اغنام - ابل - دواجن - طيور

قصيدة الرفقه





حتى أنت....؟ بانت نواياك وتصاغرتك

وانا اللـــــي أبروز علومك واكبرها

خاويتني وانتهض راسي وناصرتك

وهزيت لأسمك هل الطيب ومنابرها

ونقلت حملك على متنــي وسايرتك

وخاويت بك نقــــوة العربان واخيرها

وعلمتك بقيمــة الرفقـــه وصقرتك

وازريت اغطـــــي عذاريبك وتضهرها

أستصغروك أقرب اصحابك وكبرتك

وصغرتهــــا ليــن خليتك تصاغـــرهــا

أمـد كفـــــــي لكفك يـــوم قــــــدرتك

وتـردهــــا مـن ردا راسك وتقصــرهــا

والله ما أنت بمثل مـا أنا تصـــورتك

تلد عينك علــى العــــــوجا وتسبرهــــــا

ما أخترت أخاويك من رغبه ولا أخترتك

خســــارة اسنين عمري فيك وأشهرهـــا

غلطان لو تحسب ان الأجواد خاسرتك

بالعكـــــس من تفقدك مـا الله مخســــرها

عاشرت غيرك على الدنيا وعاشرتك

ولا أنت أول اللــــي فقدت وجعلك آخرهـــا

أحرقت كرت الصداقه وأحترق كرتك

تسعـه قضوا من حياتـــي وأنت عاشـــــرها

ان ما حقرت العرب ما هيب حاقرتك

ولا يمــكن تعـز شانك وأنت حاقـــرهـــــــــــا

علمتك العــــام وقبل العـــام حــذرتك

أستـــر عيـــــوبك مـــــدام الله ساتــرهــــــــــا

غـرورك يســــوقك لبيبـــان مقبــرتك

وتواضعك يرقب العليـــــــــــا ويضهـرهــــــــا

لو ما تغيـــر طبـــاع النفس غيـــرتك

وتواضـــــــع الناس يغنــــــي من تكبـــرهـــــا

ثـلاث تتجـر بهــا ماهـــي مخســرتك

تجـــــــارتن مـــــا تخيب ظن تاجــــرهــــــــــــا

نباك وأسمك ورجـــوا الله مغفــرتك

نصــرن من الله كـــان الله سخــــرهــــــــــــــــا

لا ترضي إعداك وتكسب من تحاقرتك

ولا تزعل أقــرب بنـــــي عمك وتخســـرهـــــــا

وأقدم علـى الطيب مـا رجلك معثرتك

واتعب عـلـــــــى رفقــــــة الطـيب ودورهــــــــا

ولا تذخـر بوقفتـك والناس ذاخــــرتك

أن كــان فيهـــــا مغــــز أبره لا تذخــرهــــــــــا

تـــــرا ثياب الـردا ماهيب ساتـــــرتك

ونقــد الرياجيـــل يوجــــــع وانت خـابرهــــــــا

لو تطلب الناس منك فوق مقدرتك

أمــا تحــــزم لهــــــــــــــا والا تعـــذرهـــــــــــــا

ولا تعتذر من رخى ماهيب عاذرتك

ولا تقول مـــــا اقدر عليهــــا وانت قـادرهــــــــا

طعني ولا عاد تطغـــى في مكابرتك

لا تمــــوت الأنفس قبل تصحـــى ضمايرهــــــــــا

حاول في دنياك تعمل شـي لأخرتك

مـــا عقب طــول العمـــار الا مقابــرهــــــــــــــــا

rwd]m hgvtri