا قلت بخاطري عشششت يا طلااال .. يا قوي الراس ألحين بـ يكفخهم :مزون:

تدرون ليش طردهم ؟!

أنتوا شوفوا الصورة أوّل ..



هههههههههههههههههههه

طيب ليش طردهم ؟؟

ولما مسكه ناصر الراشد قال عسى ماشر وش مسوين لك .. وطلال للحين فاتح ثمه .. ومطيّر بوهته .. يقول سبحاان الله أوّل مرة بحياتي أشوف .... !


قلنا وش تشووووووووووووف ؟


وش اللي أول مرة تشووفه



قال أول مرة بحياتي أشوف سندباد يمشي .. !



----

أختتم الموضوع بـ هذه الصورة الجميلة , التي زيّنها الموحّد - رحمه الله -






ـــــــــــــــــــــــــ ــــــ
أخوكـ/خالد
[/align]

[يتم]

"

:) :) :)

8_8 8_8

يعطيك العافيه يا خالد
بصراحة ..شيء
ومجهود تشكر عليه
بجد رآئع

والشكر بعد إلى إليّ كانوا معك بالرحلة
طلال ..ناصر ..سلمان

ناني ..وفوشي:)

ربي يخليك ويطرح البركة فيك

أحترااااامي سيدي

ودِ

[إحساس الشرقية]

يعطيك ألف عافية على المجهود الكبير ياخالد

بصراحة سالفة الزيارة رهيبة وأهم شئ فيها سندباد هههههههههههه

[مرتاح البال]

اول شيء : اقدم شكري وتقديري للأخوان اللي راحو معك عشان يشترون كليجا بس خخخخ


على طاري الكليجا فيه شيء جديد والا نفسها الكبيرة ذيك اللي توجع الضروس ... ؟


والله الجنادرية هي هي ماتغير شيء <-- وش تبي يتغير الزبيرية والا العرضة .. !!!؟


اهنيك على الصور

عساك جبت لي كليجا !! ؟

<--- ناوي اروح اشتري كليجا واجي بس خخخخخخخ

موضوع مميز تسلم يابعد قلبي ولو اني زعلان عليك ما اخذتني معك <-- يقول اشوا انك ماقلت لي

[أسيــ الصمت ــر]

مشكووووور ياخالد وماقصرت عن جد متعة موضوعك لو اني داري مارحت ...

ماقصرت مشاءالله عليك حطيتنا في الصوره ..

بس عجبتي سالفة طلال وييييييينا فيه سندباااد ؟؟ (( والله نصراوي )) خخخخخخ


عموما مشكور وماقصرت ياغالي جهد جبار والله يعطيك العافيه ..


تحياتي

[ريف العين]

يووه السواني تعذبني اموت فيها صراحه

مجهود رااائع وصور واااضحه كاني بالجنادريه

خالد

يعطيك العافيه اخوي على جهودك الرائعه وتغطيتك لمهرجان الجنادريه

بجد استمتعت

تسلم ايديك على التصوير والحركتات النص كوم >>>يعني الفوتوشوب :تصفير:


تقبل اعذب تحيه

[ابو سلاف]

السلام عليكم
الحين عرفت القصة ،،،
لما كنت أتفرج على قناة ال BBC شفت هوشة وبداية مشكلة ، قلت الموضوع فيه إن لكن عرفت السالفة كلها أثر الموضوع فيه طلال وسندباد ،،،:مزون::مزون:

مشكور خالد ، جد دخلتني جو الجنادرية اللي أتمنى أزورها لكن التوقيت صعب ، لو كان في إجازة منتصف السنة كان أحسن ،،،



دمت بود

[محمد بن ضاوي]

صراحه ابدعت ياخالد


نقل ولا احلى


بس المشكله اني ماخذ فكره عن الجنادريه مب حلوه
(مب حلوه كانت ماهاب زانه) بس عشان ما اجفل الاعضاء مني ههههههههههههههههههههههههه ههههههههههههههههههههههههه هههههههههههههه

انا ماجيتها الا مره وحده عام 1419 وعقبها عفتها


بس صراحه صورة ابو سراج اللي ذكرك بناني شيييييييييييييييي ههههههههههههههههههههههههه ههههههههه

اثرها واصله وماهيب بسيطه ههههههههههههههههههههههههه هه



مشكور صديقي خالد على هالتصوير الاكثر من رائع وعقبال مايعزمنا جارح ونسوي امسيه وتصورني صوره واضحه زي هذول ههههههههههههههههههههههههه ههههههههه

[أبوعبدالرحمن]

لو علمتني كان خاويتك ياخالد


صراحة صور ولا اروع

وكاني زرت الجنادرية

[][ سما الدوحه ][]

<<<ما اقدر احمل الصور عشان اعلق عليها عدل..

عااااااااد اول صوره عجبتي ..صوره الضب..والله اللي سامت عمره وينفخ..

ثانيااااا اكسروا خااااطري هالشيبان..

ثاااالثا...يااا خااالد..الولد مسكين وعلى نياته بس انت فاهم غلط..

<<<وطلعت مب هين..تعرف الدو..عااااد صج الدو اكسسواراته..تجيب اللوعه


وااااخر شي..طلعتوا مهمين..اخاف الـ Cnnبعد يبونكم بمقابلات..

اما السندباد خله على جنب...

[وجن محمد]

.

الوفد مكوّن من أربعة أشخاص وهم : ( ناصر الراشد - سـلـمان - طــلال ) .. يؤ باقي واحد ! أنا متأكد يوم وقفت في المحطة ( شريت لـ اللي معي 4 بيبســي ) باقي واحد لمين ياربي ؟؟
اييييه نسيت أنــا رابعهم

بدأت الفهاوة من الآن .. :كلوش:

المفروض تسمي الموضوع ( الفهــاوة 3 ) :مزون:

ومازن كان بيروح معنـا .. بس أنا صرفته وخليته يجلس في بيتهم !

ايييييييييييييييييه صح انت صرفته ..
والله هو اللي حااااط رجله يوم عرف الطقم اللي بيروح معهم :هاها:

مم اضطرّنا أن نوقف السيارة في مكان بعيد عن البوابة وبدأنا نمشي على ( باص 11 ) << تعني على رجولنــا .. :واو:

اجل باص 11 ؟؟ :بفكر:

ابوووو التسمية يا خويلد ..!!!

ونحن عند البوابة .. أزعجنا ( طلال ) إلا يبي السوق الشعبي اللي خارج المهرجـان مدري كان يبغى يشتري بالونة أم صوت .. أو كورة .. أو بطاطس مقلي :مزون: نسيت بالضبط وش كان يبي .. لكن حلفت عليه ما يروح وسحبته مع شوشته معنـا وقلت تراك جاي من غرابيل رسمي .. يعني الثقالة زينة .. << عاد هو قاهرني خلقه لأنه نصراوي :واو:

يعني تبي تفهمني الآن انكم يالطقم الصيني رزة ؟؟؟ مالت على ابليس بس !!

<<<<<< تتخيلكم وكل واحد معلق كاميرا في رقبته مسويين امريكان على غفلة !!!!

وناصر الراشد شايل الابتوب حقه عشان تسوون انكم مهمين مادروا ان حرف الألف عنده طاااااق التعليق !! :مزون:

وبعدين وش فيهم النصراويين ؟؟؟؟؟؟؟؟؟؟

باعلمكـ سر ( طلال كان يبي يشتري بالونة صفراء مرسوم فيها قلب ازرق ) :هاها:

لكنّ طقّهم والله ذكرني بـ ( جماهير الإتي )

:هاها:

العمدة عند أهل الحجـاز :

8
هذا أول ما شفته أول ما جاء على بالي ( Nanny ) مدري ليـه :مزون:

وااااااااو :واو: اكيد لانكـ عرفت انه جدها الخامس عشر كان عمدة الحارة :هاها: <<<< ميتة ضحكـ !!!!!

وهذي سيارة عيال النعمـة سابقاً :

منت صااااحي يا خااااالد على هالتعليق :هاها:

شوفوا الصورة هذي ..
نظرة البزر هذا مهيب عاجبتني .. شوفوا وين يناظر .. واللبيب بالإشارة ! :كلوش:

ما فهمت :زعلان: <<<<< مو لبيبة :مزون:

النوخذة , وكيف كانوا يصيدون في البحر :

8
دوّرت فوشي معهم مالقيتهـا

فوووووشي كانت تشوي لهم السمك وتاكله بنفس اللحظة :مزون:

للمعلوميّة :

لوحظ في المهرجان أننا مطاردين إعلامياً .. فقد حاولت الكثير من القنوات , ومنها قناة الـBBC الإخبارية الأمريكية , ووكالة الأنباء الفرنسية أن تجري معنا لقاءات لأننا مسؤولين في منتدى غرابيل .. ولكننا رفضنا قطعياً بأمر من الشيخ ( أبو عبدالرحمن ) بعدم الظهور إعلامياً .. لأننا لا نبحث عن الإعلام ... :واو:

والله مو منهم الا من الطقم اللي قدامهم وحركات المراهقة المتأخرة !!
تلقاكم مسوين مصيبة ثانية (مثل مصيبة طلال) :هاها:

قال أول مرة بحياتي أشوف سندباد يمشي .. !

مو قايلة لكـ انتم بداتم و طلال ختم :11retcher

لو ماخذين مازن اصرف ..

كنتم شفتم الاعاقات على اصولها :مزون:







مجهوووود خرافي يا خالـد .. :واو:
من حركتات نص كم على قولة ريف ..
الى التعليقات التي تدل على فهاوة متئصلة في جزء من دماغكـ ..
وصولا الى الاعاقات الشديدة التي ظهرت فيكم والتي لاشفاء منها :مزون:






مشكووور الله يعطيك العافية بجد جمعت هنا مابين المتعة والتسلية ..

[فهد المهوس]

[align=center]
السلام عليكم
ـــــــــــــــــــــــــ ــــــ



-- // --

توجهنا إلى جناح حائل .. حيث دعوة من الأخ ( فهد بن صالح ) بيّض الله وجهه
استضافنا في الجناح الخاص بـ حائل , وكرّمنا بـ القهوة والتمر والشاهي .. وخذينا جلسة عنده لمدّة 10 دقايق ..
وودعنا بـ طقّة سامريّة تحبها قلوبكم ..

:مزون:
مارقصت أبد .. !


-- // --


ـــــــــــــــــــــــــ ــــــ
أخوكـ/خالد
[/align]

شرفتوني ياخالد انت ومن معك

مع إني حقدت شوي عليكم ماطولتوا عندي:مزون:

بس جا السفير اللبناني وحاسنا حوس الله يصلحه مايدري ان وفد غرابيل عندي :مزون:

تراك وعدتني بجية ثانية ترا الرجال الى يوم الجمعة وانا بإنتظارك وكل من يبي يشرفني اتشرف فيه

لروحك باقات جوري

[مازن]

ما شاء الله عليك ياخالد كل هالمعلومات مسجلها بالنوت ولا من راسك مخزنها
<<<بس ناوي يصكك عين :مزون:


بصراحه خضنا جو بهالصور وكأننا متواجدين معكم بالجنادية23 ، عقبال مانرى تقرير مصور للجنادرية 24بس المرة الجاية تنادوني ماتصرفوني ههههههههههه


وأحسن صورة عجبتني الباردوة الي كنها حقت نمر بن عدوان :خجل: :خجل:

[فهد المهوس]

[align=center]
السلام عليكم
ـــــــــــــــــــــــــ ــــــ



-- // --

توجهنا إلى جناح حائل .. حيث دعوة من الأخ ( فهد بن صالح ) بيّض الله وجهه
استضافنا في الجناح الخاص بـ حائل , وكرّمنا بـ القهوة والتمر والشاهي .. وخذينا جلسة عنده لمدّة 10 دقايق ..
وودعنا بـ طقّة سامريّة تحبها قلوبكم ..

:مزون:
مارقصت أبد .. !


-- // --


ـــــــــــــــــــــــــ ــــــ
أخوكـ/خالد
[/align]

شرفتوني ياخالد انت ومن معك

مع إني حقدت شوي عليكم ماطولتوا عندي:مزون:

بس جا السفير اللبناني وحاسنا حوس الله يصلحه مايدري ان وفد غرابيل عندي :مزون:

تراك وعدتني بجية ثانية ترا الرجال الى يوم الجمعة وانا بإنتظارك وكل من يبي يشرفني اتشرف فيه

لروحك باقات جوري

[مازن]

ما شاء الله عليك ياخالد كل هالمعلومات مسجلها بالنوت ولا من راسك مخزنها
<<<بس ناوي يصكك عين :مزون:


بصراحه خضنا جو بهالصور وكأننا متواجدين معكم بالجنادية23 ، عقبال مانرى تقرير مصور للجنادرية 24بس المرة الجاية تنادوني ماتصرفوني ههههههههههه


وأحسن صورة عجبتني الباردوة الي كنها حقت نمر بن عدوان :خجل: :خجل: